Рубрикатор

Культура Журналист ды прозаик
Журналист ды прозаик

Сундерьковонь 3-це чистэ 70 иень юбилеензэ тешкстызе Мордовия Республикань культурань заслуженной важодицясь, прозаикесь ды журналистэсь, «Эрзянь правда» газетань икелень важодицясь Николай Яковлевич Тремасов.
Н.Я.Тремасов чачсь 1948 иестэ Дубёнкань райононь Дубёнка велесэ. Школань прядомадо мейле малав кемень иеть важодсь стройкасо. Сёрмадомо ушодсь 70-це иетнестэ. Васенце зарисовканзо, корреспонденциянзо лиснесть «Саранскжилстрой» трестэнь «Строитель» газетасо. Секе шкастонть сёрмалесь республикань лия газетатнескак, варчнесь виензэ Мордовиянь ГТРК-со.

1981 иестэ Николай Яковлевич сась важодеме «Мордовпромстрой» трестэнь «Трибуна строителя» газетав, кавто иень ютазь кармась сонзэ редакторокс. 1985 иестэ заочна прядызе М.Е. Евсевьев лемсэ МГПИ-нь химиянь-биологиянь факультетэнть. 1994 иестэ саезь зярыя иеть важодсь «Эрзянь правда» газетасо, васня корреспондентэкс, мейле – прявт редакторонь полавтыцякс.
1983 иестэ Николай Тремасов совавтозь СССР-нь Журналистэнь вейсэндявксонтень. Журналистэнь тевенть топавтомга ве шкасто ушодсь важодеманзо художественной произведениятнень лангсо. «Касарка» васенце ёвтнемазо лиссь 1983 иестэ «Звенья» вейсэнь пусмосонть. Мейле нолдазельть «Ржавый топор» (1989 ие), «Нежности волчицы» (1991 ие), «Отказ от земного» (1995 ие) книганзо. Эйкакштнень туртов сёрмадыцясь алтынзе «Какая бабочка красивее» (1997 ие) ды «Дивань штере» (2011 ие) пусмотнень.
1999 иестэ Мордовиянь сёрмадыцянь XIV-це съездсэнть Н.Я.Тремасов совавтовсь РФ-нь Писателень вейсэндявксонтень. 2006 иестэ Николай Яковлевичнень максозь «Мордовия Республикань культурань заслуженной важодиця» лемесь.
Неть читнестэ Саранск ошонь А.И.Полежаев лемсэ музейсэ пурназель «Мои творческие будни» творческой чокшнесь ды панжовсь «Журналист и прозаик Н.Я.Тремасов» выставкась, конат алтавсть сёрмадыцянть-журналистэнть Николай Яковлевич Тремасовонь чачома чистэ 70 иетненень.
Тезэ сакшность Николай Яковлевичень оянзо-ялганзо, сонзэ творчестванзо вечкицятне. Кода тешкстызе М.Е.Евсевьев лемсэ МГПИ-нь филологиянь наукань докторось Елена Жиндеева, Николай Тремасов сови неень шкань сёрмадыцятнень юткс. Сонзэ творчествазо тонавтневи школатнесэ ды тонавтомань лия заведениятнесэ. Весе произведениятне ловновить шождасто, сюжеттнэ саезь эрямосто ды ванновить сеть мелявкстнэ, конат талновтыть течи. Вастовомасонть ловновсть сёрмадыцянть произведениянзо. Саранск ошонь 6-це № музыкальной школань тонавтницятне алтызь авторонтень эсь морост ды налксемаст. Поэтэсь Светлана Ламбина Николай Яковлевичнень алтызе эсь стихензэ. Юбиляронть лемс ёвтазельть ламо лембе валт ды поздоровт.
«Эрзянь правда» газетань важодицятне ёвтыть Николай Яковлевичнень лембе поздоровт чачома чинзэ кувалма. Арсетяно кеме шумбрачи, уцяска, седе сеедьстэ кенярдовтомс эсь ловныцятнень од произведениясо. Николай Яковлевич тейсь пек ламо минек, од журналисттнэнь, тонавтомга. Мезенть кисэ тензэ ёвтатано покш сюкпря!
Ю.Еремина

20.11.2018

 

Новости

Изнямонь чинь диктант


«Единая Россия» политической партиянь Генеральной Советэсь сайсь мель ютавтомс маень 7-це чистэ Изнямонь чинь диктант. Теде пачтясь журналисттнэнень апрелень 22-це чистэ Мордовиянь «Единая Россия» партиянь региональной отделениянь председателесь В.В.Чибиркин.

Диктантось юты «Историческая память» проектэнть топавтомга масторонок зярыя регионсо ды 22 омбо масторсо. Участниктненень сави отвечамс 20 кевкстематнень лангс Ине Отечественной войнань историянть коряс. Неть кевкстематнень ней аноксты Россиянь исторической вейсэндявксось.

Подробнее ...
 
Турчак подвел итоги первого экологического форума «Единой России»
Секретарь Генерального совета «Единой России» Андрей Турчак подвел итоги Всероссийского
экологического форума «Единой России» «Чистая страна». В частности, он предложил органам власти
провести проверку того, как регионы соблюдают законодательство в части установления тарифов за
обращение с отходами.
Подробнее ...
 
«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...