Рубрикатор

Культура Покш мелезэ кастомс кедрань кужо
Покш мелезэ кастомс кедрань кужо

Покш Игнатбуень Вармазейка велень эрицянть Геннадий Андреевич Плотниковонь ули покш мелезэ-бажамозо: сон арси кастомс тиринь веленть маласо вирень кужинесэнть минек ёнкстнэсэ чуросто вастневиця чувтт – кедрат. Ды те аволь чаво валт ды прянь шнамот, цёрась эскельксэнь-эскелькс юты те мелень топавтомантень.

Геннадий Андреевич пингензэ перть важодсь тракторсо, фермасо, кирдсь мекшть. Нинзэ, Татьяна Ивановна марто чачтсть-кастсть кавто эйкакшт. Ней сынь уш покшт, прядызь тонавтнемаст ды эрьванть ули эсензэ семиязо. Евгений цёраст эри Ташто Шайговасо, важоди ветеринарной врачокс. Тейтерест Марина – Нижней Новгородсо, сон – экономист. Плотниковтнень ниле нуцькаст, весе цёрынькат. Геннадий Андреевич видькстась, нинзэ марто кирдить ламо ракшат, мелят мисть 1200 килот сывель: ниле букат ды вете тувот. Нейгак Плотниковтнень ули скалост, вазост, тувост, теде башка кирдить малав комсь нешкть. А мезть башка ёвтнемс, зяро вийть ды шка эряви весе неть тевтнень топавтомс.
Ансяк весе неть кудоютконь тевтнень лангс Геннадий Андреевич а лоткси, ули сонзэ рожодомань тевезэ, конась кепеди мелензэ ды кази певтеме кеняркс – сон озавты-касты кедрат. Ды эрьва чувтыненть ланга корты истямо седейлембе ды кенярдома марто, теке мерят, тиринь эйкакштонзо ёвтни. Те шкане сельмсэнзэ сяткинеть кирвазить.
– Кеветее иеть уш ютасть се шкастонть, зярдо рамакшнынь кедрань пештть, ды кеменьшка ёртынь цецянь чакшос, озавтынь пештнень ды стувтынь. Тунда кода варштавинь: сеске кемень салмукскеть лиссть! Кенярдомантень арасель пе, – мельспаросо ёвтни Геннадий Андреевич. – Мон марсекшнынь, буто вирень чувтт кудосо кирдемс а мереви, лисевксэнть моданек-мезнек саия ды кандыя вирев. Васенце иетнестэ кедратне касыть пек састо: кавто-колмо сантиметрас. Пелинь, лисевксэсь илязо коське чинь налтнэнь ало, якинь валномонзо. Шкань ютазь те чувтыненть озавтыя вальмалов латкс, ней уш сэрезэ омбоце пель метра. Мейле эштё пештть раминь ды вирьс озавтынь, варштамост молян: арасть, эзть лисе. Шкань ютазь кода варштавинь: кемгавтово лисевкст! Седеем мештестэ лисиксэль кеняркстонть! Эх!
Геннадий Андреевич тедедяк пештть видекшнесь, сеске лиссть 60-70 салмукскеть, кадовсть жо ансяк малав колоньгемень. Ёвтнесь чуросто вастневиця кедратнень кастомань салавачитнеде: лисевкстнэнь ие-кавто таркастост токшемс а мереви, чаво таркас видемс а эряви – чинть ало сеске пиить.
– Вармазейканть эйстэ вайгельбень таркасо ули аволь покш кужо, ды монь пек покш бажамом озавтомс сонзэ кедрасо. Ялаксом эри Ивановасо ды ёвтнесь, тосо ули 4 гектаронь покшолмасо кужо, сон целанек озавтозь кедрасо ды уш тосто пурныть пештть. Арсезевинь, Ивановась аволь васоло, бути тосо кедрат касыть, мекс монень а варчамс сынст озавтомс тесэ?!
Кедратнеде башка Геннадий Андреевич озавтни кузнэть, вирень мазыйкатнеде ней тёжадо ламо. Ды а покордавкшны, зярдо Од иень каршо сынст керить, ускить кудосо мазылгавтомс.
– Монень аволь жальть, кадык ломантне кенярдыть, – видькстась Г.А.Плотников. – Покорды лия тевесь. Кавто иеде икеле молинь вирь кужонтень: кавто кузтнэ керязь ды кадозь тоско. Бути тон керик чувтонть, сестэ саик! Мезекс кадомс?! Мукорест сэрейстэ кадовсть, саинь ды алдо тарадтнэнь нарынь, вейке тарад ансяк кадынь, ды кузнэтне вельместь, кармасть касомо. Вейкенть прянзо керякшнызь, мон истя жо вельмевтия, ней а содавияк.
– Мелят вирьваныйтне пачтясть, появась унжине, конась сэви кузтнэнь пряст, ды чувтось кулы. Раминь мор, ды весе чувтынетнень валнынь, тень вельде вейкеяк эйстэст эзь ёма, – панжи вечкевикс тевень салавачитнень Геннадий Андреевич.
Ушодсь Геннадий Андреевич истя жо чевгелень кастомо-озавтнеме. Вармазейкань пакся чиресэ ули аволь покш улыне, лемезэ Атя лей, сонзэ целанек арси озавтомс чевгельсэ. Ней тосо уш малав 40 чувтынеть касыть.
– Арседея, кодамо мазычи карми. Невтемакс, ушосонть позда сёксь, валы пиземе, рудаз, якшамо. Чевгелень цюцёвтне жо якстере толокс палыть. Кадык ломантне кенярдыть, кадык нармунтне ярсыть! – корты цёрась.
Геннадий Андреевич лембестэ тешкстызе, весе сонзэ ушодкстнэнь-бажамотнень шны низэ, Татьяна Ивановна. А мурни мирдензэ мекс чинь-чоп ёмси вирьсэ.
Г.А.Плотников истя жо тейни прививкат умаринатненень, ванськавты лисьмапрят. Икелень шкатнесэ велесэнть ульнесть скалонь покш стадат, ваныцятне чувность-тейнесть лейпрятнева лисьминеть, ней жо сынь весе кадозь.
– Кирдян мельсэнь, эштё вишкинекс ульнинь, веленть малас теезель лисьмапря. Се иестэнть кизэсь пек коськель, ды велень весе эрицятне кандтнесть тосто ведь. Шкань ютазь те таркась стувтовсь, рудазкадсь-ёмась. Мон сонзэ ванськавтыя, чапинь кундо ды одкстомтыя лисьминенть. Тевенть топавтыя ды седеем оймась, – корты Геннадий Андреевич. – Ламот кевкстнить эйсэнь: мезекс монень те весе эряви? Ёвтаса: эрьва ломанентень эсензэ мельга эряви мезеяк кадомс. Невтемакс, паряк, тейневлинь самолетт, ды а маштан. Секскак теян сень, мезе вийсэнь, мезесь тень вечкеви – озавтан вирь. Аволь эсень лезэс, а ломантнень туртов.


Т.Аксенова


05.12.2018

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.