Рубрикатор

Культура Эйдень кужосо – Роштовань калядамотне
Эйдень кужосо – Роштовань калядамотне

Кода ванстомс эрзянь раськень кезэрень койтнень-кирдатнень? Мезе теемс минек сюпавдояк сюпав культуранть ванстоманзо туртов? Кода вельмевтемс ды одов совавтомс эрямонтень сеть койтнень, конатнень эште ледстнить минек покштянок-бабанок, тетянок-аванок ды лиясто минськак? Саемс вана Роштовань калядамотнень. Эште минек эйкакшпорастояк те кезэрень коесь ульнесь телень каникулатнень кенярдома чикс. Неень шкане тевтне пек полавтовсть. Велетнесэ эйкакштнеде лиядсть пек аламо, оштнесэ жо колмоксть эряви арсемс, штобу кучомс калядамо эсь эйкакшот шабрава-кува. Васняяк, эряви меремс, те лувось аволь весе ломантненень вечкеви, эрьванть эсензэ обуцязо: кие кенкшкак а панжи, кие сёвномояк карми. Истя жо эйкакштнень якамось кабу зыянс а ветяволь – кие соды, кодат мельть-арсемат кенкшень панжиця шабратнень превсэ. Ялатеке ули вейке ёнкс, кона лезды койтненьгак ванстомс, эйкакштненьгак кенярдовтомс, ды чачсь сон Саранск ошонь 80№ эйдень кужосонть. Ловнодо теде материалсонть, конань тенек кучизе те образовательной учреждениянть воспитателесь Валентина Владимировна Дыдыкина:


– Минек эйдень кужось бажи эйкакштнень марто важодемань программантень совавтомс мокшэрзянь раськенть фольклоронть, койтнень-кирдатнень ды культурань пелькстнэнь. Педагогтнень задачаст, васняяк, кастомс-кемекстамс эйдетнень ойметнес тиринь ёнксонтень вечкеманть моротнень, налксематнень вельде.
Вана, невтемга, аволь умок 7-це № группасонть, конасонть анокставить эйкакштне школасо тонавтнеме, ютась «Города-самоцветы» мельстуиця занятия, косо эйкакштне ванкшность видеороликть минек масторонь ды республикань прявт оштнеде. Сыненст невтезельть Московонь ды Саранскоень гербтне, Россиянь ды Мордовиянь флагтне. Эйкакштне вешнесть оштнень картатнесэ, конатнень васняяк арсизь эйдень кужонь педагогтне, мейле жо сынст теевтизь рекламань агентствасо. Неть картатнесэ невтеви весе Россиясь, сон явозь пазлава. Картасонть невтевить весе республикатне, покш оштне флагост, гербест, раськень оршамопелест ды натой тосо эриця ракшаст марто.
Занятиятнеде оймсема шкастонть эйкакштне тейсть эрзянь авань мазый пряс путома – панго, конань сынь теизь эрьва кодамо тюсонь конёвсто, педявтнесть лангозонзо керсезь викшневкст ды цивтёрдыця човалинеть. Мейле тейтерькатне наряжасть «панготнесэ», цёрынетне жо сайсть мель кандомс сынст кудов вечкевикс аваст туртов.
7-це № группань эйкакштне истя жо мельспаросо яксить «Юные артисты» кружоконтень (художественной прявтось В.В.Дыдыкина), косо тонавтнить ды морыть морот аволь ансяк рузонь, эрзянь кельсэяк. Эряви тешкстамс, вейкеяк тетя-ава эзь моле каршо ды эзь мере, мезекс тенст эрявить эрзянь моротне. Мекевлангт, зярдо сынь ваныть, кода цивтёрдыть эйкакшост сельминест неть занятиятнеде мейле, весе ёвтыть сюкпрянь валт.
Роштовань тешкстамонь читнестэ эйкакштне кружоконь прявтонть марто вейсэ анокстасть налксемань-калядамонь программа, косо вейсэ киштсть-морасть, орожиясть, ёвтнесть содамоёвкскеть теледенть ды тонавтнесть калядат рузонь ды эрзянь кельсэ. Мероприятиянтень тердезь инжетнень ютксо ульнесь эйдень кужонь прявтось Светлана Викторовна Вишняковаяк. Сонензэ истя вечкевсть эйкакштнень калядамотне, кужонь азоравась натой тердинзе од артисттнэнь ютавтомс калядамот эйдень кужованть омбоце чистэнть.
Эйкакштне мельспаросо анокстасть те чинтень, кандсть мартост мазый оршамопельть, пацят, кескавнеть ды сыргасть калядамо. Васняяк содавтызь вахтёронть, мейле совасть пидема нупалентень, кужонь психологонтень, методистэнтень, бухгалтерияв ды эште вете группас.
Велявтсть сынь одов покш канст марто, косо ульнесть печеният, прякат, ламбамопельть. Светлана Викторовна жо эрьва эйдентень вешемадост-калядамодост мейле макссь 5 целковойнеть, рузкс меремс, «пятачокт». Весе калядазь тантейкатне пурназельть башка кескавнес ды путнезельть эйкакштнень шкафтнес. Чокшне сынь саезельть кудов тетяст-аваст каванямс.

Валентина
Дыдыкина,
«Детский сад №80» МАДОУ-нь воспитатель.


23.01.2019

 

Новости

Изнямонь чинь диктант


«Единая Россия» политической партиянь Генеральной Советэсь сайсь мель ютавтомс маень 7-це чистэ Изнямонь чинь диктант. Теде пачтясь журналисттнэнень апрелень 22-це чистэ Мордовиянь «Единая Россия» партиянь региональной отделениянь председателесь В.В.Чибиркин.

Диктантось юты «Историческая память» проектэнть топавтомга масторонок зярыя регионсо ды 22 омбо масторсо. Участниктненень сави отвечамс 20 кевкстематнень лангс Ине Отечественной войнань историянть коряс. Неть кевкстематнень ней аноксты Россиянь исторической вейсэндявксось.

Подробнее ...
 
Турчак подвел итоги первого экологического форума «Единой России»
Секретарь Генерального совета «Единой России» Андрей Турчак подвел итоги Всероссийского
экологического форума «Единой России» «Чистая страна». В частности, он предложил органам власти
провести проверку того, как регионы соблюдают законодательство в части установления тарифов за
обращение с отходами.
Подробнее ...
 
«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...