Рубрикатор

Культура Кода вастома Од иенть
Кода вастома Од иенть

2019 иестэнть минь тынк марто учотано Ожо Модань Тувонь (идем тувонь) иенть. Сень туртов, штобу сыця иесь улевель вадря ды кандоволь седе ламо лезэ, сонзэ эряви вастомс весе койтнень кирдезь.
Тувонь иесь ловови кемгавтовоцекс, меельцекс зодиаконь тешкстнэнь ютксо, невти ракшанть, кона чивалгомань гороскопсонть кандови Инь группантень.
Иесь карми вадрякс Зодиаконь весе тешкстнэнь туртов. Тувось вечки вадря ёжо ды эсь мелензэ кази весёла ломантненень. Иесь аноксты алкуксонь полавтомат эрямосонть сетненень, кие зярс эзизе сюлма эсь эрямонзо эсь седейпелькскенть марто. Зодиаконь весе тешкстнэнень удалы муемс эсь вечкеманть ды венчамс-урьвакстомс.
2019 иенть ушодовомсто эряви прядомс весе тевтнень, конат ушодозельть икеле. Од тевтнень жо седе паро кадомс мейленень. Од проектт седе паро ушодомс иень васень ковтнестэ, седе мейлень шкась кирти тевсэ удаламонть.
Важодема таркасо весе тешкстнэнь учить ковгак ардомат, зарплатань касомась, карьерань кузтемаванть эскелямось. Полавтомс жо важодема тарканть Тувонь иестэнть а эряви, од таркасонть кармить ламо мелявкст.
Бути кортамс ярмактнень коряс, иенть перть эряви улемс анококс. Ламо ярмаконь ютавтомадонть икеле эряви свал весементь парсте арсемс. Покш тевтнень седе паро кадома сы иентень.

Кода видестэ вастома 2019 иенть

Од иенть мереви вастомс куш косо, прявтось, штобу перьканк улевельть малавикс ды вечкевикс ломанть. Бути сынст марто ютавтсынк иень васенце чинть, ояксчись ютксонк ванстови весе иенть перть. Пек покш тарка саи кенярксчинть шкасто ломаненть ёжозо. Вадря ёжось лезды уцяскантень ды кемексты вадрянть эрьва мейсэ.
Казнекс эряви кочкамс мезеяк лия ёнов а молиця, мезесь кенярдовты ды дивавты. Тувось тенень яви мель, эдь сонськак вечки поксарямо модасо ды вешнеме мезе-бути од, асодавикс.
Ярмактнень улемга Тувонть эряви ваномс мелензэ. Тень туртов седе сеедьстэ малавиксэнк марто оймсема эрьке чиресэ эли вирь маласо. Истямо сэтьме оймсемась вечкеви иень ванстыцянтень.
Чаво зепе марто иенть вастомс ловови берянь тешксэкс. Штобу од иестэнть эрямс ярмаковсто, Од иень вестэнть зепесэнк улест покш ярмакт ды зярыя трёшникть. Од иенть ушодовомадо икеле жо явшема весе долктнень, седе паро, бути тень тейсынк колмо чиде икеле. Якшамковонь 1-це чистэнть жо долкс максомс киненьгак а мереви. Истямо тевесь канды ярмаконь ёмавкст весе кемгавтово ковтнень перть.
Пек паро ванстыцякс тынк туртов карми тувинесь-статуэткась. Сехте парокс жо ловови ашназа-якстере тюсонь ярмаконь таштамо паргинесь. Эйсэнзэ улест седе ламо трёшникть ды путома неявикс таркас.
Тувинесь тонавты кенярдомо, канды уцяска кудос, вансты берянь тевтнеде ды лезды эрьвантень невтемс эсь прянть од ушодовоматнесэ. Од иень кенярксчистэнть жо ярмаконь таштамо паргиненть путома столенть лангс.
Уцясканть тердемга, куранттнэнь чавомадо 5 минутадо икеле эряви ванськавтомс мандарин, сэвемс вейке пелькске, кадовозенть жо путомс кузонть алов.

Иень вастомань тешкстнэ

Од иень ушодовомань вейке минутадо икеле шампанской марто бокалонтень каяви трёшник. Куранттнэнь чавомсто симемапелесь весе симеви. Теке шкастонть арсема сюпавчиденть, вадря эрямодонть. Кадовозь трёшникесь бокалстонть таргави ды путови кошелёкс иень тешксэкс.
Од иенть самодо икеле сехте прявт тевекс ашти кудосо ваньксчинь теемась. Кенярксчинть шкасто кудосонть улезэ весемесь ванькс. Урядамонть теема зярыя чиде икеле. Ацамковонь 31-це чистэ ды якшамковонь 1-це чистэ шукшонть тенсемс ды ёртомс а мереви, те канды ярмактомочинть.
Урядамонь шкасто ванновить весе чакштне-вакантнэ ды ташто нулатне. Весе колавозь чакштне ёртовить, сынь ярмаконь арасьчис. Ташто оршамотне ды лия нулатне истя жо ёртовить.

