Рубрикатор

Культура Эрить кезэрень коест коряс
Эрить кезэрень коест коряс

Зярыя пингень перть рузонь старообрядецтнэ эзть муе эстест тарка тиринь модатнесэ. ХХ-це пингестэ ламот эйстэст тусть эрямо омбо масторов. Тиринь ёнкссонть эзь саво кирдевемс, секскак ней старообрядецтнэ эрить истямо васоло ёнкссо, кода Латинской Америкась. Течи ёвтнетяно тенк Боливиянь Тоборочи веледенть, косо эрить рузонь фермертнэ.

 

Старообрядецтнэ, эли старовертнэ – появасть 1605-1681 иетнестэ, зярдо мольсть церьковань реформатне. Весемесь ушодовсь, зярдо Никон Московонь патриархось тевс нолдась од лувт (озномань книгатнень витнемась, койтнень полавтомась). Кинень эзть вечкеве од реформатне, вейсэндинзе Аввакум протопопось. Старовертнэнь лангс кармасть каявомо эрьва ёндо. XVIII-це пингестэ ламот тукшность Россиясто, вешнесть эстест эрямонь од таркат.
Боливияв, Тоборочи таркав, 40 иеде икеле састь эрямо рузонь васенце старообрядецтнэ. Нейгак те тарканть а мусак картасо. 1970-це иетнестэ тесэ ульнесть апак сода модат ды тусто вирть (джунглят).
Фёдор ды Татьяна Ануфриевтне чачсть Китайсэ, мейле эрясть Бразилиясо, тосто сыргасть Боливияв. Тоборочисэ, сындест башка, эрить Ревтовт, Мурачевт, Калугиновт, Куликовт, Анфилофиевть, Зайцевть.
Тоборочи велесэнть малав комсь кудот, конат аштить вейкест-вейкест эйстэ ве ёно. Малав весе сынь кирьпецень.
Климатось тосо пси ды летьке. Секскак сеськетне пупсить иень перть свал! Москитной сеткат аравтнить весе вальматнева.
Старообрядецтнэ ванстыть эсь коест. Цёратне кандтнить каркс марто панарт. Стасызь сынсь. Понкстнэнь рамсить ошсто.
Аватне якить сарафансо ды кувака палясо. Прячерест кастыть вишкинестэ саезь ды кодыть черьпулос. Старообрядецтнэ лия ломантненень а мерить сынст снимсемс. Ялатеке эрьва кудосо жо улить эсест фотоальбомост.
Од ломантне а кадовить шканть эйстэ, улить телефоност. Малав весе кудотнесэ улить кондиционерт, муськемань машинкат, микроволновкат ды телевизорт. Сыретне сюлмавкшныть васоло эриця малавиксэст марто Интернет вельде.
Тоборочисэ явить мель велень хозяйствантень. Теде башка, кастыть калт. Андыть эйсэст чизэнзэ кавксть – валске марто ды чокшне. Коромонть теить теске, вишка фабрикасо.
Паксятнесэ старообрядецтнэ кастыть бобат, кукуруза, товзюро, виртнесэ – эвкалипт. Самай Тоборочисэ кастсть боливиянь бобань истямо сорт, конань содасызь весе масторсо. Бобат истя жо усксить Бразилиясто. Велень фабрикасо кастозенть-пурназенть пештить кескавс ды миить оптовиктненень. Боливиянь модась максы урожай иезэнзэ колмоксть! Удобрениянь кайсеме кармасть ансяк зярыя иеде икеле.
Аватне кирдить хозяйства, кодыть, стыть, кастыть эйкакшост ды нуцькаст. Семиятнесэ трить ламо эйкакшт. Эйдетнень туртов лемтнень кочкить Псалтирьстэ, ваныть, кодамо чистэ чачсь. Лем максыть чачомадо мейле кавксоце чистэ. Вана кодат лемест: Лукиян, Киприян, Засим, Федосья, Кузьма, Агрипена, Пинарита, Авраам, Агапит, Палагея, Мамелфа, Стефан, Анин, Василиса, Маримия, Елизар, Инафа, Саламания, Селивестр ды лият.
Велень эрицятне сеедьстэ вастневить идем ракшатнень марто: обезьгант, страуст, гуйть, крокодилт. Зыянонь а лисемга, сынст марто свал улить ружият.
Недлязонзо весть аватне якить ошонь ярмункав, тосо микшнить сыра, ловсо, пидевкст-паневкст. Топонть ды вельксэнть Боливиясо а вечксызь.
Паксянь важодематнес рузтнэ сивелить боливиянь ломантнень, конатнень лемдить Коляекс. Старообрядецтнэ, рузонь кельденть башка, кортыть испанонь кельсэ. Сыретне эзизь стувто португальской ды китаень кельтнень.
