Рубрикатор

Культура Марина Девятова: «Раськень моротне – оймень лецямопельть»
Марина Девятова: «Раськень моротне – оймень лецямопельть»

«Раськень морось ульнесь, ули ды свал карми улеме. Зярс эри рузонь ломанесь, карми эрямо рузонь мороськак – истят мельть мон арсян пачтямс ваныцятненень-кунсолыцятненень эсень творчестванть вельде», – корты рузонь раськень моронь содавикс морыцясь ды пек мазый тейтересь Марина Девятова. Сонзэ марто минь вастовинек Саранскойсэ И.М.Яушев лемсэ оперань ды балетэнь театрасо «Симфония моей души» концерттэнзэ мейле. Марина овсе аволь покшкавтниця ломань, сон мельспаросо явши автографт весе вечкицянзо туртов, снимси, корты мартост ды пек вечки маштозь пеедькшнеме.

 

Истя уш лиссь эрямосонть, минек сонзэ марто вейкеть леменек ды фамилиянок. Вете иеде теде икеле васенцеде вастовкшнынь Марина марто истя жо Саранскойсэ концерттэнзэ мейле ды морыцясь пейдезь открыткань тешкстамсто мерсь: «Васенцеде сермадан автограф: «Марина Девятова – Марина Девятованень». Истя минь теевинек содавиксэкс ды карминек ялгакс социальной сеттнесэ. Нама, теньсэ эзинь «пештяво» ды карминь седе пштистэ ванкшномо сонзэ творчестванзо ды эрямокинзэ мельга. Монськак вечкан раськень моронь морсемат, ансяк кудосо, столь экшсэ, эсень роднятнень ютксо, конатне истя жо докат морамосо ды киштемасо. Содавикс тезканть ваксс, видькстан, а путовтано, ялатеке… Марина Девятова жо неть вете иетнес седеяк кассь ды виензась, сонзэ лангс лоткасть ваномо, кода «Народный артист» шоунь участникенть лангс, тейтеренть кармасть седе сеедьстэ невтнеме телевидениясо, нолдтнеме моронзо радиосо.
Марина Девятова чачсь-кассь истя жо рузонь моронь морыцянть Владимир Девятовонь семиясо ды эйкакшпорасто саезь седеезэнзэ совасть раськень моротне. «Тетям монь творчестванть ушодомсто налксесь покш роль», – корты морыцясь. – Арсекшнынь туемс тонавтнеме юристэкс, ансяк тетям чевтестэ кортымем, энялдсь варчамс эсь прянть рузонь раськень моронь жанрасонть.
Тешкстаса, пек уцяскаван, эдь чачинь Россиясо, касынь масторсонть, конась славави эсензэ кезэрень историясо, ломантнесэ. Покштятне-бабатне нуцькаст туртов пингеде-пингес ванстызь ды кандызь эсест лия енов а молиця обуцяст, тиринь модантень вечкемань-сюконямонь ежомарямонть. Секскак вишка пингестэ саезь «пединь» раськень моротнес ды сынст вельде теевинь малавиксэкс тиринь раськенть марто. Шкань ютазь каштансто бу меревлинь, мон – раськень культурань представитель. Иестэ иес бажан те культуранть содамс седеяк домкасто, чарькодемс питнейдеяк питней ундоксонзо ды явшемс неть содамочитнень кунсолыцян-ваныцян туртов. Теньсэ тень лездыть Россиянть келес ютавтовиця концерттнэ ды монень мельспаро, зярдо неян, масторсонок раськень моротне эрить ды вечкевить, кода покш ломантненень, истя жо эйкакштнененьгак».
Ялатеке Марина мелявты, раськень моронь морыцятнеде пек аламо. Икелень содавикс «сырнень вайгельтне», кода Людмила Зыкина, Валентина Толкунова ды лиятне тусть минек ютксто, од «тешттне» жо седе сеедьстэ бажить «хит» мельга. «Валентина Васильевна Толкуновань лован эсень тонавтыцякс. Ульнесь шка, сюкпря Пазонтень, минь мартонзо ардтнинек гастролев ды мон, эште пиже эйкакш, салавинька ванынь сонзэ морамонь лувонзо мельга. Сестэ сценатнесэ арасель пиротехника, мазылгавтыця свет, ваныцятне сыльть ансяк сонзэ чевте, мазый вайгелензэ кунсоломо. Валентина Васильевна пек вечкелинзе раськень моронть ды эсензэ ваныцянзо-кунсолыцянзо. Минек коллективень гитаристэсь Анатолий Ядрышников истя жо важодсь Толкунова марто ды ней мартонзо сеедьстэ ледстнетяно те Ине морыцянть», – ёвтни Марина Девятова.
