Рубрикатор

Культура Анастасия Сидорова: «Арсян викшнемс колмо велень эрзянь авань оршамопельть»
Анастасия Сидорова: «Арсян викшнемс колмо велень эрзянь авань оршамопельть»

Кезэрень шкатнестэ минек эрзянь тейтертне вишкапингстэ саезь ушодыльть эрямо парень пурнамо. Васенцекс сынь бажильть стамс-викшнемс эстест свадьбань оршамопель. Эрьва велесэнть ульнесть эсест викшневкст-тешкст, конатнень од тейтерькатне редилизь эсест аваст ды сырькаест пельде. Мирденень лисема кезэрень оршамкась ульнесь ниле пельксстэ: викшнезь ланга панарсто, викшнезь алга панарсто, юбкасто ды пулайстэ. Прянтень путыльть мазыйдеяк мазый сорока. Отяжеле ёнксонь Сабанцеле велень эрицянть Анастасия Сидоровань (тейтерькс Леонтьевань) истя жо эйкакшпорасто ульнесь мелезэ викшнемс эсензэ велень аватнень кезэрень раськень оршамопеленть. Сон уш школасо бажась седе ламо содамс теде. Тосонь краеведениянь музейсэ ванстовсть Сабанцелень аватнень панартнэ, юбкатне, ды Настя аламонь-аламонь тонавтнесь викшнеме сынст лангсто. Юткошкасто ловнось эрзянь викшневкстэ литература. Авазо редизе тейтерензэ бажамонзо ды макссь превть молемс тонавтнеме Н.П. Огарёв лемсэ МГУ-нь Раськень культурань институтов.

 

Кода ледстни Настя, васняяк тензэ пек стакаль. Тосонь студенттнэ сакшность васенце курсос ламо содамочи марто художественной школань прядомадо мейле. Лиясто сакшность мельть кадомс тонавтнеманть ды туемс роботамо. Ансяк эрзянь тейтерень назой обуцясь изнясь: аламонь-аламонь тонадсь, омбоце курсось марявсь седе шождакс. Зярдо нилеце курссо кармасть тонавтомо викшнеме, Сидорова седеяк кенярдозевсь, эдь те ёнксось сонензэ пек малавиксэль. Дипломонь роботанзояк теизе викшнемань коряс. Тонавтыцянзо ды дипломонь роботань ветицянзо В.В.Ковалева марто сынь арсесть невтемс весенень Сабанцеле велень авань панаронть. Истя Настя бажась невтемс весенень тиринь велень оршамопельтнень мазычист. Те панаронть тейтересь викшнесь чинек-венек, шкась дипломонь роботанть теемс максозель аволь пек ламо, ды покш тевесь топавтозель. Свадьбань панарось удалась ды пек вечкевсь комиссиянтень. Сестэ уш Настянь превс сась эште вейке мель: теемс истят колмо оршамопельть. Эдь кезэрень ёвксонь коряс, паро эрямонь вешнеме минек ёнкстнэс сакшность колмо лелят-ялакст: Сабан, Тарас ды Ботуж, ды, нама, сынст ульнесть колмо нист. Неть эрзянь цёратне путызь кудост вейкест-вейкест эйстэ аволь васоло. Истя теевсть Сабанцеле, Таразбуе ды Ботужеле велетне.
Университетэнть прядомадо мейле Настя сась важодеме Отяжелень Эйкакшонь творчествань кудов, косо тонавтсь викшнеме ды кодамо тосонь эйкакштнень. Мейле аламошкас савсь кадомс вечкевикс тевенть, эдь сон лиссь мирденень ды чачтызе Полинка тейтерьканзо. Пельиень ютазь Настянень лиссь роботамо тарка тиринь Сабанцеле велестэ. Тесэ сон топавтызе шабра Таразбуе велень авань платиянь викшнемань мелензэ-арсеманзо. Важодиль роботадо мейле, зярдо мадстилизе вишка эйкакшонзо. Се шкастонть пек лездась авазо, макснесь шка тензэ викшнемс, сонсь котьмиль Полина марто. Настя капшась, эдь курок Московсо ютась «Молодость России» Весероссиянь художественной выставка, косо сон бажась невтемс кавто покш роботанзо ды эште зярыя вишкине викшневксэнзэ. 2016 иестэ сонзэ эрзянь панаронзо дивавтызь выставкань ваныцятнень ды тейтерентень максозель премия. Теде мейле Сидоровань викшневкстэме а ютакшны республикань вейкеяк выставка. «Шумбрат, Мордовия!» фестивальсэнть сон умонь участник. Тедеде тейтерь-авась эште изнясь «Старт в профессию» пелькстамосонть. Мелят Любовь Красноперова, Анастасия Гавриловнань тонавтницязо, сайсь васенце тарка «Одаренные дети» Весероссиянь пелькстамосонть «декоративно-прикладное творчество» номинациясонть викшневксэнзэ кисэ.
Ней Анастасия арси топавтомс колмоце арсеманзо – викшнемс Ботужеле велень эрзянь авань оршамопеленть. Тевесь уш сыргась таркастонзо, ды минь арсетяно эрзянь авантень ансяк од изнявкст. Эрзянь раськень койтнень-кирдатнень ванстомасо ды кемекстамосо ули Анастасия Гавриловнань таликазояк.


М.Девятова


19.12.2018

 

Новости

В состав Центрального координационного совета Сторонников «Единой России» войдут наиболее эффективные региональные общественники

До 1 февраля в Центральном и региональных координационных советах Сторонников Партии пройдет ротация по новому принципу. Также в 2019 году в июле-августе в Москве планируется проведение федерального форума в рамках реализации проекта Центра поддержки гражданских инициатив (ЦПГИ). Об этом сообщил сопредседатель Центрального совета Сторонников «Единой России», депутат Государственной Думы Сергей Боярский.

Подробнее ...
 
«Единая Россия» в Мордовии инициировала обсуждение вопросов патриотического воспитания молодежи

 - Мы не можем мириться с таким актом неуважения к России и ее национальной символике!

Девушки, сделавшие это не могли не понимать, что совершают преступление»- заявил

региональный координатор федерального партийного проекта «Историческая память в

Мордовии», директор Мемориального музея военного и трудового подвига 1941-45

г.г. Николай Кручинкин.

Подробнее ...
 
«Единая Россия» в первом квартале 2019 года запустит экологические сервисы «Зеленая карта» и «Красная кнопка»

 В первом квартале 2019 года партпроект «Единой России» «Чистая страна» запустит два новых экологических сервиса «Зеленая карта» и «Красная кнопка». Об этом заявил координатор партпроекта «Чистая страна», председатель комитета Государственной Думы по экологии и охране окружающей среды Владимир Бурматов.

Подробнее ...
 
«Единая Россия» законодательно сохранит право учителей и врачей принимать подарки

 «Единая Россия» подготовит и внесет ко второму чтению поправки, исключающие учителей и врачей из перечня должностных лиц, которым правительственным законопроектом предлагается запретить принимать подарки. Такое заявление сделала координатор партпроекта «Единой России» «Новая школа», депутат Госдумы Алена Аршинова.

Подробнее ...
 
Законопроект ЕР об упрощении процедуры получения компенсации за капремонт принят во втором чтении

Законопроект, упрощающий процедуру получения пенсионерами компенсации по капремонту, прошел второе чтение в Государственной Думе. Документом, разработанным членами фракции «Единой России» предлагаются изменения в статью 171 Жилищного кодекса РФ, уточняющие условия предоставления компенсации на уплату взноса на капитальный ремонт отдельным категориям граждан.

Подробнее ...