Рубрикатор

Культура Парынзэлесэ – литературань чокшне
Парынзэлесэ – литературань чокшне

Неть оймсема читнестэ Покш Березникбуень Парынзэлесэ вастсть инжеть. Тей сакшность «Вал» эрзянь од сёрмадыцянь курос совицятне. Тедеде куронтень топодсть вете иеть. Од ломантне сеедьстэ ютавтнить эрьва кодат лембе вастовомат ды литературань чокшнеть. Весе сынь эрсить, нама, Саранскойсэ. Неень шкане артисттнэ, морыцятне, сёрмадейтне чуросто якить велева. Саемга, икелень шкатнестэ тевесь аштесь лиякс. Ды вана ней васенцеде истямо вастовома ютась велесэ. Ёвтазь шкантень велень Культурань кудось пешкедсь ломанде.

 

Косто сась мелесь ютавтомс литературань чокшне? Теде пачти МР-нь Общественной палатань членэсь, Парынзэлень эрицясь Е.Е.Ледяйкин: 

– Ульнинь инжекс «Сяткосо», ульнинь «Валонь» вастовоматнесэ, неинь, кодат од ломаненк ёроковт, превейть. Меринь: ялгат, эряви самс велев, невтемс прянк велень эрицятнень икеле. Истят литературань чокшнеть минек тесэ зярдояк арасельть. Пек бажинь теемс вастовоманть. Тердинь. Сынь анокстасть ды пачкодсть. Паро улевель, бути те коесь срадоволь весе районтнэва.
Содатано, ней пек аламот ловныть эрзянь кельсэ. Кадык кунсолыть, кода инжетне кортыть ванькс эрзянь кельсэ, марить мазый, лембе, чевте валт – арсематнеяк полавтовить. Минек эйкакштнень туртовгак те эряви. Те тевесь канды лезэ сёрмадыцятненень. Эстесткак мельспаро, сы вдохновениянь ёжо, седе ламо кармить сёрмадомо.
Велень эрицятненень истят вастовоматне – седей витема, оймень кепедема, лия ломань марто содавиксэкс теевема. Тей сакшныть ломанть Бозаёвсто, Шугур велестэ, Аловелестэ.
Эряви меремс, те чокшнентень, одтнэде башка, сакшность МР-нь заслуженной кавто поэттнэ: Н.И.Ишуткин ды Г.С.Гребенцов. Сынь чачсть Покш Березникбуень Симкина ды Бозаёв велетнесэ.
– Паро валт ёвтан минек писательтнень пельде. Монень мельспаро. Течи састь седе ламо од сёрмадыцят. Весе одтнэ, кить кармить икеленк ловномо, зярдо-бути шкинемасо васенце эскельксэст теизь «Чилисема» журналсо. Паро, зярдо важодят-важодят ды неяви тёкшот, кастат эсеть мельга поладыцят. Неть од автортнэ нолдызь эсест книгаст, совасть РФ-нь Писателень союзс, – кортась Н.И.Ишуткин поэтэсь ды ловнось стихензэ.
Вал сайсть од сёрмадыцятне. Васняяк сынь ёвтнесть «Вал» куродонть. Сцена лангсо валморот ловность Людмила Рябова, Алина Подгорнова, Татьяна Мокшанова, Юлия Мамаева, Александр Данильчев, Николай Карпов, ёвтнемат – Виталий Картышкин. Кой-кона стихтне гайгсть музыка марто. Саемга, А.Подгорнова ловнызе «Вишка солдат» валморонть, конань кунсоломсто а кирдевить сельведтне.
А.Данильчев ютавтсь ваныцятнень марто содамоёвкссо налксема. Изницятнень туртов казезельть минек сёрмадыцятнень книгаст. Н.Карпов седясь гитарасо ды морась морот.
Весень пейдевтинзе В.Картышкинэнь «Кие нилецесь?» эрямосто саезь ёвтнемась. Эйсэнзэ пачтяви, кода тетятне-аватне печкезь тувост явизь нилев, мейсэ абунгавтызь колмо цёраст. Сынь кодаяк эзть чарькоде, кие нилецесь. Паро, тетяст ледстизе тенст: нилецетне – те сон ды аваст!
