Рубрикатор

Культура Пингензэ алтызе тонавтыцянь тевентень
Пингензэ алтызе тонавтыцянь тевентень

Михаил Сергеевич Валдаев Орданьбуе ёнксонь Куцян велесэ ломанесь мельвановикс ды вечкевикс. Сон ниленьгемень вете иеть важодсь школасо, тонавтсь история ды география велень эйкакштнень туртов. Школасо уроктнеде башка ветясь аволь классонь покш важодема, анокстась эйкакштнень экзаментнэс. Неень шкане Михаил Сергеевичень тонавтницянзо эрить минек покш Россиянть келес ды а стувтнить вечкевикс тонавтыцянть – гайневтнить, ардыть инжекс. М.С.Валдаев кавто иеть кода тусь пенсияв, ансяк тевтеме а ашти, полады ванкшномо-тонавтнеме тиринь ёнксонь историянть, аноксты-сёрмады статьят краеведениянть коряс Орданьбуень «Маяк» газетас.

– Михаил Сергеевич, ёвтнеде, инескеть, Куцян веледенть.
– Куцян веленть ундоксонзо пек кезэрень. Сонзэ историядо пек вадря книга сёрмадсь историянь наукань докторось, Н.П.Огарёв лемсэ МГУ-нь профессорось О.И.Марискин – «Кученяевская мордва: страницы прошлого». Тетянзо Иван Сергеевичень марто сынь ламо иень перть пурнасть покш материал чачома ёнкстонть. Важодсть Россиянь ламот архивтнесэ. Ламосо тенст лездынь монгак, вешнинь материалт, фотографият.
Вишкапингстэ марякшнынь ламо легендат Куцян веленть теевемадо. Вейкенть эйстэст ёвтнизе тетям: седикельксэнь шкатнестэ те веленть таркасо ульнесь тусто вирь, ды неть таркатнева ютакшнось сонсь Иван Грозной. Тесэ эриця эрзянь колмо лелятне-ялакстнэ –Горяй, Куча ды Чука – сайсть мель лездамс инязоронтень, ветизь сонзэ неть а ютавикс таркатнева. Паро тевенть кисэ Иван Грозной явсь тенст модат. Алкукскак, минек маласо велетнесэ вастневить ламо кудонь лемть – Горяень. Куча сась Куцян веленть таркас, Чука – Чукалов. Марискин историкенть жо лия вановтозо Куцян веленть теевеманзо коряс.
Минек велесэнть ванстовсь кезэрень шкань церьковась, 1867 иестэ сон чанстязь Казанень Пазонь аванть лемсэ. Зярыя иень ютазь Куцян велесэ панжозь земской школа, ансяк ярмактнень а сатомаст кувалма сон куроксто пекстазель. 1897 иестэ Куцян велес панжсть уш церковно-приходской школа. Покштям ёвтнесь, колмо телеть якась школав. Ды, эряви ёвтамс, школав сестэ якильть ансяк цёрынеть. Классонть сон весемеде парсте ловныль ды сёрмадыль. Кевкстнинь эйсэнзэ: «Покштяй, а мекс школав якилить ансяк тельня?» Сон толковизе тень, келя, тундонь-сёксень шкатнестэ кудосо-пиресэ ламо тевть ульнесть, арасель шка тонавтнемс.
Шкань ютазь Куцян велесэ вельмевтизь земской школантькак. 1905 иестэ сон палсь, мейле одс стявтызь. Овсе аволь умок кадовиксэнть яжизь.
– Михаил Сергеевич, тынь Куцян велесэ чачиде?
– Аволь, мон чачинь Куцян веленть маласо зярыя вайгельбеде ве ёно аштиця Заря посёлкасонть. Ёвтнян ланганзо седе домкасто. Ютазь пингень 20-це иетнестэ Куцян велесэ ульнесть 500 ламо кудот. Эрьва кудонь юртсонть – малав колоньгемень эрицят, а кельгильть. Лелятне-ялакстнэ урьвакстыльть, нитнень ветилизь ве кудос. Явовольть бу, стявтовольть эсест кудот – мода арасель. Секскак ломантне кармасть туеме, пурнамо-тееме од велеть ды посёлкат. Вейкесь ютксост – Заря посёлкась. Тов тусть Валдаевтне, Новиковтне, Удельновтне ды лия кудораськетне. 1930-це иетнестэ тосо пурназель колхоз, сонзэ председателекс кармась покштям Михаил Максимович Валдаев. Явсть тенст 400 гектарт мода, посёлкась кармась касомо-кепетеме, стявтовсть малав 50 од кудот. Эряви ёвтамс, колхозсонть дисциплинась ульнесь пек пшти, весень ульнесь покш мелест важодемс, симицят, тевтеме аштицят тосо арасельть. Пек парсте эрясть те посёлкань ломантне, войнань стака иетнестэ тесэ эсь пряст андсть-трясть маласо велень эрицятнеяк! Войнань вачо иетнестэ посёлкань эрицятне бажасть васняяк ванстомс эйкакштнень, анокстазель общественной питания, эрьва чистэ тосо пансть-пидесть ярсамопель. Эряви ёвтамс, войнань иетнестэ Мордовиянь келес сюронь средней урожаесь ульнесь 8 центнерт гектарсто, Зарянь Сталинэнь лемсэ колхозсонть жо – 16 центнерт. Сеть шкатнестэ истят невтевкстнэнь кисэ максыльть Социалистической Трудонь Героень лем! Пек апаро, ней Заря посёлкась ёмась, арась тосо вейкеяк эриця.
