Рубрикатор

Культура Звенигород ошонть маласо – кезэрень монастырь
Звенигород ошонть маласо – кезэрень монастырь

Москов ало Звенигород ошонть маласо Саввино-Сторожевской цёрань монастыресь содавикс аволь ансяк Россиясо, истя жо омбо мастортнэсэяк. Эрьва чистэ тов сакшныть ламо паломникть Россиянь регионтнэстэ, васоло ды омбо мастортнэстэ.

 

Аволь умок прась уцяска теевемс тень содавиксэкс кезэрень те монастыренть марто. Сон ашти минек масторонь прявт ошонть Московонть эйстэ ведьгемень вайгельпень тарка, пиже вирь маласо Сторожа пандонть прясо, Москов-леенть чиресэ. Васенце ледстнематне сондензэ пачтить кезэрень 1398 иентень, теезель Московонь чинязонть Дмитрий Донскоень омбоце цёранзо Звенигородской чинязонть Юрий Дмитриевичень мереманзо коряс. Те а шожда тевенть топавтомо кармась Иневанькс Сергий Радонежскоень васенце тонавтницязо преподобной Савва.

Васняяк теезель чувтонь храм Иневанькс Пазонь Аванть Чачома чинзэ лемсэ, а покшке келия марто. Звенигородонь игуменэнть эрямодонзо паро кулятне срадокшность васов-васов те тарканть эйстэ. Шкань ютазь тов кармасть пурнавомо инокт ды строявомо од келият. Монастыренть перька теезель покш орта марто чувтонь пирявкс.

Звенигородонь чинязось Юрий Дмитриевич сеедьстэ ульнекшнесь преподобной Саввань кедьсэ ды макссь покш лезкс монастырентень. Весть сон сайсь кедьстэнзэ баславамо камань булгартнэнь каршо военной походс молемадо икеле. Иневаньксэсь мерсь, чинязось велявты изницякс. Истя лисськак. Теде мейле монастырентень максозельть велеть Звенигородсо ды Рузонь уездтнэсэ.

1405 иестэ монастыренть территориясо стявтозель Роштовань соборось, 1406-1407 иетнестэ соборонь ортатнень ваксс калмазель монастыренть ушодыцясь преподобной Савва, кие 1547 иестэ Макарьевской соборсонть совавтозель иневанькстнэнь юткс.

Ламо эрьва кодат стакачить печтясь монастыресь кувака пингензэ перть. XVII пингенть ушодовомсто, польско-литовской интервенциянть шкасто, монастырень велетнестэ ули-паронть, ярсамопеленть, ракшатнень саекшнизь, Исай игуменэнть лия монахтнень марто пултызь. Неть апаро тевтнень теицятне – самозванецтнэнь Лжедмитрий I, Лжедмитрий II ды Польшань Владислав королевичень войскатне. Монастыресь ушодсь вельмеме Романовтнень династиясто васенце Инязоронть (Государенть) Михаил Федоровичень ды сонзэ тетянзо Филарет Патриархонть пингстэ, кить сакшность тов озномо ды преподобной Савванень энялдомадо мейле пичкакшность стака орматнеде.

1650 иестэ Алексей Михайлович инязорось нолдась указ Сторожа пандосонть монастырень од ансамблянь теемадо, конань эйстэ ушодовсь монастыренть одс стявтомазо.

Куроксто Роштовань соборсонть теезельть эрявикс строительной роботатне ды одс мазылгавтозель храмонть потмозо. Сестэ монастыренть эйстэ а васоло ушодовсь кирьпецень теемань заводонть строямось, косо кармасть анокстамо покш кирьпецть.

Те шкастонть обителенть юрсо ульнесь «монастырень больниця» лецямонь келия марто ды Иоанн Лествичникень лемсэ церькова, конатнень фундаментэст ванстовсть течинь чис. Ульнесть шкат, зярдо тесэ ульнесть гостиной ды хозяйствань ветямонь зданият, калонь трямонь сёлт, ведьгевть ды истя седе тов.

1655-1656 иетнестэ те таркасонть стявтозельть монастыренть туртов эрявикс зданиятне ды перькаст теезель кеме пирявкс (эчкезэ колмо метрат) ды кепедезельть сисем башнят. Неень шкантень юткстост ванстовсть кототне. Тосо теезельть истят храмт, кода Преображениянь, Живоначальной Троицянь. Истя жо строявсть: звонницась, Трапезань палатась, Инязоронь дворецэсь ды Инязоравань палататне, Братской ды Келейной корпустнэ ды ламо лиясь.

1898 иестэ Саввино-Сторожевской монастыресь тешкстызе 500 иетнень топодемань покш датанть. Те шканть перть ламо эрьва кодат нусманя событият ульнесть те таркасонть. Сехте кажовось ульнесь 1918 иестэ, зярдо нельгезель тесэнь ули-парось, сонзэ пингстэ маштовсть ломанть. Кода пачтить историктне, «звенигородонь тевенть» коряс судязельть монастырень игуменэсь Макарий (Попов), священнослужительть, мирянт. Иень ютазь духовенстванть апак кевксте панжизь преподобной Саввань мощатнень, мезесь пек апаркстомтынзе братиянть ды те ошонь эрицятнень. Теде мейле ламотнень пекстызь тюрьмас, монастыренть пекстызь.

Советской шкасто тосо ульнесть эрьва кодат учрежденият: воинской часть, санаторий, музей. Преподобной Саввань мощатнень эйстэ седе ламось ванстовсь Успенскойтнень семиясо. 1985 иестэ иневанькс пелькстнэ максозельть Московонь Свято-Даниловской монастырев.

1995 иестэ те монастыресь вельмевтезель ды одс панжозель. Колмо иень ютазь те обителенть 600 иетнень тешкстамсто Алексий II Патриархось преподобной Саввань пелькстнэнь торжественна пачтинзе се таркантень, косто сынь саезельть масторонть туртов стака шкастонть.

Неень шкане Саввино-Сторожевской цёрань монастырьсэнть малав колоньгемень монахт ды лездыцят (послушникть). Богослужениятне ютавтовить аволь ансяк те монастырьсэнть, истя жо обителентень совиця храмтнесэ, конат улить Московсо, Звенигородсо, Кубинкасо (Одинцовань ёнкс) ды лия таркатнесэ.

Монастырьсэнть ули эйкакшонь приют, ков саить кажос понгозтнень. Покш ломантнень туртов ютавтовить  богословонь кавто иень курсат, ули библиотека ловномань зал марто.

Весемева неявсь, кода тосо эрязасто вельмевтевить храмтне, мазылгавтови территориясь.

Кодамо ванькс ды тантей лисьмапрянь ведесь! Ламот сыть тей шумбрачист витемань коряс озномо, симемаст явавтомо. Совить иневанькс ведентень ды седейшкава экшелить тесэ.

В.Юдина

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...