Рубрикатор

Культура Эрзянь кельсэ васенце художественной фильма
Эрзянь кельсэ васенце художественной фильма

...1237 иесь. Эрзянь моданть лангс сась покш зыян – каявсть монголтнэ. Прявт персонажось – Азор лементь кандтниця од цёрась. Эсь тевень коряс якамсто вирьсэ цёрась вастови монголтнэнь марто. Сонзэ лангс каявить ды Азор понги полонс. Эйсэнзэ кармавтыть лездамс ятонтень, ансяк эсь тиринь моданть ды раськенть вечкиця цёрась а мии прянзо. Полонстонть оргодемстэ сонзэ стакасто ранясы ятонь налтось. Ансяк а максы прянзо эрзянь цёрась. Меельце вийтнень путозь пачкоди тиринь веленть малас. Тесэ эйсэнзэ учи эштё вейке зыян — пултызь веленть, эзть кадово эрицят. Азор ёмавтынзе сехте малавиксэнзэ...
Кулыця цёранть муизе орожия, пачтизе сонзэ эсь эрямо таркав, лецизе ды велявтызе эрямос. Эсь тиринь масторонть идемадо арсематне кармавтыть сонзэ эрзянь инязоронть Пургазонть вешнеме. Апак учо вирь куншкасо сон эртеви Пургазос ды сисем родонь прявттнэс. Азортнэ ушодыть покш тев, конанть эйстэ ашти цела раськенть эрямозо...

 

Те – «Азор» эрзянь кельсэ васенце художественной фильмань нурька сюжетэсь. Неть читнестэ республикань рузонь драмань театрасонть ютавтовсь сонзэ васень невтемазо. Тезэ пурнавкшность эрзятне ды мокшотне, тиринь келенть, культуранть ды койтнень-кирдатнень кисэ аштицятне. 

Те чокшнестэнть сценанть лангсто весе кортасть ансяк тиринь эрзянь ды мокшонь кельтнесэ. МР-нь Культурань, раськень политикань, туризмань ды архивень тевень министранть васенце полавтыцясь Александр Карьгин тешкстызе, течинь чись сови историяс. Сон ёвтась покш сюкпря художественной фильмань арсицятненень-теицятненень ды мерсь, ваныцятнень ютксо ламо инжеть лия регионтнэстэяк. Кода арсевсь «Азорось», кода мольсь снимамозо пурнавозтненень ёвтнесть сонзэ автортнэ-теицятне – школасо тонавтыцясь, Владимир Ромашкинэнь лемсэ «Торама» фольклорной ансамблянь солистэсь Александр Учеваткин ды Мордовиянь содавикс музыкантось Виктор Чичайкин (Бакич Видяй). Сынь тешкстызь, фильманть теемантень путызь весе оймест ды ёжост ды вешсть берянь питне тенст а путомс ды кежейстэ а судямс.
Кода ёвтнесть автортнэ, фильманть лангсо роботась ветявсь зярыя иень перть. Снимамозо ушодовсь 2015 иестэ. А теде икеле ульнесть эштё ламо тевть. Сень коряс, што фильмась исторической ды эйсэнзэ невтевить 1237 иень тевтне (шкатне, зярдо монголтнэ каявсть минек раськенть лангс), эрявсть муемс се шкань оршамот, конатне прокатс саезельть Татарстанонь раськень театрасто. Эсь кедьсэст од ломантне теизь XIII-це пингень тюремань кедьёнкстнэнь: узеретнень, леднемань туртов налтнэнь ды сялготнень.
Фильманть снимамозо ветявсь республикань зярыя районтнэсэ: Отяжбуесэ, Орданьбуесэ, Кочкурбуесэ, Дубёнкань ды Покш Березникень ёнкстнэсэ.
Эряви тешкстамс, «Азор» фильмань кода арсицятне-анокстыцятне, истя рольтнень налксицятнеяк, кино марто овсе апак сюлмаво ломанть. Ютксост ансяк вейке актёр – Павел Михайлов, республикань раськень театрань актёрось. Сон налксизеяк прявт роленть – Азор цёранть. Татартнэнь фильмасонть налксить узбекть. Весе лия рольтнень – эсь тиринь келенть вечкиця, раськень койтнень-кирдатнень ванстыця эрзянь цёратне ды тейтертне.
– Сехте стакакс ульнесь се, минь эзинек сода мезес нерькстынек прянок. Эзинек сода кода ды мезестэ ушодомс, – ёвтнесь Павел Михайлов.
Фильмань теицятнень валост коряс, сехте стакакс ульнесь максомс актёртнэнь вайгелест.
– Актёртнэнь валост, виренть увноманзо, леенть шольнеманзо, алашатнень цяхамост ды весе лия гайттнень савсь максомс одс. Ды те, паряк, ульнесь сехте стакакс, – ёвтнесь Виктор Чичайкин.
Эряви меремс, фильманть снимамонзо лангс ярмактнеяк явозь аволь государстванть пельде. Сынст пурнызь весе масторонть келес эриця эрзятне.
Весе стакачитнень ютазь кизэнь меельце ковстонть «Азоронтень» максовсь прокатонь удостоверениясь. Ожоковсто фильманть невтьсызь Финляндиянь кото оштнесэ ды Эстониясо. Картинась ютавтозь рузонь ды финнэнь кельтнес (Финляндиянь ваныцятнень туртов арсезь субтитрат).
– Те фильмась аволь ансяк эрзятнень туртов, сон вечкеви эрьва кодамо раськень ломантненень. Фильмась тонавты патриотизмантень, тонавты вечкеме эсь аванть-тетянть, эсь тиринь раськенть, эсь моданть, конань лангсо чачить ды эрят. А эдь неть путовкстнэ улить эрьва раськенть, – тешкстызе Александр Учеваткин.

Ю.Еремина

 

Новости

Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...
 
Конкурс на участие в образовательном модуле «Единой России» «Политический лидер» составил 43 человек на место

«Прием заявок на участие в образовательном модуле «Политический лидер» Высшей партийной школы «Единой России» завершен. К настоящему моменту поступило и уже обработано модераторами более 8,5 тыс. анкет, из них было одобрено 6,5 тыс. Таким образом, конкурс на участие в стартовом модуле проекта составил 43 человек на место», – сообщила первый заместитель секретаря Генерального совета «Единой России», депутат Госдумы Ольга Баталина, подводя итоги заявочной кампании, завершившейся 15 января. До 22 января пройдет следующий отборочный этап – запись трех видеорезюме и с 22 января по 1 февраля участники должны будут пройти отборочные тесты.

Подробнее ...