Рубрикатор

Культура Вишкинестэ саезь бажась лездамс ломаннень
Вишкинестэ саезь бажась лездамс ломаннень

Ульяновской областень Инзабуень Оськина велесэ улемстэ минь теевинек содавиксэкс ламо паро ломань марто. Вейкесь юткстост – Валентина Ивановна Вишнякова. Сон 27 иень перть роботы велень медпунктсо фельдшерэкс. Оськинась – покш веле, савкшны якамс кудова чинек-венек, сестэ, зярдо ломантненень эряви максомс медицинань лезкс.



Валентина Ивановна школань прядомадо мейле тонавтнесь Ульяновской областень Карсунонь медучилищасо. Тов кучнизь совхозонть пельде ды прядомадонзо мейле учость эйсэнзэ тиринь велесэ. Тейтересь тонавтнесь парсте, пандсть тензэ покш стипендия. Кода кортазель икеле, сон сась важодеме велев.

 – Валентина Ивановна, инескеть, ёвтнеде важодемадонк.

– Важодеманок, нама, стака. Эрицянок ламо, малав 1500 ломанть. Седе ламо сакшныть седеень орматнень марто. Давленият, сердечно-сосудистой ормат. Сеедьстэ вастневиця орматне – онкологиянь, седеень, туберкулёз. Ней минек киртить важодицянок.

– Кудоваяк якатадо?

– Истя, ламо якатано кудова, макстано лезкс. Ветятано профилактической робота. Кучтано профосмотрав, кармавттано ютамо диспансеризация, флюорография. Толковатано, мезекс те эряви. Монень уш вишкинестэ саезь вечкевсь лездамс ломаннень, теемс паро.

Эрьва лисезь зыянонть савкшны ютавтомс седеень пачк. Нама, ульнесть кулыцяткак, кинь кенеринек идеме, кинь эзинек… Пеель мартояк мельганок чийнесть, зярдо идинек сисем ковонь эйкакш. Мон пек мелявтан весень кис. Колмошкаксть ульнинь судсо, косо тетятнень-аватнень сайнесть праваст. Бажат идемс сынст (эдь алтасть лоткамс симеме, стямс виде килангс), теке марто арсят эйкакштнеде, кода сыненст седе паро. Лиясто эйдетне сынсь туевельть симиця тетятнеде-аватнеде, конат а ваныть мельгаст, а андыть эйсэст. Ды кинь те шкане идемс, кинь кисэ аштемс? Те монь туртов сехте ризнэвтиця, зярдо эйкакштнень явить тетяст-аваст марто. Редия, кадык сынь симицят эли кодат, эйдест зярдояк а мерить беряньстэ тетядост-авадост! Идить, аштить кисэст ды секе-тев кортыть: «Монь авам сехте паро».

Мельсэнь ашти ды кодаяк а стувтови вейке тев, кона лиссь кото-сисем иеде икеле. Весть сан вень 2 чассто ормалгадозенть кедьстэ. Ардан састыне велосипедсэ (минек медпунктсо ули транспортонок). Велявтынь эсень проулкантень. Ды ванан, кавто чувто юткова моли палкине марто вишкине ломань. Теке мерят, ёвкссо, прясонзо паця. Мон, нама, сеске псилгадынь. Ломань эли аволь? Моли састыне, кедьсэнзэ вишка ведрыне. Монь видьс пачкодезь, сон лоткась, варштась ёнон коня алга. Тандадынь пек. Ардан седе тов, пелян удалов варштамояк. Пряван эрьва кодат мельть ютасть: те ведун эли салыця? Моли лавканть ёнов, паряк, салыцясь истя оршась? Паряк, гайневтемс лавкань азортнэнень?

Мейле омбоце чистэ кортазевинек аватнень марто. Истя карминь содамо, те ульнесь минек велень ськамонзо эриця сырькайне, кона сокор, а соды, ушосонть чи эли ве. Сон кадовсь, тапавсь ды якась велеванть вензэ перть. Бути чоподасонть содавлия – саевлия кедте ды ветявлия кудов, истя тейнинь аволь весть! Ансяк ней…

– Валентина Ивановна, тынк важодеманть марто шкаяк а кадови семиянть  туртов, кудонь тевтненень…

– Бажан кенеремс эрьва ков. Морсян ансамблясо, пек тукшны мелезэнь. Ней кардазсо а трятано ламо ракшат, секскак шка ули морсемскак. Мон школасто саезь морсян. Медучилищасояк морынь, ульнесть призэнь таркат ды изнявкст. Эйкакшонгак школасо тонавтнемстэ свал ульнесть сцена лангсо, морсесть. Монень тень эйстэ мельспаро. Кавто эйкакшон. Цёрам прядсь Саранскойсэ Н.П.Огарёв лемсэ МГУ-нь географиянь отделения. Армиясо служась Североморск ошсо. Ней сон кадовсь тосо седе тов служамо. Тейтерем тонавтни М.Е.Евсевьев лемсэ МГПИ-нь филологиянь факультетсэ, прядсь 1 курс.

Эряви меремс, В.И.Вишнякова важодеманзо кисэ казезь ламо казнесэ. Те – райононь прявттнэнь, губернаторонть пельде. Тешкстазь эйкакшонзо кастоманть-трямонть кисэяк.

– Валентина Ивановна, Оськинасо сеедьстэ ютавтневить эрзянь кенярксчить. Кода ломантне сынст вастыть?

– Вастыть, нама, парсте. Пек учить сынст. Келенть ды койтнень-кирдатнень эряви ванстомс. Минь кода школасо тонавтнинек, тенек эзть мере кортамс эрзякс! Ансяк рузкс кармавтсть. Течи вана бажатано кортамо, ансяк а машттано кода эряви. Ней мон вишка эйдетнень мартояк бажан кортамс эсенек кельсэ. Сельмем сявады татартнэнь лангс: кода сынь весе содасызь коест-кирдаст, культураст! Минек велесэ эриця татартнэ весе кенярксчитнень ванстыть-тешкстыть, оршнить эсест раськень оршамопелест. А минь? Миненекак истя эряви!

Т.Маторкина

 

Новости

Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...
 
В рамках приема граждан Председатель ЕР поддержал социально значимые инициативы

Ряд социально значимых поручений дал Председатель «Единой России», премьер-министр Дмитрий Медведев в ответ на обращения, поступившие в рамках прима граждан, который прошел 30 ноября в Центральной общественной приемной Партии.

Подробнее ...