Рубрикатор

Культура ВЕТЕЦЕНТЬ КИСЭ – «ВЕТЕ»
ВЕТЕЦЕНТЬ КИСЭ – «ВЕТЕ»

Ютазь недлячись (ожоковонь 21-це чись) Александровка велень (Лямбирень район) эрицятнень туртов кармась улеме алкуксонь илакс-кенярксчикс. Тосо ютавтозель «Гайгезэ чачома масторонь морось!» фестиваль-пелькстамо, ков эсест шкинемаст невтеме сакшность Лямбирень райононь малав весе морыцятне ды творческой коллективтне. Те фестивалесь аволь васенце. Тедеде сон ловови юбилейнойкс – ветецекс. Секскак, паряк, анокстасть эйзэнзэ икелень коряс седеяк келейстэ ды весе виень путозь.

 

Лямбирень муниципальной райононь «Алмаз» культурно-спортивной центрась, косо мольсь те пелькстамось, се чистэнть пивтезь пивтсь нешкепире ладсо. Тосонь важодицятне Милаева Любовь Александровна прявтост марто пильге лангсто пракшность, кода седе парсте вастомс инжетнень. Ды сынст виест эзть ёма стяко. Инжетненень, конатнень ютксоль Лямбирень райононь прявтось Ш.Ф.Давыдов, ульнесь мезе лангс варштамс. Эрьва кодамо выставкатнесэ невтезель весе се, мезень тееме маштыть тосонь эрицятне. Ленгестэ паргинеть-кептернеть, викшнезь нардамот, човалясто-мейстэ теезь эрьгть-кирьгакшт, артовкст, някинеть ды лия налкшкеть… Башка таркасо – эрьва кодат каванявкст, конатнень эсест кедьсэ пидизь-панизь тосонь кудазораватне. 

Фойесэ гайгиця моротне (сынст серьгедицяст «Морамо» ды «Ламзурь» ансамблясо морыцятне) поладозельть актовой залсо, козонь пурнавсть кавтосядодо ламо ваныцят.
Пелькстамонть ушодызь сехте вишкинетне, конатненень топодсть кавксо ды седе ламо иеть. Ды сеске виев цяпамот, «браво» пижнемат. Од морыцятне, иест лангс апак вано, невтсть морамонь алкуксонь ёрокчи. Тень коряс уш неявсь, кодамо мель те районсонть явови культурантень. Эйкакштнень овсе вишкинестэ саезь кастыть аволь ансяк рузонь ды татаронь моронь вечкеме, тонавтыть эйсэст эрзянь ды мокшонь моронь содамояк. Весемеде ламо тень коряс теи Мордовия Республикань культурань заслуженной важодицясь Мария Семёновна Громова, конань кедьга ютасть ды теевсть масторонок келес содавикс морыцякс аволь вейке кементь ломанть. Сынст ютксо «Голос» телепроектсэ изницясь Илона Соломонова, Карина Попова, конань лемезэ сёрмадозь Ломоносовской энциклопедияс. Ней Мария Семёновна тонавты од морыцят. Сыньгак тейнить покш изнявкст музыкальной искусствань кинть лангсо. Ламо кортамот молить Артём Костюк од морыцядонть, конань баритононь мазый вайгелезэ гайгсь те фестивальсэнтькак. Сон морась, виде, аволь ськамонзо, Кривозерьясто «Хыял» (рузкс «Мечта») ансамблянть марто. Ды, кемемизь, истя парсте, кода морызь те ансамблясо морыцятне С.Кинякинэнь валонзо лангс, Н.Кошелевань моравксонзо коряс «Весемеде мазыйнем» моронть (эрзякс ютавтызе Маризь Кемаль), мон монсь эзинь марсе. Кунсолыцятнень мельс те морось тусь аволь ансяк од морыцятнень (кото тейтерть ды вейке цёра) парсте путозь ды мазый вайгелест кувалма, сон моразельгак алкуксонь эрзянь кельсэ, косо эрьва валось чарькодевсь, эрьва валрисьмесь валгсь-озась кунсолыцятнень оймес. А эдь ансамблясонть, келя, арасель вейкеяк эрзя. Вана кинь пельде эряви тонавтнемс эрзянь кельсэ морамо!
Ды лия морыцятнеяк ульнесть вере тёкшсо. Саемс Александровка велестэ «Пизёлнэ» ансамблянть, кона весень туртов казсь а ёвтавияк кодамо мазый казне – «Шуди Мокшесь» моронть. «Зоренька» (Берсеневкасто), «Русская душа» («Коммунар» совхозсто), «Визит» (Покш Елховкасто), «Ялгат» (Александровкасто) ансамблятне. Кадык седе ламотнень лемест рузонь, сынь морасть морот эрзянь ды мокшонь кельсэ. Весемеде псистэ вастозель «Провинция» ансамблясь (Покш Елховка). Сценанть лангс киштезь лиссть ансяк стазь од оршамосо колмо цёрат ды кавто тейтерть, ды концертэнь ютавтома таркась, мерят, кирвазсь чипаень валдосо. А кодак серьгедизь «Мокшень алясь» моронть, залось лепиясь цяпамотнеде. Жюрисэ аштицятненень мезеяк лия эзь кадново – максомс тенст сехте покш казненть – Гран-принть.
Эзть максо пря киштицятнеяк. Вишкинетнеяк, седе покштнеяк снартнесть невтемс мезеяк од, ансяк эстест ладиця киштема. Ды сынст те лиснесь а беряньстэ.
Жюринтень пек а шождаль кочкамс сехте вадрятнень. Секс морамонь коряс васенце ды колмоце таркатнень савсь максомс кавтонь-кавтонь. Васенце таркань саицятнень ютксо эрзянь морыцясь Артём Мамаев, кона, кода свал, эсензэ вайгельсэ паролгавтынзе весень ёжост. Лия пелькстыцятнеяк эзть кадово казневтеме. Сынь сатотсть весенень.
Весе, кить сакшность фестивальсэ пелькстыцятнень кунсоломо, тешкстызь: истямо паро концерт сынь эзть нее зярдояк. Ды ёвтасть седейшкавань сюкпря сонзэ анокстыцятненень ды ютавтыцятненень. Васняяк Мария Семёновна Громованень, кинь ушодксонзо коряс ютавтневи те илась. Ламот ёвтасть мель келейгавтомс те фестиваленть, сы иестэ тердемс пелькстыцят лия районтнэстэяк. Кадык те мелесь топавтови!


