Рубрикатор

Культура Вейсэнь вийсэ, ялгат, вельмевтеви тиринь ёнксось!
Вейсэнь вийсэ, ялгат, вельмевтеви тиринь ёнксось!

Неть читнестэ Покш Березникень Вейсэ посёлкасо ютавтовсь покш кенярксчи. Посёлкантень топодсть вейксэньгемень иеть. Неень шкане юбилеень датань коряс ламо велетнесэ ломантне пурнавкшныть вейсэ. Те пек паро коесь, икелень эрицятне сакшныть тиринь таркатнес аволь ансяк вейкест-вейкест нееме ды кортнеме, истя жо арсить-кортыть велень вельмевтемадо, тосо эрямо кадовикстнэнень мелень явомадо. Прявт тевекс, нама, аравтови се кевкстемась, конась бу лездаволь эште кувать кирдемс Покш Березникень тиринь ёнксонь картасонть чачома веленть. Вейсэнь ломантнеде ламо, эдь ульнесть шкат, тесэ эрицятнеде котосядто ламольть, ансяк сынь весе срадсть минек покш Россиянть келес.



Тиринь Вейсэ посёлкас те ёнксонь икелень эрицятнень пурнамодо арсемась эйсэнь ульнесь кувать. Васня ушодынь эсь покштятнень-бабатнень ундоксост ванкшномо, тень туртов аволь весть якинь Мордовия Республикань государственной архивс. Тосо важодемстэ сась тень арсема, варштамс, мезе кадовсь историяс минек Вейсэ посёлкадонть. Аламодо ацирьгадынь, зярдо рединь, тиринь ёнкстонть овсе аламо тешкстнэде. Тосо улить ансяк Вейсэ посёлкань первичной партийной организациянь протоколт (1934-1954 иетне). Сынст ловнозь, карминь содамо, кить ульнесть колхозонь прявтокс, кода ванкшность талновтыця кевкстематнень, изнясть нужачист. Сестэ сась арсема Вейсэ посёлканть историянзо ванстомадо-ледстямодо ды неень шкань эрицятнень марто покш вастовомань пурнамодо. Тень туртов васняяк вейсэндявинек вейс минек ёнксонь эрицятнень марто ды васень вастовоманок ютавтынек Троицядо  икелень лемень ледстямонь чистэнть. Самай сестэ минь арсинек ушодомс анокстамо те покшчинтень. Кавто ковтне ютасть пек курок.

Те шканть перть ульнесть ламо эрьва кодат арсемат, конатнень минь вейсэ бажинек топавтомс шкастонзо.

Августонь 4-це чистэ пертьпельксэсь кенярдовтымизь маней, лембе, пиземевтеме чисэ. Рана валскестэ саезь кармасть само те посёлкань икелень ды неень эрицятне, шабра велень ломантне, инжеть республикань ламо районтнэстэ, Россиянь регионтнэстэ ды омбо масторстояк. Инжеть ульнесть Московсто, Санкт-Петербургсто, Саратовасто, Нижней Новгородсто, Красноярскойстэ, Балаковасто, Самарасто ды мик Казахстансто. Весемева неявсь, кода сынь тошнакадсть тиринь ёнксонть, вейке-вейкень нееманть ды седейшкавань кортамонть кисэ.

Те чистэнть сыненст поздоровонь ёвтамо ды паронь арсеме састь: Покш Березникень  муниципальной райононь администрациянь прявтось И.И.Игонов, МР-нь Культурань, раськень политикань, туризмань ды архивень тевень коряс министрань васенце полавтыцясь А.И.Карьгин, МР-со государствань автодорожной надзоронь территориянь отделэнь прявтось Н.А.Бояркин, Финнэнь-угрань раськень культурань Равчирень  куншкакуронь информационной библиотекань ресурсонь ды медиапроектэнь отделэнь прявтось Т.Т.Чекушова, «Тюштя» финнэнь-угрань воинской налксематнень вельмевтемань клубонь общественной учреждениянь прявтось П.В.Мигунов, «Литова» эрзянь тейтерь-авань вейсэндявксонь прявтось Р.Б.Щанкина,  «Эрзянь вайгель» вейсэндявксонь прявтось Е.Е.Ледяйкин, «Келу» ансамблянь солисткась, МР-нь Заслуженной артисткась Е.Л.Воронина.