Паро казнекс весень туртов ульнесь Андрей Бочкановонь морамозо. Цёрась зярыя иень перть важоди МР-нь филармониясо. Сон сонсь сёрмады эрзянь кельсэ морот. Артистэсь вастозель лембестэ ды седейшкава. Сюкпря ёвтатано тензэ мартонок молеманть кисэ!
Вастовоманть песэ лия ёнов а молиця тев – Од иенть ушодовомадо икеле эрьвась эстензэ таргась Якшаматянть шапкасто паро мельть-арсемат.
Кода а кортамс ваныцятнень, велень эрицятнень марто?! Валентина Ивановна Ларькина малав колоньгемень иеть важоди Парынзэлень школасо эрзянь ды рузонь келень тонавтыцякс. Сон ризнэзь ёвтась, келя, школасост ней ансяк кемготово тонавтницят. Ялатеке эрьвантень явить покш мель, тонавтнемадо башка, ютавтыть мартост эрьва кодат вастовомат. В.И.Ларькинань валонзо коряс, меельце шкане сынст велесэ сеедьстэ кармасть тешкставомо кенярксчитне: Авань чись, Мастясь, Инечись, Троицясь, кизна васенцеде ютась «Ашо Лисьма» покшчись. Велень эрицятне а аштить кудова, мельспаросо пурнавкшныть вейс. Ломантне сюкпря ёвтыть Е.Е.Ледяйкиннэнь, кона сыргавты таркастост, ёвты мельть-бажамот ды топавты сынст эрямосо. Велень каштанчись – «Парынза» фольклорной ансамблясь. Аватнень морамост кунсоломо пурнавкшныть веленек. Сынст сеедьстэ тердтнить Саранскоев. Вана нейгак эрзянь аватне морасть «Шумбрат, Мордовия!» фестивалень Гала-концертсэ, косо тенст алтавсть виев цяпамот.
Аловелестэ те литературань чокшнентень сакшнось М.В.Макушкина. Сонгак важоди Парынзэлень школасо, вети математика. «Мелезэнек пек тусь, кавто частнэ эзть марявояк, кода ютасть, сюкпря тенк!» – мерсь Мария Викторовна вастовомань ютавтыцятненень.
Миньгак ёвтатано сюкпрянь валт Парынзэлень ломантненень, конат сакшность ваномо ды лембестэ вастызь инжетнень. Кемтяно, истят литературань чокшнеть ютыть минек республикань лия велетнесэяк. Ялгат, бути ули меленк неемс «Вал» куронть, илядо визде, тердеде!

Т.Маторкина


12.12.2018

 

Новости

Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.

 
«Единая Россия» выявила новую схему обмана граждан при взимании платы за вывоз ТКО

Партийный проект «Единой России» «Чистая страна» в ходе мониторинга тарифов на утилизацию твердых коммунальных отходов (ТКО) выявил новую схему, по которой региональные операторы обогащаются за счет людей. Речь идет о завышении платежей на вывоз ТКО со стороны региональных операторов прямо посреди года. Это допускается несмотря на то, что тарифы и нормативы накопления отходов устанавливались заранее и не должны были пересматриваться регионами. Об этом сообщил координатор партпроекта, председатель комитета Государственной Думы по экологии и охране окружающей среды Владимир Бурматов, отметив, что по данному вопросу будут направлены обращения в Генеральную прокуратуру РФ и Федеральную антимонопольную службу. 

Подробнее ...
 
Баталина: Законопроект о повышении пенсий малообеспеченным пенсионерам поддержали все регионы
Депутаты Государственной Думы приняли в первом чтении внесенный Правительством РФ
законопроект о доплатах малообеспеченным пенсионерам сверх прожиточного минимума. На
необходимость принятия таких мер указал Президент России Владимир Путин в своем
Послании Федеральному собранию.
Подробнее ...