Рубрикатор

Культура НОРОВАВАНЬ ЧИ
НОРОВАВАНЬ ЧИ

Ютазь пецясто (таштамковонь 7-це чистэ) Саранск ошонь Пролетарской райононь парксо таго ютась пек паро ила (покшчи), конань анокстызь «Луч» Культурань кудосо важодицятне.  Сон алтазель паксянь-пирень азоравантень – Норовавантень. Ваныцятнень икеле, конатнеде, кода свал, пек ламо эрси меельце шкастонть те парксонть, пурнавкшность байтяк, невтезель кезэрень коесь, кода седикеле тешкстасть Норовавантень алтазь чинть.

 Седикеле те чинть пек вечкилизь. Секс анокстасть сонензэ парсте, тешкстасть пек келейстэ. Пансть-пидесть прякат-сюкорот, тейсть тантей брагат-позат. Нуеманть прядомадо мейле велень ломантне лисильть нуезь пакся чирес, башка явозь кужинес ацыльть ашо руцят-нардамот, лангозост путнилизь пидезь-панезь каванявкс марто чакшост-ваканост ды тердилизь Нороваванть. Сонзэ лемс серьгедильть гайтев морот, сыргавтыльть киштемат ды эрьва кодат налксемат. Се чистэнтькак Норовавантень алтазь илась ушодозель «Тарваз марто киштемасо», конань анокстызь «Луч» Культурань кудонь «Пилигрим» ансамблясо киштицятне (прявтось Н.С. Храмова).

«Ламзурь» ансамблясо морыцятне ваныцятнень туртов ледстизь кезэрень коенть, кода седикеле ломантне сюконясть Норовавантень, шнасть эйсэнзэ ламо сюронь-эмежень кастоманть кисэ, вешсть пельдензэ седе товгак лездамс паксянь-пирень тевтнень теемстэ, кастозенть пурнамсто ды ванстомсто. Кода ламо иеде теде икелеяк, васня ютавтозель ознома Инешкипазонтень, кона лия Азораватнень ютксто весемеде пек вечкилизе Нороваванть сень кис, мекс сон вансь, кода мольсть паксясо-пиресэ тевтне, мелявтсь ломантнеде, конатнень туртов кастась весемеде питней ярсамопеленть – шумбракшинть. Секс сынсь ломантнеяк пандсть Норовавантень паросо. Сонзэ лемс кандсть эрьва кодат каванявкст, конатнень, кода ёвтазель вейке озномасто саезь валсо,  «ашо кедьсэ панинек, шожда мельсэ пидинек». Нороваванть мелезэ седеяк витезель сонензэ алтазь моросо.

Норовава – парочи,

Норовава – сюпавчи.

Мейсэ Норов пек паро?

Мейсэ Норов пек сюпав?

Кшисэ-салсо пек паро,

Кшисэ-салсо пек сюпав.

Ламо эмежть сон кастась,

Ламо каванявкст таштась… 

Кода пачтить седикелень сёрмадовкстнэ, Норовавась чачсь Ине Нармуненть пельде, кона нарвизе эсензэ алсто. Сон пек мазыель. Виде килей сэрезэ, мазый умарь тюскезэ, бояравань чамазо. Оршазель сырнень ды сиянь оршамосо. Истямокс, алкуксонь Норовавакс весень икелев лиссь эрзянь оршамосо од тейтерь (налксицясь Т.Мокшанова). Прясонзо эрьва кодамо цецясто ды тарадсто теезь каштаз, кедьсэнзэ товзюронь пултке. Весе сюконямотне, казнетне,  киштематне ды моротне течи алтазь сонензэ. Моротне гайгсть чокшнень перть. «Луч» Культурань кудосо морыцятнеде башка сынст весень туртов казсть тердезь инжетне. Кода свал, эсензэ гайтев ды мазый вайгельсэнзэ пурнавозтнень седеест токинзе Мордовиянь народной артисткась Анна Атласова. Ломантненень эзь максо нувсемс, мекевланк, верень сыргавтыця эсензэ моротнесэ кармавтынзе киштеме Мордовиянь заслуженной артисткась Елена Воронина.

Норовавань чинть эйстэ кадовсть мельспаросо весе. Ды лиякс а кода. Истят покшчитне кандыть ансяк валдо ды кенярксов ёжомарямот, тонавтыть весень вечкеме пертьпельксэнть, ванстомо сонзэ сюпавчитнень. Паро улевель, те коенть ванстомс седе тов ды ютавтнемс свал ды эрьва косо.

Р.Щанкина

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...