Кенярксчинть ушодовомадо икеле весе пурнавозтненень те ёнксонь священнослужителесь отец Александр служась Благодарственной молебен, мейле весень пургсинзе иневанькс ведьсэ ды ёвтась паронь арсемат те посёлканть вельмевтемадо, весе тосо эрицятнень шумбрачист ванстомадо. Истямо эште вестькак арасель аволь ансяк те посёлкасонть, весе те ёнкссонть.

… Ушодовсь торжественной промксось. Пурнавозтненень икельце вал марто пшкадсь Покш Березникень муниципальной райононь администрациянь прявтось И.И.Игонов. Иван Иванович ледстизе Вейсэ посёлканть историянзо, ёвтнесь, кода весемесь ушодовсь 90 иеде икеле. Пачтясь, кода парсте тесэ важодсть войнань стака ды сонзэ ютамодо мейлень иетнестэ.

Ламо лембе валт тиринь ёнксонть ванстомадо, минек покштятнень-сырькайтнень тевест поладомадо ёвтась пурнавозтненень МР-нь Культурань, раськень политикань, туризмань ды архивень тевень коряс министрань полавтыцясь А.И.Карьгин. Сонзэ кортамонть поладызе Т.Т.Чекушова. Татьяна Тимофеевна кода сонсь вечксы тиринь келенть, истя жо лиятненьгак тердинзе сонзэ ванстомо, а стувтомо ды, кие косо бу аволь уле, свал апак визде тиринь кельсэ кортамо.

Вейсэнь модась минек республикантень казсь ламо ёроков ломанть. Сынст ютксо масторонь келес содавикс спортонь мастерэсь Михаил Андреевич Аношкин. Эсь шкастонзо посёлкастонок сон туекшнесь Самарав, ансяк тиринь ёнксонзо эзизе кадно, свал сакшныль тиринь Вейсэв. Самарасо сон кассь бороцямонь коряс покш мастерэкс. Сонзэ честьс Самара ошсо стявтозь бюст. Эрьва иестэ тосо ютавтовить самбонь коряс пелькстамот, конат алтазь М.А. Аношкиннэнь. Те кенярксчинтень Самарасто сакшность Михаил Андреевичень цёразо Алексей Михайлович ды нуцьказо. Тонавтницязо – М.Н.Становкин. Михаил Николаевич эзь кирдеве, сайсь вал, сон пачтясь пурнавозтненень, кодамо алкуксонь ломанекс, превс путыця тонавтыцякс ульнесь Михаил Андреевич. Сон минек масторсо самбонь спортонь ушодыцятнень ютксо, ламоксть чемпион ды РСФСР-нь чемпионатонь призёр, СССР-нь чемпионатонь бронзань призёр полутяжелой сталмосо. Профессиональной спортсто туемадонзо мейле М.А.Аношкин поладызе важодеманзо, ветясь тренерэнь покш робота, анокстась спортонь кемготово мастерт. Сынст ютксо Мирэнь Кубоконь саицясь Александр Саяпин.

Ламо пингес кадовить историяс Вейсэ посёлкасо эрямонть ушодыцятнень лемест. Сынст ютксо Яськинтнэ, Аношкинтнэ, Лияськинтнэ, Бояркинтнэ, Кечайкинтнэ ды ламо лиятнеяк. Колхозонь васенце прявтокс кочказель В.Т.Аношкин, ризксэнтень, аволь кувака пинге эрясь. Владимир Петрович Аношкин нуцьказо Анна Афанасьевна нинзэ марто кизэнь перть эрить Вейсэсэ. Содамост Евгений Петрович Таратута весе оймсема шканзо эрьва иестэ ютавты минек посёлкасонть, сакшны Вейсэв васоло Казахстансто. Сон истя жо ульнесь покшчисэнть.