Кода мазылгавтома кузонть

Од иень прявт тешксэкс, нама, ловови кузось. Сонзэ эряви кочкамс ды мазылгавтомс видестэ.
Седе паро карми, бути раматадо алкуксонь чувто, эдь искусственнойтнесэ арась эрявикс энергетикась. Паро тевекс карми рамамс чакшсо касыця кузнэ. Зярдо сон касы, озавтсынк пирес. Видестэ мазылгавтозь кузось канды уцяска ды сюпавчи. Тувось вечки алкуксонь материалтнэнь ды сехте паро мазылгавтомакс кармить сёвонень ды чувтонь теевкстнэ, чевгелень ды пизёлонь цюцёвтне, кузонь сэрятне, штатолтнэ ды седе тов. Истя жо эряви рамамс од шарт, седе паро кочкамс мазый тюсонь. Тувонь иестэнть вадря понгавтомс сырнень, тюжа, пиже ды ожо тюсонь шарт. Истя жо мереви понгавтомс бантикть, конёвсто теезь ангелт, конфеткат.
Кузонть наряжама меленк коряс, ансяк улест эрявикс тюсонь мазылгавтомат.

Мезе путома кенярксчинь туворонть лангс

Тувонь иенть вастома сюпавсто. Сон вечки эрьва мезе ламо. Туворонть лангс путома 12 ярсамопельде аволь седе аламо. Скупойгалеме Ожо Идем Тувось а вечки. Туворонть лангс путома нармунь (пидезь умарь, апельсин эли чернослив марто), шашлык эли рестазь сывель, кал, модамарь (мерьказь, рестазь), эрьва кодат салатт, сыра, колбаса, кал, эмежть, бутербродт, фруктат ды ламбамопельть. Ярсамопельтнень ладсема иень тешксэнть ёнов молицякс, Тувонтень те туи мельс.

Мезе туворонть лангс а путома

Тувонь иестэнть туворонть лангс а мереви путомс омарт, ракт. Сынь од иестэнть лоткавтсызь эрьва тевенть. Нама, тувонь сывельстэ теезь ярсамопельтнеяк а меревить (колбаса, паштетт ды седе тов). Бути истят ярсамопельть кармить, иенть перть учодо апарот. Полуфабрикатт ды фаст-фуд истя жо иляст уле, Тувонтень сынь а вечкевить.
Виев симемапельтнеяк а меревить (вискись, коньякось, брендись, водкась). Иесь а удалы.

Туворонть мазылгавтомазо

Тувось вечки весе мазыенть ды сюпавонть ды туворонть пурнамсто тень а стувтома. Туворонть ланга ацама валдо-тюжине, ашназа-ашо эли ашо ацавкс. Чакштнень-вакантнэнь кочкамсто явома мель мазый сервизэнтень, пшти уголтомо. Вадрякс кармить суликань, сёвонень, чувтонь, фарфоронь чакштне. Салфеткатнень саема мазыйть, эрьва кодамо артовкс марто, ожо тюссо. Туворонть куншкас путома ванькс ведь марто суликань чакш, перьканзо сисем эрьва кодамо тюсонь штатолт, ваньксчинь тешксэнть, Тувонь фигурканть. Мазылгавтомакс мереви путомс апокшке кузнэ эли куз тараднэ марто чакшке.

Кодамо оршамосо вастома Тувонь иенть

2019 иенть вастомсто эрьвантень эряви эсь оршамопельтнень мазылгавтомс сеть тюстнэсэ, конат ладить Зодиаконь те эли тона тешксэнтень. Кенярксчинь паро тюсокс аштить ожось, ашось, ашназа-якстересь, сэняжась, тюжась, раужось, сырнень ды сиянь тюстнэ. Ожо Тувонь иестэнть меленть явома аволь ансяк тюсонтень, истя жо материалонтень. Тувонтень вечкеви весе алкуксонсесь (лияназонь, ватань, бархатонь ды седе тов).
Ашо, ожо, ашназа-якстере тюстнэ кандыть кеняркс эсь азоронтень. Тюжа оршамось вансты, максы кемечи. Бути ули мель, мереви оршамс пиже тюсонь оршамонтькак. Сон канды сэтьмечи. Неть тюстнэсэ мереви мазылгавтомс кудонтькак.
Бути тынь вечктядо мазый, сельмс каявиця тюст, кочкинк ожо, сырнень оршамотнень.
Кие платият а вечки, кочкадо блузка ды юбка. Верьксэнть саеде классической, юбканть жо мазый тюсонь.
Прявтось, оршамось улезэ од, лия ёнов а молиця ды вадря. Мазылгавтомакс кочкама ювелирной теевкст, бижутерия. Саеде алкуксонь кев марто теевкст, конатне кандыть лембе (ожо тюсонь).
Мереви понгавтомс тувиненть чачонзо марто кулон, пилекст, суркст... Те тешксэнть паро кандтнемс весе иенть перть. Сон карми тынк ванстомо.

 

Новости

Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.

 
«Единая Россия» выявила новую схему обмана граждан при взимании платы за вывоз ТКО

Партийный проект «Единой России» «Чистая страна» в ходе мониторинга тарифов на утилизацию твердых коммунальных отходов (ТКО) выявил новую схему, по которой региональные операторы обогащаются за счет людей. Речь идет о завышении платежей на вывоз ТКО со стороны региональных операторов прямо посреди года. Это допускается несмотря на то, что тарифы и нормативы накопления отходов устанавливались заранее и не должны были пересматриваться регионами. Об этом сообщил координатор партпроекта, председатель комитета Государственной Думы по экологии и охране окружающей среды Владимир Бурматов, отметив, что по данному вопросу будут направлены обращения в Генеральную прокуратуру РФ и Федеральную антимонопольную службу. 

Подробнее ...
 
Баталина: Законопроект о повышении пенсий малообеспеченным пенсионерам поддержали все регионы
Депутаты Государственной Думы приняли в первом чтении внесенный Правительством РФ
законопроект о доплатах малообеспеченным пенсионерам сверх прожиточного минимума. На
необходимость принятия таких мер указал Президент России Владимир Путин в своем
Послании Федеральному собранию.
Подробнее ...