Рубрикатор

Культура «Финнэнь-угрань транзитэсь» юты масторонок келес
«Финнэнь-угрань транзитэсь» юты масторонок келес

Сентябрянь 20-22-це читнестэ Карелиянь Петрозаводск ошсо ютась «Финно-угорский транзит: музыка и этностиль» искусствань ды народной творчествань Раськеютконь фестивалень этапось. Тей пурнавкшность финнэнь-угрань ёнкстнэстэ дизайнертнэ ды фольклоронь коллективтне. Тедеде топодсть кемень иеть, кода ютавтови те мельстуиця фестивалесь. Сонензэ свал яви мель минек республикаськак. Карелияв истя жо якась покш делегация. Кить якасть ды мезе невтсть, теде миненек ёвтни Н.П.Огарёв лемсэ МГУ-нь ИНК-нь средней профессиональной образованиянь отделениянь сольной ды хоронь народной морамонь курсонь ветицясь Т.В.Тюрина:

 

– Фестивалень васенце чистэнть ютась «Костюм: традиция и мода» Кругловой столесь, косо инжетне ловность докладт. Мордовиянть пельде тесэ кортась Н.П.Огарёв лемсэ МГУ-нь ИНК-нь прявтось Т.Н.Сидоркина. Сон пачтясь кезэрень оршамотнень коряс, неень шкань оршамопелень стамодо. Кецявты, минек ульнесь пек паро команданок. Те – минек институтонь средней профессиональной ды высшей профессиональной образованиянь отделениянь тонавтницятне. Зярс сынь ансяк студентт, тень лангс апак вано, парсте анокстазь, эсь тевсэст улить ламо изнявксост. Истямо покш фестивальсэ прянь невтемась а юты стяко. Од ломантнень туртов те канды покш лезэ, максы тенст вийть ютамс икелев. Сынь седе товгак эрямост сюлмасызь тиринь культурань ванстоманть марто.

– Татьяна Владимировна, кодамо программа тынь анокстыде?

– Минек программась мольсь пельчасонь перть. Тевс нолдынек эрзянь ды мокшонь кезэрень моротнень, конатнень эсь шкастост пурнызь содавикс тонавтыцятне Н.И.Бояркин ды Л.Б.Бояркина, саинек Г.И.Сураев-Королёвонь материалонзо, теде башка, невтинек народной моротнень авторонь аранжировкасо, гайгсть неень шкань авторонь моротне. Паро невтемакс ульнесь В.С.Родионовонь «Мокшень крайнесь» морось. Сон свал гайги мазыйстэ ды маряви теке народной моро. Истя жо морынек лавсень морот. Сюкпря ёвтавлинь тейтеренек туртов, конат морасть, те: Лена Воронина, Аня Машкова, Катя Макушкина. Сынь парсте теизь эсь тевест.

– Кода вастыдизь ваныцятне?

– Эзинек учнеяк, кода лембестэ вастымизь ваныцятне, ульнесть виев цяпамот, рангсть «браво» ды «бис». Весемесь ушодовсь репетициятнестэ. Чаво залсо эзь саво важодемс. Ансяк гайгезевсь музыкась ды моротне – кармасть пурнавомо ломанть. Минек раськень ламо вайгельсэ морамонь коесь арась кодамояк финнэнь-угрань лия регионсо, койсэнь, весе модамасторонь музыкасояк истямо арась. Ламо вайгельсэ морамонь коесь талновты гайгемасонзо, кодамо раськень илязо уле ломанесь, сон киньгак а кадсы мельтеме. Кода а вечкемс эрзянь ды мокшонь моротнень? Сынст кунсоломсто потсот мезе-бути карми талномо, кадык а чарькодевить валтнэ, ялатеке мезде-бути арсезеват. Моротнень тонавтнемстэ (эрзянь, мокшонь, татаронь эли удмуртонь…) тейтяно ютавтовкс, эряви чарькодемс эрьва валонть, чарькодемс смустенть. Бути а чарькодят – тонеть сон а морави, а пачтяви видестэ.

– Кодамо мода невтезель Мордовиянть пельде?

– Фестивальсэнть «Ине нармунь» этнической модань театрась невтинзе «Эрьмезь» ды «Палама» оршамопелень коллекциятнень. Весень дивавтынзе цёрань коллекциясь. Мартонок якасть вете од цёрат. Моданть тонадынек ваномо, кода невтить тейтерть. Минек костюмтнень лангс каизь сельмест ламот. Сынь ванность, апак лотксе кевкстнесть, кода ды мезе, мезекс те эли тона тешксэсь, мейстэ стазь, кодамо смусть канды викшневксэсь. А мезть сёпомс, эрзянь ды мокшонь оршамотне мазыйть, тюстнэ сельмс каявицят, кить явить мель моделированиянтень, сетнень ульнесь костюмтнень лангс профессиональной интересэст.