Раиса Щанкина


23.10.2018

 

Новости

«Единая Россия» отстояла благоустройство небольших населенных пунктов в бюджете 2019 года

Изменение облика российских городов, благоустройство дворовых и общественных территорий является одним из самых успешных и результативных направлений работы Партии, подчеркнул секретарь Генсовета «Единой России» Андрей Турчак.

«Единой России» удалось защитить действующую модель использования регионами федеральных средств на ремонт дворовых территорий многоквартирных домов, а также на благоустройство населенных пунктов с населением более одной тысячи человек, которая будет работать и в 2019 году. Об этом заявил секретарь Генерального совета Партии, комментируя решения трехсторонней комиссии по межбюджетным отношениям.

Подробнее ...
 
Моледе ярмункав!

Ноябрянь 10-це чистэ Саранскойсэ ютавтови продовольственной ярмунка. Тесэ ярсамопельтне кармить микшневеме седе алкине питнеде. Теде пачтясть МР-нь Минсельхозпродсо. Эштё поладсть: Саранскоень эрицятненень ды инжетненень сывелесь, ламбамопельтне, кулинарной изделиятне ды лия товартнэ миевить 20 % седе дешовасто.
Ярмункась карми молеме истямо таркатнева: куншкакуросонть – Ботевградской курось (Полежаевень куростонть саезь Васенконть видьс); Светотехстройсэ – Октябрянь 60 иетнень проспектэсь (Веселовскоень куростонть саезь Веденяпинтнэнь бульваронть видьс); Юго-Западсо – Ульяновонь курось (Энгельсэнь куростонть саезь М.Расковань куронть видьс); Химмашсо – Октябрянь 70 иетнень проспектэсь (Косаревень куростонть саезь Севастопольской куронть видьс).

 
Мазылгавтовить куротне

Аволь умок ошонь Администрациясо ютавтовсь промкс, кортамось мольсь ламоквартирас кудотнень перька таркатнень витнемадо-вадрялгавтомадо. Ошонь Ленинской райононь прявтось Александр Юткин пачтясь пурнавозтненень, весе роботатне прядозь, кода федеральной, истя региональной программанть коряскак. Целанек вадрялгавтозь 32 кудотнень перька таркатне. Теде башка, ярмактнень видестэ ютавтоманть вельде удалась витнемс эштё вейке кудонть перька тарканть ды Юго-Западонь районсонть теезь машинань путома таркат: «Спар» супермаркетэнть ды эрямо кудотнень ютксо теезь парковкань тарка, конадонть пек энялдсть Поповонь куронь 64 Г кудонь эрицятне. Теке марто истямо жо тарка теезь М.Расковань 25 ды 31 №№ кудотнень ютксо. Те тевеськак топавтозь эрицятнень вешемаст коряс.

Подробнее ...
 
Единороссы республики проведут партийную дискуссию «Обновление - 2018»
В преддверии XVIII Съезда Партии, который пройдет 7-8 декабря в Москве, во
всех регионах России состоятся партийные дискуссии в ходе которых будут
обсуждаться основные векторы развития «Единой России» и меры, направленные
на повышение эффективности работы Партии и ее
сотрудничества с гражданским обществом.
Подробнее ...
 
Жители Мордовии обратились к Василию Пискареву с жилищными вопросами

Встреча с жителями республики – обязательный пункт каждого визита в Мордовию депутата Госдумы РФ, председателя комитета ГД РФ по безопасности и противодействию коррупции Василия Пискарева. В ходе региональной недели парламентарий каждый месяц проводит прием граждан по личным вопросам. 30 октября он встретился с заявителями по целому ряду сложных вопросов. 

Подробнее ...