Рубрикатор

Культура Мекев СССР-в: икелень шкань а стувтовикс курмотне-кармотне
Мекев СССР-в: икелень шкань а стувтовикс курмотне-кармотне

СССР-сь умок уш кадовсь ансяк ледстнемакс, ялатеке се шкань кой-кона курмотне-кармотне кадовсть минек седейтнес. Лиятне нейгак тенек лездыть эрямосонть. Улить истяткак, конатнень кедьс саезь, сеске велявтат эли од пингезэть эли эйкакшпоразот. Саемс, невтемга, Од иень открыткатнень, куз лангс понгавтневиця налкшкетнень ды алонзо путовиця папье-машестэ, ватасто теезь Якшаматянть ды Ловняськенть. Сынь ней теевсть алкуксонь раритетэкс ды питнейчист «барахолкатнесэ» пек кассть.

 

Тусть эрямостонть мазый ковёртнэ, конатнень рамилизь покш «блат» вельде ды понгавтнилизь сехте паро таркас. Истя жо пек стакасто рамавильть се шкане серванттнэ, стенкатне ды кухнянь гарнитуртнэ. Сынст кисэ очередьсэ савкшнось аштемс зярыя иеть, бути кияк лездыцят арасель. Стенкатне, нама, пештявильть питней хрустальде, конась таргсевиль сехте покш кенярксчитнень шкасто. Истямо жо хрусталень люстрат поволезельть залтнэсэ, сынст шлямось-нардтнемась ульнесь истямо покш мелявксокс! Сотовой ды кнопочной телефонтнэнь сазь, минь уш карминек стувтомо крутявиця диск марто телефонтнэнь. Неень шкань од ломантне, истямо «тамашанть» неезь, арсян, а чарькодитькак, кода сонзэ вельде гайневтемс. Весе ледстнесызь раужо-ашо тюссо невтиця телевизортнэнь, конань свал яжавиль переключателезэ, ды савкшнось сонзэ полавтомс плоскогубца лангс. Эряви тешкстамс, кой-кона курмотне-кармотне те шкас важодить эсест азорост туртов. Теке жо телевизортнэ, радиопроигрывательтне, пылесостнэ, сывелень нолдамо, черень нарамо машинкатне, «пештинень» эли вафлянь панема кшнинь форматне, канстонь онкстамотне, утюгтне, сакалонь нарамотне, вант-вант, ды костояк несыть. Сеедьстэ покштятнень-бабатнень кедьстэ эли пек ванстыця ломантнень кудосто.
Лавкав весе якильть варяв авоська марто, «целофанонь пакет» валсюлмавксось появась бути ютазь пингень 90-це иетнестэ, зярдо кармасть ускомо курмот-кармот омбо масторсто. Продуктатнень лавкасо се шкане тапарилизь тюжа пергаментэнь конёв потс эли пештилизь кулёкс. Неень шкане истямо конёвось таго совась «модас», ансяк сонензэ мерить англань кельсэ «крафт-конёв», ды тапарить потмозонзо цецят эли питней казнеть.
Ульцятнесэ тесэ-тосо вастневильть газировкань эли сиропонь мииця автоматт, конатнестэ весе симильть вейке стопкасто ды кияк теде мейле а сэредиль минень-сюнонь ормасо. А кодат микшнильть мороженойть! Конёвонь стопкинетнень лангс артозельть якстере ды раужо чукшторовт, танстест неть пломбиртнэнь – а ёвтавияк! Седеяк мельспаро ульнесь рамамс эскимо фольга потсо, ансяк питнезэ ульнесь кавксть седе ламо.
Покш уцяскакс 80-це иетнестэ ульнесь порема резинкатнень рамамось. Сынь ульнесть зярыя танстень: мятань, апельсинэнь, кстыень, кофень, инзеень. Мейле уш кармасть микшнеме омбо масторонь «бубль-гумт», ялатеке сынст танстест «Рот Фронтонь» резинкатнень ваксс а путовиль. Советской Союзонь эйкакштненень истя жо вечкевильть суликань бутылкасо «Буратино» лимонадось, банкасо микшневиця тархунось. Тетятне-аватне жо бажильть рамсемс кудов индийской чайть, колмо уголс пачкасо кефирт, алкуксонь кофе ды какао.
Кода а ледстямс се шкань парфюмериянть ды косметиканть. Тейтертне артыльть сельмепонаст Ленинградонь фабрикань раужо тушсо, конань щёткиненть лангс эрявиль васняяк вадрясто сельгемс. Пургсильть аватне «Красная Москва», «Наташа», «Белая сирень», «Лесной ландыш» духитнесэ, ваднильть «Балет» тоналкасо, «Норка» косметикань вазелинсэ. Цёратнень туртов нолдыльть «Тройной», «Саша» ды «Шипр» одеколонт. Французонь духитне се шкастонть ульнесть весе тейтерь-аватнень васенце бажамокс ды сеедьстэ тенст пачкодильть ансяк «Дзинтарс» Латвиянь фирмань духитне. Теяк ульнесь покш уцяскакс. Эйкакштне, нама, ледстнить «Кря-кря» ды «Игрушка» шампунтнень.
Оршамопельтнеяк сестэ мольсть весе вейке-вейке ёнов: «чебурашкань» тюжа ды раужо шубинеть, буркат, понань кемть, нумолонь шапкат. Мейле уш тусть «модной» норкань эли седе а питней хонорикень шапкатне ды кубанкатне. Тешкстама, цёрань шапкатнесэ якасть тейтерь-аватнеяк. Бути шапкат ульнесь норкань, сестэ сеске редявиль, тон седе сюпават лиятнень коряс. Тельня эйкакштнень шубатнень потс резинка вельде поводевильть варьгат, чамась якшамо читнестэ сельме видьс вельтявиль шарфсо. Оштё эйкакштнень мельс кадовсть «Ну, погоди!» васенце электронной налксемась, юлась-неваляшкась, конёвсто керсевиця някатне ды сынст оршамопелест. А кодашка кеняркс ульнесь, бути кияк костояк ускиль диафильмат, ды весе куринкась озыль ваномо ашо коцтонть икелев. Лецямопельтнень ютксто а стувтовить пси банкатне, «Звёздочка» Вьетнамонь бальзамось, суликань банкинесэ ожо аскорбинкатне.
Улить оштё ламо эрьва мезть, конатнень минь бу ледстявлинек течи, ансяк а саты газетань лопанок те тевентень. Секскак седе тов минь поладсынек те рубриканть, учодо од статьят ды аламошкас нолдынк оймезэнк ностальгиянть.


30.01.2019

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...