Рубрикатор

Культура Ульяновск ошсо ютась од ломанень форум
Ульяновск ошсо ютась од ломанень форум
Ноябрянь 23-це чистэ Ульяновск ошсо ютась эрзянь ды мокшонь од ломанень омбоце Форум. Промксонть ютавты Ульяновской областень Эрзянь ды мокшонь национально-культурной автономиясь, конань прявтсо В.А.Софонов. Минек шабра ёнкссонть эрить ламо эрзят ды мокшот. Тесэнь школатнесэ ветяви тиринь келесь ды литературась. Бути ваномс лия ёнкстнэнь лангс, косо истя жо эрить эрзятне, Ульяновскоень областьсэ парсте ладязь келень тонавтомась, паро сюлмот кемекстазь Мордовиянть марто. Малав эрьва районсонть улить автономиянь филиалт, косо раськень тевтнень коряс ветяви важодема.  Ульяновск ошсо аволь умок ютасть эрзянь ды мокшонь культурань читне, конатне келейстэ тешкставсть ды алтазельть А.Ф.Юртовнень. Ней – Од ломанень форум. Сон мольсь Книгань кудосо – областень В.И.Ленинэнь лемсэ научной библиотекасо. 

Лембе вал марто пурнавозтненень пшкадсть Ульяновской областень Губернаторонь Администрациянь внутренней политикань управлениянь прявтось С.В.Паховский, Эрзянь ды мокшонь раськень регионъютконь общественной вейсэндявксонь прявтось, раськень тевтнень коряс федеральной агентствань советэнь членэсь Ю.А.Мишанин, А.С.Пушкинэнь лемсэ Национальной библиотекань прявтось А.В.Бакулина. 

– Течи покш мельспаро панжомс промксонть, кона алтави одтнэнень. Сеедьстэ савкшны эрсемс Ульяновск ошсо, областень районтнэсэ ды велетнесэ. Тесэ ютыть эрьва кодат покш кенярксчить ды вастовомат. Ёвтавлинь сюкпрянь валт губернаторонтень С.И.Морозовнень, кона яви покш мель областьсэ эриця весе раськетненень. Сон видестэ ды превейстэ вети раськень политиканть, секскак тесэ ояксчисэ эрить эрьва кодат раськеть. Неень шкане миненек эряви трямс-кастомс ды тонавтомс од ломантнень раськень койтнень, историянть вельде. Койтне – те сюпавчинек, те тиринь ёнксонтень вечкемась, – кортась Ю.А.Мишанин. 

Сон истя жо пачтясь, курок Саранск ошонь ды Ульяновск ошонь мэртнэ сёрмадстыть вейсэнь важодемадо Соглашения. Те седеяк малавгавтсамизь минек. 

Лембе валт ёвтась Ульяновской областень Эрзянь ды мокшонь национально-культурной автономиянь прявтось В.А.Софонов: 
– 2015 иестэ минь васенцеде ютавтынек Од ломанень форумонть. Чарькодинек, истят тевть эрявить. Од ломантне – сы шканок, тевень поладыцянок. Сыненст эряви явомс покш мель. Течинь вастовомасонть тынь теевтядо содавиксэкс морыцятнень, кедьчелькев ломантнень марто, конат эсь творчествасо тейсть ламо изнявкст. 

Форумсонть лембестэ вастозель «Мерема» фольклорно-этнографической студиясь. Сонзэ ветицясь Екатерина Модина ды коллективень участниктне мельспаросо морасть эрзянь ды мокшонь морот. 

Саранскоень 43 № лицеень тонавтыцясь, чувтосто керсицясь В.Г.Ширманкин ютавтсь чувтосто керсемань коряс мастер-класс. Мартонзо ульнесь тонавтницязо Александр Беспалов. Сон невтнесь, кода эряви керсемс-лаксемс налкшкеть. 

М.Е.Евсевьевень лемсэ МГПИ-нь тонавтыцянть Е.Н. Дьячковань кортамозо алтавсь пединститутонтень. Сон ёвтнесь вуздонть ды тердсь тов тонавтнеме. 

Теде мейле вал сайнесть минек од автортнэ, «Сятко» журналсо важодицятне Людмила Рябова ды Алина Подгорнова. Людмила ёвтнесь пурнавозтненень «Сяткодонть», кона тешкстызе 90 иень юбилеензэ. Журналось полавтови, чачить од рубрикат, конат алтавить кода вишкинетненень, истя жо покш ловныцятненень, мель явови од сёрмадыцятненень ды тонавтыцятненень. Ульяновск ёнкссо эрицятненень паро куля – журналось сёрмадстови сынст регионсояк, питнесь истямо жо, кода Мордовиясо. 

Алина Подгорнова ёвтнесь «ВАЛ» эрзянь од сёрмадыцянь вейсэндявкстонть ды сонзэ эрявиксчидензэ. Людмила ды Алина ловность эсест стихест, кода эрзянь, истя жо рузонь кельсэ. 

Мельспаросо вастозель поэтэсь ды музыкантось Николай Карпов. Минь сонзэ парсте содасынек. А вана шабра ёнксонь ломантне неизь васенцеде. Од цёрась Ромодановань 3-це номер средней школасо вети эрзянь кель. Секскак форумсонть сон кортась тиринь кельде ды ветясь нурька мастер-класс. Теде башка, Николай седясь гитарасо ды морась эрзянь морот. 

Васенцеде истямо мельс-туиця вастовомас сакшнось В.П.Балакина. Миньгак мартонзо теевинек содавиксэкс. Вера Петровна чачсь Чувашиянь Батырева велесэ, косо човор эрясть эрзят, ветькеть, рузт. Покш семияст эрясь эрзянь куросонть. Кода ледстни авась, сынст ульцянь ломантне ды семиятне эрясть покш ялгаксчисэ. Вейсэ тешкстасть Роштуванть, Инечинть, Троицянть. Ней те велесэнть эзть кадово эрзят, весе сралесть кие ков. 

Вера Петровна школань прядомадо мейле тонавтнесь Ульяновскоень культпросветучилищасо, мейле заочна – Чувашиянь госуниверситетсэ. Мирдензэ марто 15 иеть эрясть Омск ошсо, косо служась мирдесь. 2000 иестэ састь эрямо Ульяновскоев. Авась важодсь университетсэ юридической факультетсэ, седе тов – библиотекасо. Ней сон пенсиясо, ансяк а ашти тевтеме, яки «Долголетие» центрав, косо тонавтни французонь кель. Кевкстеманок лангс, мезекс те эряви, Вера Петровна мизолдозевсь ды пачтясь: тейтерезэ, келя, лиссь мирденень француз экшс ды эри Франциясо. Чачсь нуцьказо. Кода ней мартост кортамс? Нама, эряви тонавтнемс французонь келенть. Авась мерсь, сон мусь эрзянь ды французонь кельтнестэ вейкеть валт. В.П.Балакина видькстась, тиринь, эрзянь келесь свал седейсэнзэ. Ней уш арасть вакссонзо тетязо-авазо, тетязо – Ине Отечественной войнань участник, кортамс а кинь марто. Ялатеке оймезэ веши мезе-бути эсеть, тиринь. Вера Петровна кармась сакшномо эрзянь ды мокшонь кенярксчитнес, конат ютыть Ульяновскойсэ. Валонзо коряс, седеезэяк витеви, зярдо васты эрзянь ломанть, кунсолы тиринь кельсэ морот. Миньгак казинек тензэ эрзянь кельсэ журналт ды газетат. 

Т.МАТОРКИНА

29.11.2018
 
 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.