Рубрикатор

Культура Алтазель Юртовнень
Алтазель Юртовнень

Неть читнестэ Мордовиясто Ульяновскоев якась, бути истя можна меремс, цела десант. Тесэ ульнесть Эрзя-мокшонь раськень регионъютконь общественной вейсэндявксонь исполкомонь председателесь, исторической наукань докторось, профессорось А.С. Лузгин, исполкомонь секретаресь, исторической наукань кандидатось О.В. Дулкин, исторической наукань докторось, профессорось Г.А. Корнишина, А.С. Пушкин лемсэ Национальной библиотекань краеведениянь, национальной ды финнэнь-угрань литературань отделэнь прявтось Н.В. Бочканова, «Умарина» киштемань ды морамонь государственной ансамблясь, конань художественной руководителесь В.И. Четыркин, Юрий Буянкинэнь прявтсо «Морденс» вокально-инструментальной ансамблясь, Мордовиянь народной артисткась Александра Куликова, эрзянь моронь сёрмадыцясь ды морыцясь Андрей Бочканов ды лиятне. Ульяновскойсэ ютавтозельть Мордовиянь Культурань читне, конат алтазельть эрзя-мокшонь раськень васенце просветителенть Авксентий Филиппович Юртовонь чачома чистэ 165 иетненень.

