Рубрикатор

Культура ЧАЧОМА ЧИ МАРТО, ВАЛЯ ПАТЯЙ!
ЧАЧОМА ЧИ МАРТО, ВАЛЯ ПАТЯЙ!

Валентина Ивановна Аверкинань (тейтерькс Байгушкина) чачома велесэнзэ (те Кочкурбуень Сурвелесь) содасызь кода панжадо седей, валдо ойме, весенень паронь арсиця ломаненть, конань, мерят, кежензэяк зярдояк ды киненьгак арасельть. А стяко велень эрицятне сонензэ свал пшкалить нурькинестэ ды вечкезь – Валя патяй эли Улька Валя. Кадык сон ней уш аволь од, тень лангс апак вано, тунь а неяви сырекс. Сельмензэ палозь палыть, чамастонзо зярдояк а ёмси валдо мизолксось. Азё, мерть: Валентина Ивановна аволь умок чалгась кавксоньгемень иетнень трокс.

Мартонзо молемстэяк мельганзо а кенерят, тевтеемстэяк сондензэ ёроковт арасть. Эрьва мезес кол. Викшнеме ды кодамо тонадсь овсе вишкинестэ. А уш прякань панемасо мартонзо пелькстамс – шканть ёмавтнемс. Эрямонзо перть Валя патясь эсензэ кедьсэ паневть прякадо андсь-каванясь а лововитькак зяро ломанть. Истя лиссь, мирденень лисемадо мейле уцясказо пачтизе Саранскоев, косо сон кармась пидицякс-паницякс, лиякс мерезь, ульнесь кулинарокс ярсамо кудосо (ресторансо).
Те карми мейле. Васня жо вийть ды мазычи Валя пурнась, чачома мода ланга кепе чийнезь, вирьга-паксява яказь, Сэняш лейсэ экшелязь. Ялганзо-оянзо марто пачколесть, нама, Сура леевгак, кона Сурвеленть (Сабаеванть) эйстэ аволь васоло. Тосонь эрькетнескак (вейкенть лемезэ Чаво эрьке) чопавтнесь. Теке марто эрьва чистэ, кадык вишкинельгак, сонзэяк керчасть певтеме тевть ды мелявкст. Тетянзо Иван Петровичень велень лия цёратнень марто войнав ильтямодо мейле аванзо Агреппина Гордеевнань (Клештянь Агрань) лавтовонзо лангс кадовсть ниле эйкакшт. Лездыцякс тензэ кармасть сынсь эйкакштне.
Й-ых, прах саевлизе те сюдозь-азозь войнанть! Зяро ломанень ойметь сон сайсь, зяро верь валовтсь, зяро эйкакшпингеть киртась ды нельгсь! Валяненьгак се шкань весе стакачитнень пачк савсь ютамс. Кепепильгть ды пельсштапо якамскак, марчонь кшинть танстензэяк кварчнемс савкшнось. Тесэ тенст сась берянь куля: тетязо, Иван Петрович Байгушкин, стакасто ранязь ашти госпитальсэ Дзержинск ошсо. Сон, марят, куломалангсо, а стякшныяк. Мельганзо якицяяк кияк арась. Валя патясь те шкас эзизе стувто, кода авазо, кедень рукштяезь, чийнезевсь кудованть: «Мезе теемс? Кода улемс?» Ды секе чистэнть пурнась-сэрнясь, кадынзе ниле эйкакшонзо роднятнень кедьс, ды ленгень карьсэ ялго сыргась васоло килангов. Кемтядо-арась, ускизе-таки мирдензэ! Мезень пачк савсь тензэ ютамс, Агреппина Гордеевна сонсь ансяк содыль. Ёвтнесь, кода косо носилкасо, косо лавтов лангсо мирдензэ кандтнесь тестэ-тов: васня Ока леенть трокс пароходсо савсь уемс, мейле – поездсэ ардомс. Паро, лездасть тензэ госпитальстэ кучозь вейке медсестрась ды солдаттнэ, конатнень усксть фронтов. Те ульнесь 1943 иестэ. Пачкодсть Жар вокзалов (ули истямо станция Сабаеванть эйстэ вейксэшка вайгельпень тарка). Носилкасо валгстызь кулома лангсо солдатонть ды кадызь нинзэ марто ськамост. Мезе теемс седе тов лездыцявтомо? Агреппина Гордеевна тесэяк эзь талакадо, кармась якамо кудодо кудос. Мусь крандаз марто алаша. Истя сынь пачкодсть кудов. Но Агреппина Гордеевнанень госпитальсэ уш мерсть: мирдезэ кувать а цидярды. Истя лисськак. Курок Валентина Ивановнань тетязо кулось аванзо кедь лангс.
