Рубрикатор

Культура Валентина Семёнова: «Минек пек ламо мазый тарканок, конатнеде а содатано»
Валентина Семёнова: «Минек пек ламо мазый тарканок, конатнеде а содатано»

Валентина Борисовна Семёнова важоди Саранскоень 20№ гимназиясо декоративно-прикладной искусствань тонавтыцякс. Тонавты 1-7-це класстнэнь. Сонзэ сеедьстэ некшнетяно кедьчелькев ломантнень выставкатнесэ, раськень кенярксчитнесэ. Эрьва косо сон фотоаппарат марто. Авась зярыя иень перть вети интернетсэ покш блог, косо ёвтни минек республикань содавикс ды мазый таркатнеде, велетнеде, церьковатнеде, лисьмапрятнеде. Мирдензэ, Сергей Константиновичень марто сынь ульнесть весе районтнэсэ, кой-косо натой аволь весть, ардтнить шабра регионгаяк ды пачтить неезденть интернетсэ. Ёвтнить домкасто, мельстуезь, паро фотография марто. 2015 иестэ сынь натой пачколесть Калмыкияв, косо степьсэ ютакшны тюльпанонь фестиваль, эзть тандадо тёжа вайгельбень киденть.

В.Б.Семёнова чачсь Нижегородской областень Починковской райононь Саитовка велесэ. Школань прядомадо мейле тонавтнесь Н.П.Огарёвонь лемсэ физикань факультетсэ. Важодсь Резинотехника заводсо, мейле кармась тонавтомо школасо.

Валентина Борисовна, мейстэ весемесь ушодовсь?

– Кемень иеде икеле блогтне ульнесть пек вешевикст. Кода ней весе аштить соцсетьсэ, сестэ весе явсть мель блогтненень. Мон кувать эзинь панжо блог. Ульнинь кедьчелькев ломанень форумтнесэ, косо тёжа ломанть кортасть вейкест-вейкест марто. Эрьва ковсто макснесть тема, саемга, теемс-стамс кодамояк налкшке. Эрьвась тейсь эсензэ. Мон васня тосо эсь теевксэнь путнинь. Теньстэ весе ушодовсь. Блогось теевсь теке дневник. Тосо системась пек паро, весе ашти рубрикань коряс, мезе сёрмадат – весе муеви. Ней ваннан, ледстнян, мезесь уш стувтовсь, интернетсэ весе ванстови. Седе тов карминь путнеме путешествиянь историят. Маринек, Рузаевкань  райононь Мордовская Пишля велесэ вельмевтить церькованть. Тосо чемениязь кшни лангсо лиссь Христосонь чачозо. Ардынек варштамо. Неезентень дивазевинек. Церьковасонть пек мазый артовксось. Теде мейле тешкстынек эстенек, ков бажатано ардомо. Истя, ваннынек ламо церьковат, пачтинек лисьмапрятнеде, вальмасо ванстовозь наличниктнеде. Ломантне кармасть тень сёрмадомо, сюкпрянь ёвтамо, теде башка, энялдсть ардомс кодамояк велев. Минь ардтано ды кецятано неезентень! Свал кармат содамо мезеяк од. Кой-кона таркатнес бажат понгомс одс.

– Косо парсте весемесь ванстовсь кезэрень шкадонть?

– Койсэнь, ламо мезе ванстовсь Темниковань ды Атюрьевань ёнкстнэсэ. Тосо лия ёнов а молиця архитектура марто умонь церьковат. Покш Березникбуесэ мазыйдеяк мазый наличникть! Чувтосто керсезь наличниктнень лован шедевракс. Иеде иес сынь ёмить. Кияк эйсэст а вансты. Ули школа, мекс бу тосо а панжомс музей? Мелезэнь тукшны Торбеевась, тосо пек мазый. Вечкса Шокша веленть. Куротне келейть, эрьва косо ваньксчи. Кармасть витнеме-петнеме церькованть. Башка валт ёвтавлинь калмолангонть коряс. Тосо аштить кото метрань крёстт. Самай сынст варштамо ардынекак. Ней истят а стявтнить. Минек пек ламо мазый тарканок, конатнеде а содатано. Сюкпря ёвтан ломантненень, конат пшкалить тень, мерить, ков ардомс ды мезе варштамс.

– Валентина Борисовна, Мордовиядо башка, тынь ардтнетядо шабра регионгаяк…

– Истя. Пензань, Ульяновскоень, Нижегородской, Рязанень областтнева. Меельцеде ульнинек Рязань ёнксонь Кадом ошсо. Кецямонок а ёвтавишка. Вейке сырькаень пельде маринек, ули «Кадомский вениз» фабрика. Мезе те? Кадомонь венизэнь историясь ушодовсь Петр I шкасто. Сестэ сон яволявтсь сюпав ды паро ломантненень, бояртнэнень якамс европейской оршамопельсэ, кона мазылгавтозь венецианонь ды брюсселень кружевасо. Петра инязоронть кармавтоманзо коряс минек масторов усксть италиянь мастерицат, сынь тонавтызь Кадомонь монастырень монахинятнень венецианонь узортнэнь стамо-кодамо. Ды уш мейле «венецианонь кружеванть» кармасть лемдямо «венизэкс». ХХ-це пингень ушодкссто Кадомсо панжовсь кружевань  кодамонь школа, мейле сон кармась швейно-вышивальной техникумокс, «Пробуждение» артелекс, косо важодсть ламо ават. Минек туртов ютавтсть фабрикань цехтнева экскурсия ды домкасто ёвтнесть те лия ёнов а молиця тевденть. Тесэ аватне стыть эрьва кодамо покшолмань скатертть, салфеткат, оршамопельть, сувенирт, лияназонь оршамот. Италиянь питней коцтсто стыть-викшнить удома таркас ацавкст (постельной белье). Снимсинь, кода аватне чова суринесэ кедьсэ стыть ажурной узортнэнь. Минь якинек тува дивсезь ды кецнезь.