Мордовиянь Культурань читнень лувсо Ульяновскоень В.И. Ленин лемсэ областной библиотекасо – Книгань дворецсэ панжозь «Велень мазый ки» выставка. Тесэ невтневить Мордовиянь артыцятнень Ю.А. Дыринэнь, С.Ф. Коротковонь, Л.Н. Колчановань-Нарбековань произведенияст. Тешкстасынек, те выставкась лиятнень ёнов а молиця. Тесэ артовкстнэ эрьва кодамо темас. Вана Людмила Колчановань-Нарбековань творчествасо покш тарка саить финнэнь-угрань раськень койтне-кирдатне. Ды лиссь искусствасо од ёнкс – этнофутуризма: «Птица Иненармунь», «Путь».
– Те выставкась сельмс каявиця, самобытной, – выставканть панжомсто мерсь Ульяновской областень Искусствань, культурной политикань коряс департаментэнь директоронь полавтыцясь Е.В. Куракова. – Кеман, артыцятнень шкинемаст пек вечкеви Ульяновскоень эрицятненень. Выставкась карми важодеме 2018 иень ноябрянь 23-це чис.
Экспозициянть ванкшномадо мейле мельспаросо кадовсть Ульяновск ошонь 27 № школань психологось Альфия Фамзова, 54 № эйдень кужонь воспитательницась Елена Неклюдова.
– Кода а шнамс иневанькс праведной воинэнть Феодор Ушаковонь образонть, конань артызе Коротков, – ве вайгельсэ мерсть сынь.
Выставканть ванкшномань шкасто од поэттнэ Татьяна Мокшанова (Мордовия) ды Александр Дашко (Ульяновск) ловность эсест стихотворенияст.
Мейле весе ютасть Н.М. Карамзин лемсэ библиотекань актовой залс. Тесэ ютавтозель «Юртов Авксентий Филиппович: просветитель, учёный, педагог, миссионер» научной конференция. Сонзэ анокстызе «Ульяновская областная мордовская национально-культурная автономия» общественной вейсэндявксось, конань прявтсо В.А. Сафонов.
– Авксентий Филиппович Юртов – эрзятнень ды мокшотнень васенце просветитель, – ёвтнесь Владимир Анатольевич. – Минь пшкалинек областной правительствав, лияв, штобу Ульяновскойсэ стявтомс Юртовнень кеврунго. Мерян, минек меленек-арсеманок шныть. Ды, паряк, колмо-вете иень ютазь сеть эрзятнень ды мокшотнень, конат эрить Ульяновскоень областьсэ, арсемаст топавтови.
Эрзянь-мокшонь раськень регионъютконь общественной вейсэндявксонь исполкомонь председателесь А.С. Лузгин покш сюкпря ёвтась конференциянь ютавтыцятненень ды, васняяк, В.А. Сафоновнень. А.Ф. Юртов весе эрямонзо, содамочинзэ максынзе эрзятнень ды мокшотнень содамочист кемекстамонтень. Те конференциясь кемевти, эрзя-мокшонь раськесь а стувтни эсь ине ломантнень.
Мейле А.С. Лузгин мокшэрзянь движениянь парсте важодицятненень Эрзя-мокшонь раськень регионъютконь общественной вейсэндявксонть пельде макссь Сюкпрянь сёрмат. Ютксост – М.И. Крымкин, А.Ф. Сударева, Т.Г. Миганова.
Исторической наукань докторось, профессорось Г.А. Корнишина докладонзо лемдизе истя: «Религиозная деятельность А.Ф. Юртова в условиях полиэтнической среды».
Авксентий (Арсений) Филиппович Юртов чачсь 1854 иень февралень 20-це чистэ Уфимской губерниянь Минжелинань уездэнь Калейкина велесэ сокицянь-видицянь эрзянь семиясо. Ней те велесь ашти Татарстан Республикань Альметьевань райононть территориясо. Велень школанть прядомадо мейле кармась тонавтнеме Казанень крещено-татаронь школасо. А 1872 иестэ кармась васенце тонавтницякс ансяк панжозь Казанень рузонь-инородческой тонавтыцянь семинариясо. Эряви тешкстамс, Юртов те тонавтнема заведениясонть теевсь эрзятнестэ васенце тонавтницякс.
Семинариянь директорокс ульнесь Н.И. Ильминский – содавикс духовной ды общественной деятелесь, кона покш мель явсь Равчирень раськень христианизациянтень, бажась те тевсэнть тевс нолдамс сынст тиринь келест. Сон сеске редизе Юртовонь ёрокчинзэ. Юртовонь важодемазо ушодовсь крещено-татаронь школасо: парсте тонавтнизе ютавтоманть, тонавтнесь эрзятнень ды мокшотнень диалекттнэнь, вешнесь-тонавтнесь мокшэрзятнень историясто сведениятнень, этнографиянь ды фольклоронь материалтнэнь.
1884 иестэ лиссь А.Ф. Юртовонь эрзянь «Букваресь». Тенень сон алтызе фольклористэнь, ютавтыцянь ды педагогонь весе ёрокчинзэ.
Тонавтнеманть прядомадо мейле Н.И. Ильминский сонзэ кадызе эрзянь училищань тонавтыцякс. Важодсь семинариянть юрсо. А.Ф. Юртов те тевенть топавтсь 1883 иес, зярдо кармась Самарань губерниянь Ставропольской уездэнь Ташто Бесовка эрзянь велесэ раськень училищань тонавтыцякс (ней Ульяновской областень Новомалыклинской район). Тесэ сон важодсь 1888 иес.
1877 иестэ Казанень епархиянь «Кулятнесэ» печатави А.Ф. Юртовонь «Погребальные обряды и поверья крещеной мордвы Уфимской губернии» статьязо. А.Ф. Юртов эрзянь кельс ютавтынзе церьковань ламо книгатнень. Сонзэ покш таликазо сеньсэ, сон эрзянь велетнесэ эйкакштнень тонавтсь тиринь кельсэ.