– Татьяна Владимировна, мезе невтсть лия ёнксонь инжетне?

– Карелиясо покш мель явсть оршамонь невтемантень. Коллекциятне анокстазельть кезэрень койтнень лангс нежедезь ды неень шкань лув марто. Монь дивавтымим конёвонь модась, косо, коцтонь материалдо башка, тевс нолдасть конёв. Паро ульнесь коми-пермяконь коллекциясь – чопода-сэнь ситцасто неень шкань оршамопельть. Сехте паро коллекциятнень усксызь невтеме Саранскоев.

– Кодамо ёжо марто велявтыде «Финнэнь-угрань транзит» фестивальстэнть?

– Койсэнь, истят вастовоматне кандыть лезэ, сынь эрявить миненек, тонавтыцятнень ды, седеяк пек, студенттнэнь туртов. Тон кортат важодемадо, таштавкстнэде, тееват содавиксэкс лия раськень койтнень-кирдатнень, культуранть марто. Весе те лезды од ломантнень туртов вельмевтемс потсост эсь раськентень вечкема, каштанчи – сыньгак кодамояк раськень ломанть. Сынст чачи мелест ёвтнемс эсь раськеденть ды культурадонть, чачи бажамост теемс мезеяк эсь раськенть туртов. Теевинек ялгакс Коми-Пермяцкой округонь делегациянть марто. Репертуарсонок кодат морот ансяк арасть, а вана коми-пермяконь – вейкеяк. Максызь тенек морост, алтасть лездамс. ИНК-нть уш улить паро сюлмост эстонтнэнь, финнтнэнь, маритнень, карелтнэнь марто.

«Финнэнь-угрань транзит» фестивалень Гала-концертэсь карми ютамо Саранскойсэ октябрянь 11-13-це читнестэ. Миненек сыть Удмуртиянь ды Карелиянь инжетне. Весень, кинь ули мелезэ, моледе сонзэ ваномо.

Т.Маторкина

 

 

 

 

Новости

В «Единой России» проверят состояние детских площадок по всей России
До конца июня 2019 года активисты партпроекта «Единой
России» «Народный контроль» проведут проверку состояния детских
площадок в 85 регионах - насколько они соответствуют нормативам и
безопасны для жизни и здоровья детей. Информация о выявленных
нарушениях будет передана в администрации муниципалитетов,
управляющим
компаниям,
товариществам
собственников
недвижимости с требованием устранить выявленные недостатки. Об
этом заявила координатор партпроекта «Народный контроль»,
депутат Госдумы Анна Кувычко.
Подробнее ...
 
Аршинова направила в Правительство РФ пакет предложений для включения в программу «Земский учитель»
В целях реализации Послания Президента Владимира Путина
Федеральному Собранию в регионах активисты партпроекта «Новая школа»
организовали широкое обсуждение проекта программы «Земский учитель» с
привлечением представителей профильных ведомств и институтов развития
образования, ведущих экспертов, педагогического и родительских
сообществ. По их итогам был выработан комплекс важных предложений для
включения в программу «Земский учитель», которые были отправлены на
имя вице-премьера Правительства РФ Татьяны Голиковой. Об этом заявила
координатор партпроекта «Новая школа», член комитета Госдумы по
образованию и науке Алена Аршинова.
Подробнее ...
 
Жители Мордовии обратились к главному федеральному инспектору за содействием в решении проблем

В соответствии с поручением полномочного представителя Президента России в Приволжском федеральном округе Игоря Комарова 22 мая 2019 года в приемной Президента Российской Федерации в Республике Мордовия состоялся прием граждан. Провел его главный федеральный инспектор Михаил Сезганов.


Подробнее ...
 
Госдума приняла во втором чтении поправки «Единой России», разрешающие продажу театральных билетов без кассовых аппаратов
Депутаты Государственной Думы поддержали во втором чтении
поправки, разработанные депутатами от «Единой России», в закон «О
применении контрольно-кассовой техники», которые в том числе
предусматривают освобождение распространителей театральных билетов от
обязанности использовать кассовые аппараты с 1 июля 2019 года.
Подробнее ...
 
Медведев поддержал предложения участников Форума сельских депутатов «Единой России»
Председатель «Единой России», премьер-министр Дмитрий Медведев
поддержал предложения участников Форума сельских депутатов, который
прошел 21 мая в Воронеже.
Подробнее ...