Тейтересь эсь творчествасонзо овсе а бажи «хит» мельга, кода корты, минек раськень моротне – те алкуксонь питнейчи. Сынь эрить пингеде-пингес, аволь вейке-кавто чить, кода неень «попсась». «Мезе ансяк ней од ды седе сыре морыцятне а теить а стувтомгаст: налксить сериалсо, киштить эй лангсо, теить ремонтт, чийнить усиява, пейдить вейке-вейкень лангсо, тейневить экстрасенсэкс – ансяк а морыть», – пейди Марина Владимировна. – Мон жо а бажан полавтнемс чачом, содан: моронь вечкицятне кунсоломон сыть истяяк, неян, залтнэс пурнавкшныть алкуксонь ялгат. Кодамо ошов бу а пачкодевлинек «ЯR-dance» киштема группам марто, свал вастыть пек лембестэ».
Мордовияв самоськак Маринань туртов свал кенярксчи. «Тесэ эри монь умонь ялгам, конанть марто тонавтнинек Гнесинкасо ды эште вейке салаваксчи тенк ёвтан: рунгован аламошка чуди мокшэрзянь раськень верь. Тетянь покштянзо-сырькаензэ чачома таркаст Тамбов енксонь Алкужи ды Мутасьево эрзянь велетне. Покштям эсензэ раськедензэ книгаяк сермадокшнось. Неть велетнесэ Девятовтнеде пель веле». Штобу Марина а стувтневлинзе мокшэрзянь ундоксонзо, тензэ казинь эрзянь оршамопельсэ някине вишка тейтерьканзо Ульянань туртов, конась учи аванзо кудосо. Марина весе ютко шканзо ней ютавтни мирдензэ ды эйкакшонзо марто.
Ульянань чачоманть Марина лови эсензэ сехте прявт концертэкс, конанть сон максызе ськамонзо мелят февралень 16-це чистэ. Сонзэ чачомась полавтызе морыцянть эрямонзо ды репертуаронзо, тозонь совасть седе ламо морот рузонь авадо-ниде, тейтерде, ялгадо, кажодо идицядо… Кода корты морыцясь, сон эсь программатнес бажи совавтомс сень, мезде талны, мезе оймесэнзэ. «Зярс а саян эсь концерттнэс сеть моротнень, конатнес эште эзинь касо, эзинь ютавто седеень пачк», – ёвтни Марина Девятова.
Девятовань ней пек ламо гастролензэ, сон сеедьстэ эрси тиринь кудосо малавиксэнзэ марто. «Вийть морамс ды ютамс кувака киланготнень тень максы Пазось», – корты тейтересь. Марина Пазнэнь кемиця ломань. Уш ламо иеть морыцясь а ярсы сывельде, лови эсь прянзо ловсодо симиця вегетарианкакс ды овсе а пишти шашлыктнень кисэ. Марина эзь тейне кодаткак пластической операцият ды те тензэ зярс а эрявияк. Сонзэ мизолдыця сельмтне, шожда обуцясь, валдо оймесь лездыть молемс эрямованть мельспаросо ды кирдемс морыцянь эрямонь весе стакачитнень. Ялатеке весе концерттнэнь, телевидениясо снимамотнень, фотосессиятнень Марина Владимировна бажи прядомс Од иенть каршо. Те кенярксчинть сон свал васты кудосо, семиянзо марто. Од 2019 иесь Маринань туртов карми юбилейноекс, тунда сон тешкстасынзе эсензэ творчествань 20 иетнень Государственной Кремлянь Дворецсэ ды максы покш концерт «ЯR-dance» шоу-балетэнзэ марто. Кадык топавтовить весе мелензэ-арсеманзо!
Мон жо ютко шкасто сеедьстэ ней нолдтнян интернетсэ Марина Девятовань гайтев вайгелензэ. Зярдо стака седейсэнть ды мекевланк, зярдо сон кенярдомадо пешксе. Алкукскак лездыть раськень моротне, а стяко сынст лемдить оймень лецямопелекс!


Марина Девятова


28.11.2018

 

Новости

Изнямонь чинь диктант


«Единая Россия» политической партиянь Генеральной Советэсь сайсь мель ютавтомс маень 7-це чистэ Изнямонь чинь диктант. Теде пачтясь журналисттнэнень апрелень 22-це чистэ Мордовиянь «Единая Россия» партиянь региональной отделениянь председателесь В.В.Чибиркин.

Диктантось юты «Историческая память» проектэнть топавтомга масторонок зярыя регионсо ды 22 омбо масторсо. Участниктненень сави отвечамс 20 кевкстематнень лангс Ине Отечественной войнань историянть коряс. Неть кевкстематнень ней аноксты Россиянь исторической вейсэндявксось.

Подробнее ...
 
Турчак подвел итоги первого экологического форума «Единой России»
Секретарь Генерального совета «Единой России» Андрей Турчак подвел итоги Всероссийского
экологического форума «Единой России» «Чистая страна». В частности, он предложил органам власти
провести проверку того, как регионы соблюдают законодательство в части установления тарифов за
обращение с отходами.
Подробнее ...
 
«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...