16 иесэ цёрынетне лововить покш цёракс, сынь маштыть важодеме ды мереви тенст урьвакстомс. Старообрядецтнэнь ютксо а меревить урьвакстомат-мирденень лисемат малавикстнэнь ютксо сисем юрс, секскак одирьватнень вешнить Южной ды Северной Американь лия велетнесэ. Россияв пачколить чуросто. Тейтертне лисить мирденень 13 иень топодемадо мейле.
Тейтеренть туртов васенце покш казнесь – рузонь моро марто сборникесь, конастонть авась теи копия ды кази тейтерензэ чачома чистэ.
Кемень иеде икеле Боливиянь власттне макссть ярмакт школань стявтомс. Сон ашти кавто зданиясто ды явови колмо классос: 5-8, 8-11, 12-14 иесэ эйкакштнень туртов. Цёрынетне ды тейтернетне тонавтнить вейсэ.
Школасонть тонавтыть Боливиянь тонавтыцят. Прявт предметтнэ – испанонь кель, ловнома, математика, биология, рисования. Рузонь келенть тонавтнить кудосо. Эсь ютковаст кортамсто сынь тонадсть човорямс кавто кельтнень, кой-кона испанонь валтнэ панизь рузонсетнень. Бензинэнть велесэнть лемдить «гасолинакс», ярмунканть – «ферия», рыноконть – «меркадо», шукшонть – «басура». Испанонь валтнэ рузыясть ды ёвтавить минек келенть коряс. Улить од валост: саемга, «скачать из Интернета» валсюлмавксось – «дескаргарить», испанонь descargar валстонть. Кой-кона рузонь валтнэ умок ёмасть неень шкань Россиясо, Тоборочисэ сынь парсте ванстовсть: невтемга, «очень» валонть таркас мерить «шибко», чувтонтень мерить «лесина». Сыретне човорить валтнэнь эсест койсэ. Эряви меремс, диалектологтнень туртов Тоборочись – покш муевкс, паряк, книгаяк пурнави.
Боливиянь правительствась казни государственной школань весе тонавтницятнень. Иезэнзэ весть сакшныть военнойть, пандыть эрьва тонавтницянтень 200 боливиано (малав 30 долларт).
Старообрядецтнэ недлязонзо кавксть якить церьковав (нама, православной кенярксчитнестэяк). Озноматне ютыть субутасто (17 чассто саезь 19 часос) ды недлячистэ (валске 4 чассто саезь 7 часос). Цёратне ды аватне якить церьковав ванькс оршамопельсэ, ланга оршить чопода тюсонь. Раужо каявксось тешксты – Пазонть икеле весе вейкеть.
Неть старообрядецтнэнь ютксто ламотне вестькак арасельть Россиясо, ансяк эсь историяст парсте содасызь.
Недлячись весень туртов – оймсема чи. Весе якить вейкест-вейкест туртов инжекс, цёратне ардыть калонь кундамо. Велесэнть чополгады ранаяк, маднить чокшне 10 чассто.

 

Новости

Изнямонь чинь диктант


«Единая Россия» политической партиянь Генеральной Советэсь сайсь мель ютавтомс маень 7-це чистэ Изнямонь чинь диктант. Теде пачтясь журналисттнэнень апрелень 22-це чистэ Мордовиянь «Единая Россия» партиянь региональной отделениянь председателесь В.В.Чибиркин.

Диктантось юты «Историческая память» проектэнть топавтомга масторонок зярыя регионсо ды 22 омбо масторсо. Участниктненень сави отвечамс 20 кевкстематнень лангс Ине Отечественной войнань историянть коряс. Неть кевкстематнень ней аноксты Россиянь исторической вейсэндявксось.

Подробнее ...
 
Турчак подвел итоги первого экологического форума «Единой России»
Секретарь Генерального совета «Единой России» Андрей Турчак подвел итоги Всероссийского
экологического форума «Единой России» «Чистая страна». В частности, он предложил органам власти
провести проверку того, как регионы соблюдают законодательство в части установления тарифов за
обращение с отходами.
Подробнее ...
 
«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...