Теде Валентина Ивановна свал ледстни сельведь марто. Теке марто мельспаросо полады: «Мон авакс туинь. Стакачиде а пелицякс».
Ды те алкукс истя. Зяро стакачинь пачк савсь мейле ютамс тензэ, зяро апарот кирдемс, зяро ризкст-кажот цидярдомс – а ёвтневить. Ялатеке сон эрьванть эйстэ маштсь муеме лисема тарка. Вейкеденть Валя патясь нейгак ледстни мизолдозь. Те зярдо сынь састь эрямо Саранскоев. Сестэ сон мирдень кедьсэль уш.
Мирдезэ Улькань Витя (Виктор Ульянович Аверкин) эсензэ коряс ульнесь. Эрямонь виесь эйсэнзэ чадозь-чадсь. Эрьва ков кенериль. Тевесь сонзэ туртов, нама, васенце таркасоль. Чокшне ланга юткошкасто – ялга юткс. Морот, киштемат, балалайкасо седямот. Велесэ Витядо паро цёра сестэ арасель. Тейтертне, теке ой паренть перька, чарасть-велясть апак лотксе. Ансяк сонсь Витя сельмензэ курок каинзе Валянь лангс. Сестэяк, зярдо Валя тукшнось «болотав» (торфонь таргамо), Витя учось эйсэнзэ, сёрминетькак секе-тев кучнесь.
Мейле эрямост сюлмизь вейс. Вейке-омбоце мельга эйкакшт тусть. Сындест сынст вете: вейке цёра ды ниле тейтерть. Тесэ эрямонь кист пачтинзе Саранскоев. Эсест квартираст арасель – сисем иеть якасть ломань кедьга. Мезе теемс? Валя патянть тонавтызь: сыргак, келя, Московов, пшкадть эстензэ Валентина Терешкованень. Се шкастонть космосов ливтямодо мейле Терешковань лемесь гайгсь эрьва кува. Валя патям истя тейськак. Пурнынзе кодат эрявить конёвтнень ды... Московов. Эсензэ Терешковань марто эзь саво вастовомс. Но се комитетэнть, конань прявтсо ульнесь Терешкова, маштсь муемс. Курок сонзэ тердизь эрямо таркань явшема комитетэв. Ды малав сеске весе семиянек совасть од квартирас.
Мирдензэ марто эрясть, кода корты сонсь Валя патясь, налксезь. Свал вейсэльть. Тевс кундыльть вейсэ, оймсемстэ моро серьгедильть – вейсэ. Витя лелясь, морамодо башка, парсте седясь балалайкасо. Кодак пачкодильть Сурвелев, весе куринкась пурнавиль сынст кудост икелев Улькань Витянь ды Валянь концертэст ваномо. Апак учонь куломась саизе Витянь, керинзе Валя патянь уцяскань сёлмонзояк.
Мирдензэ куломадо мейле кувать сон эзь муе тарка-эзем. Но кулыцянть мельга а куловат. Эряви эрямс. Ды сон эри. Канды лезэ эйкакшонзо туртов, кеняркс – Сурвелень эрицятнень туртов. Вейкеяк покш чи тосо а юты сонстемензэ. Истя, кода машты морамо Валя патясь, стака муемс аволь ансяк Сурвелесэ, Мордовиянть келескак. Истямо мазычи ды сюпавчи неть моротнень эйсэ! Паряк, муевить ломанть, кить сёрмалесызь сонзэ вайгельсэ серьгедезь моротнень плёнка лангс? Те улевель покштояк покш казнекс весе эрзятненень. Сехте пек, нама, Валя патянень, конанень неть читнестэ топодсть 80 иеть! Чачома чи марто, Валя патяй! Эряк кувать ды седе товгак кандт кеняркст весенень, кить эрить перькат!
Раиса Щанкина


24.10.2018

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...