Ламоксть ульнинек Чувашиянь Алатырь ошсо, ютынек весе ташто церьковатнень. Те ошсонть парсте ванстовсть умонь кудотне. Пек вечкса Ульяновск ёнксонь Сурское посёлканть. Якинек тов нилексть. Весе посёлкась – алкуксонь памятник. Архитектурась пек мазый. Тосо кезэрень кудотнесэ эрить ломанть! Саемга, алксось кирпецень, верьксэнть строизь одс. Лия оштнесэ неть кудотнесэ лавкат эли государственной учрежденият. Тесэ жо эрить ломанть. Сурскойсэ паро музеест. Вечксынь велень музейтнень. Тосо домкасто весементь ёвтнесызь, невтнесызь, сыненст мельспаро, зярдо сакшныть ломанть, конат явить мель историянтень. Теде башка, Сурскойсэ ули географиянь тонавтыця, кона тонавтницянзо марто ардтни аволь ансяк Россиянь оштнева, сон ускси эйкакштнень лия масторга! Теке жо районсонть ули пек содавикс Никольской пандось ды ламо лисьмапрят.

Минек Саранскойсэ ташто кудотне ёмить ды ёмить…

– Ташто Саранскоенть эйстэ мезеяк а кадови. Ней оно яжизь Л.Толстоень куросо прокуратурань зданиянть. Мезекс? Инсар ды Саранка лейчиретнень валызь бетонсо. Мекс бу тов а озавтомс нурьгиця кальть? Сынь мазылгавтыть ды кемекстыть чиретнень.

В.Б.Семёнова кудосто фотоаппараттомо а лисни. Паряк, неи мезеяк мазый ды лия ёнов а молиця! Семёновтне эрить ошонь куншкакуросо, верце этажсо. Секскак чинек-венек сельмест икеле ламо мазычи. Каршо кудотне а кекшить менельчиренть. Чилисематне, чивалгоматне весе сынст. Кудостост парсте неявить ошонь колмо церьковатне: Ф.Ушаковонь соборось, Ботевградонь сэденть вакссо Иоанн Предтечань, Юго-Западонь Кириллэнь ды Мефодиень храмось.

– Валентина Борисовна, тынк блогсо ловнынь умонь пазавадо история, ёвтнеде тенек теде.

– 1930-це иетнестэ весе церьковатнень порксасть-яжасть. Минекак, Нижегородской областень Саитовка велесэ церькованть кирвазтизь. Монь бабань авазо, Нюрочка, таргизе «Скоропослушница» пазаванть палыця церьковастонть ды кекшизе кудосо. Те шкас а чарькодеви, кода тензэ кандовсь. Сонензэ ульнесть малав 70 иеть, вишкине ды човине. Пазавась жо покш, аштесь суликань ды чувтонь киот потсо. Сон сёрмадозь 1901 иестэ Афонсо. Пазавась ламо иень перть ульнесь кудосонок, идесь ды лездась. Ней сон ванстови Пайгармань Параскево-Вознесенской монастырьсэ.

Валентина Борисовнань эрьва ие некшнетяно «Шумбрат, Мордовия!» раськень творчествань фестивальсэ. Выставкатнеде сон домкасто ёвтни блогсонзо.

– Якан ваномо ансяк выставкатнень. Ламо кедьчелькев ломантне теевсть тень паро ялгакс, бажан ломантнень марто вастовомо, кортамо. Ризнэвти, фестивальсэнть мезеяк од уш арась. Вете, кото, кавксо иень перть районтнэ ускить секеть важодематнень. Пек кецян, зярдо неян од мастер. Сынст эряви вешнемс, мукшномс, тердемс выставкав.

В.Б.Семёновань эсензэяк ульнесть персональной выставканзо – стазь някань ды фотографиянь. Кудосонзо ванстови някань покш коллекция. Валонзо коряс, лия мастертнэнь марто пшкалесть ошонь прявттнэнень, максомс тенст таркине эли теемс музейсэ свалшкань экспозиция. Анокт сынсь ютавтомс экскурсият, мастер-класст. Ансяк киненьгак мезеяк а эряви…

– Валентина Борисовна, ков бажатадо молеме маласо шкасто?

– Учотано сёксенть, зярдо пертьпельксэсь мазылгады. Ули меленек молемс Гороховец ды Арзамас оштнес. Весементь парсте ванномс ды невтемс лияненьгак.

Минь жо карматано учомо од фотографият ды ёвтнемат, конат теезь аволь мельде-валдо эли киньгак кармавтомань коряс, сынь – весе седейстэ. Муемс блогонть шожда, ютадо те ссылкаванть http://mordovochka.blogspot.com/ эли поисковикс сёрмадодо «Нескучная жизнь».

 Т.Маторкина

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...