1891 иень июлень 1-це чистэ велесэнть ульнесь покш пожар. Теде мейле Юртов кадызе эйкакшонь тонавтома тевенть. Пожарсо сокоргадсть низэ ды тейтерезэ, палсть ниле эйкакшт. Те весемесь полавтызе эрямонзо ды июлень 20-це чистэ кармась служамо священникекс Уфимской уездэнь Андреевкань приходсо.
А.Ф. Юртов кулось 1916 иень маень 1-це чистэ. Калмазь Андреевка велесэ. Лемензэ кандтни Ульяновской областень Ташто Бесовкань средней школась, косо важодсь просветителесь.
А.Ф. Юртовонь эрямонь ды творческой кидензэ доклад тейсь А.С.Пушкин лемсэ Национальной библиотекань отделэнь прявтось Н.В. Бочканова. Тосонь важодицятне конференциянтень анокстасть «А.Ф. Юртов – учёный, педагог, миссионер» книгань выставка.
Конференциясонть покш мельсэ кунсолозель Анатолий Викторович Юртов – А.Ф. Юртовонь нуцьказо.
– Авксентий Филиппович Юртов рузонь графиканть юрсо нолдась алфавит, косо лововить 34 букват, – ёвтнесь А.В. Юртов. – Сонзэ тетязо-авазо эрзяльть. Просветителенть ульнесть кевейкее эйкакшонзо, эйстэст колмотне кулость эйкакшпингстэ. Весе сынь прядызь епархиальной училищанть, монь тетядон (Виктор Авксентьевич Юртов) башка. Тетям колмо войнань участник, сон куломазонзо эрясь Андреевка велесэ. Кулось 1979 иестэ. Эрясь теке жо юртсонть, косо чачсь, косо течинь чис, уш 70 иеть, эрян мон. Истя, А.Ф. Юртовонь ульнесть 8 эйкакшонзо, 8 нуцьканзо, 9 правнуконзо ды 18 праправнуконзо. Нама, Авксентий Филипповичень эйкакштнестэ эрицят умок уш арасть. Малавикстнэстэ кадовсть ансяк колмо нуцькатне: мон, Анатолий Викторович, сазором, Елизавета Викторовна, кинень 2019 иень кизна топодить 90 иеть, ды эштё вейке нуцькась Валентин Всеволодович. Сон эри Латвиясо.
Башкортостан Республикань Кармаскалинской райононь Ильтярякова-Андреевка велесэ келейстэ ды торжественнасто тешкстазельть А.Ф. Юртовонь 140, 150, 160 иетне. 2014 иестэ Культурань кудонть икелев стявтозель сонзэ бюстось. Просветителенть лемсэ лемдезь велесэ музеесь.
Конференциясонть эсь мелест-арсемаст ёвтызь «Мордовский национально-культурный центр Республики Башкортостан» региональной общественной организациянь председателесь, Госсобраниянь – Курултаень депутатось Ю.Н. Герасимова, Московонь Правительствасо региональной землячествань Московонь координационной советэнь од ломанень комиссиянь председателесь Е.А. Алямкина, Ташто Бесовка велень школань эрзянь келень тонавтыцясь О.В. Салмина ды лиятне. Весень мелест-арсемаст вейке – А.Ф. Юртовонь покштояк покш таликазо эрзятнень ды мокшотнень содамочинь кемекстамосо.
…Губернаторонь Культурань кудось тыц пешксе ломанде, кода мерить, умарентень а козонь прамс. Культурань кудонь омбоце этажсо важодить выставкат, эрзянь оршамопельсэ тейтерь-аватне тонавтыть эйкакштнень эрзянь налксематненень, микшневить налкшкеть… Ды вана ушодовсь концертэсь, конань анокстызь Мордовиянь артисттнэ. Вейке-омбоце мельга моры морот Александра Куликова. Мейле сценанть лангс лиссть «Умарина» ансамблянь артисттнэ. Ваныцятне оймень апак таргсе кунсолость моротнень, вансть киштематнень. Цяпамотненень пе арасель.
Концертэсь мольсь малав кавто част. Прядовозьгак, ломантне кудова эзть капша тукшномо. Эсь ютковаст толковасть неезденть ды марязденть.
Пётр Зиновьев.
Ульяновск ош


31.10.2018

 

Новости

Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.

 
«Единая Россия» выявила новую схему обмана граждан при взимании платы за вывоз ТКО

Партийный проект «Единой России» «Чистая страна» в ходе мониторинга тарифов на утилизацию твердых коммунальных отходов (ТКО) выявил новую схему, по которой региональные операторы обогащаются за счет людей. Речь идет о завышении платежей на вывоз ТКО со стороны региональных операторов прямо посреди года. Это допускается несмотря на то, что тарифы и нормативы накопления отходов устанавливались заранее и не должны были пересматриваться регионами. Об этом сообщил координатор партпроекта, председатель комитета Государственной Думы по экологии и охране окружающей среды Владимир Бурматов, отметив, что по данному вопросу будут направлены обращения в Генеральную прокуратуру РФ и Федеральную антимонопольную службу. 

Подробнее ...
 
Баталина: Законопроект о повышении пенсий малообеспеченным пенсионерам поддержали все регионы
Депутаты Государственной Думы приняли в первом чтении внесенный Правительством РФ
законопроект о доплатах малообеспеченным пенсионерам сверх прожиточного минимума. На
необходимость принятия таких мер указал Президент России Владимир Путин в своем
Послании Федеральному собранию.
Подробнее ...