А мезть сёпомс, Куцян велень ломантне эрить весе Россиянть келес ды мик сонзэ томбалеяк. Ютазь пингестэ, тиринь велесэ сюронь пурнамодо мейле, цёратне туильть роботамо Сибирев ды Казахстанов, важодильть тосо теленть самс, лиясто мик лов алгаяк роботыльть. Цёратне велявтыльть кудов конёв марто, конань коряс станциясо явильть тенст сюро. Кой-кить сеть ёнкстнэс кадовсть эрямо.
– Михаил Сергеевич, мекс тынь кочкинк тонавтыцянь тевенть?
– Армиясо служамодо мейле ульнесь покш мелем туемс тонавтнеме, важодемс школасо. Теде марясь Куцян велень школань прявтось, тердимим, кортась эйсэнь молемс важодеме школав военрукокс. Келя, тонавтнемеяк молят, ансяк заочна. Эзинь соглася, мекс, монськак а содан. Туинь важодеме Тургеневань светотехнической заводов, топавтынь резчикень тевенть. Военкоматовгак аволь весть тердекшнимизь, кортасть: «Михаил, армиясо тон ульнить старшинакс. Давай Германияв кучтадызь (тосо ульнесть войскань группат), ломанть тов эрявить. Вете иень ютазь кудов сат ды шождасто сайтядызь тонавтнеме тов, ков мелеть ули». Эрямо таркаяк тень алтакшность, арась, отказынь. Мейле ледстякшнынь неть валтнэнь заводсо важодемстэ, зярдо кандтнинь кшнить ды сталмотнеде кедень кумажадо алов новолекшнесть. Кода кортыть, вий ули, а превть арасть.
Мейле монь, кода запасонь офицерэнть, саимизь кавто ковс армияв – Пензань артиллериянь училищав. Тосо молинь тонавтнеме Пензань пединститутов. Сонзэ прядомадо мейле карминь важодеме Куцян велень школасо историянь ды географиянь тонавтыцякс. Зярдо ансяк сынь школав, те ульнесь 1972-це иесь, тесэ тонавтнесть 700 эйкакшт! А ней школасонть весемезэ 24 эйкакшт, пек апаро неть невтевкстнэнь эйстэ… Школасо важодинь 45 иеть. Ней уш омбоце ие пенсиясан. Койсэнь, эйкакштнень марто важодест од ломанть.
Михаил Сергеевич видькстась, школасо важодемстэ сонзэ тердсть роботамо лия таркас, прявтокскак. Ансяк эзь согласякшно. Тонавтыцянь тевсэнть муизе эсензэ призваниянть, эйкакштнень марто важодемась кандсь тензэ покш мелень витема.
Михаил Сергеевич Валентина Ивановна нинзэ марто, кона истя жо пинге важодсь школасо вишка классонь тонавтыцякс, трясть-кастсть кавто эйкакшт. Наталья важоди Мордовия Республикань клинической 3№ больницясонть врачокс-диетологокс, Олег истя жо эри Саранскойсэ, сонзэ эсензэ тевезэ. Валдаевтнень колмо нуцькаст – София, Надежда ды Варвара. Сынь весе якить школав. Ды а стувтнить покштяст-бабаст, эрьва кизна, школасо баягиненть меельце гайнемадонзо мейле, пурнасызь ули-парост ды туить каникулав Куцян велев. Михаил Сергеевич ризны, неень шкане покш зыян эйкакштненень кандыть Интернетэсь ды телефонсо-планшетсэ налксематне.
– Кода сыргозить – куроксто Интернетс совить, мадемадо икеле таго Интернетсэть. Ней уш телевизоргак чуросто ваныть, ушосо налксематнеде жо кортамскак а мезть. Неень шкань эйкакштнень арась физической развитияст, кудонь тевтненьгак теить Интернетэнть лезксэнзэ вельде, – ацирьгали Михаил Сергеевич.
М.С.Валдаев пеняци, иетне ютыть, шумбрачиськак ёми. Зярыя иеде икеле, эрьва чистэ, пиземетнень-варматнень лангс апак вано, ютыль веленть юткова вете вайгельбеть. Ней пильгетне сэредить, васов а ютави. Седе ламо яки-чары кудонь перька, мирдть-нить путнить пире, кирдить тувот, сеят ды саразт. Михаил Сергеевич ды Валентина Ивановна покш мельсэ эрьва оймсема чистэ учить эйкакшост-нуцькаст инжекс, конат эсест самост марто ускить кеняркс ды казить од вийть.
Т.Аксенова


31.10.2018

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...