Владимир Петрович пурнавозтненень пачтясь минек посёлканть историядонзо, седе, мезе тензэ ёвтнесть покштятне. Ёвтызе вановтонзо Вейсэ посёлканть течинь ды сы шканть коряс.

Минек посёлкасо сехте сыре эрицясь Кечайкина Анна Спиридоновна. Сонензэ 92 иеть, ламо иень перть важодсь клубонь прявтокс. Нуцьказо,  Горбунов Сергей, малавиксэнзэ юртонть ванстомга ушодсь путомо од кудо. Вейсэв сась эрямо Мурманск ошсто Любовь Степнова, сон истя жо путсь эстензэ од кудо. Лиятнеяк вельмевтить тетяст-аваст, покштяст-бабаст кудоюрттнэнь.

«Сехте паро садпире» пелькстамосонть изницякс лиссть Павел Николаевич ды Анна Петровна Аношкинтнэ. Алкукскак, сынст кудоикельксэст эрьва ютыцянть кенярдовты мазый ды ламо цецясо. Пиресэст мезе ансяк а касы, сон парсте ванськавтозь, модась кавшакавтозь, урожайгак те семиясь пурны пек ламо ды паро.

Павел Николаевич ламо иеть важодсь строителекс, мейле ламповой заводсо. Сон казезь РСФСР-нь Верховной Советэнь Президиумонь Почетонь грамотасо, масторонь электротехнической промышленностень отличник. Анна Петровна низэ истя жо ушодокшнось важодеме стройкасо. Казезь «Знак Почёта» орденсэ.

Виде, Вейсэ посёлкасо эрицятне весе бажить ваньксстэ кирдемс садпирест, саемс покш урожай. Теле лангс анокстамс кода эсест, истя жо малавиксэст туртов ламо эмежть.

Те чистэнть Вейсэ посёлкав сакшность ламо артистт: Саранскойстэ, Покш Березникень ды Дубенкань ёнкстнэстэ. Кенярксов ёжомарямо казсть тенек «Ламзурь», «Эрзяночка», «Эри ведь», «Парынза», «Веселуха» фольклорно-этнографической ансамблятне.

Эсь ёрокчист невтизь Вейсэ посёлкань эрицятнень нуцькаст. Неть: Юртаева Ксения ды Глухов Никита. Сынст выступленияст куватень ледстнемакс кадовить те ёнксонь эрицятненень.

Седейшкавань пси цяпамосо пурнавозтне вастызь «Келу» ансамблянь солистканть, МР-нь Заслуженной артистканть Е.Л.Воронинань. Весень мельс тусть «Тюштя» финнэнь-угрань воинской налксематнень вельмевтемань клубонь члентнэнь выступленияст, конатне ютавтовсть П.В.Мигуновонь прявтсо.

Ёвтатано сюкпря «Известия Мордовии» газетантень, сынь лездасть тенек ютавтомс футболонь матч «Большие Березники» ды «Вейсэ» командатнень ютксо.

Тесэ невтизь ёрокчист Покш Березникень муниципальной райононь администрациянь прявтось И.И.Игонов ды МР-нь Культурань, раськень политикань, туризмань ды архивень тевень коряс министрань васенце полавтыцясь А.И.Карьгин. Ортатнесэ аштесь райадминистрациянь отделэнь прявтось О.В.Губанищева. Счётось ульнесь 1:1, изнясь ояксчись. «Известия Мордовии» газетанть пельде казнесь – футболонь оскась – максозель покш Березникень командань капитанонтень И.И.Игоновнень.

Те кенярксчинть ютавтоманзо кисэ покш сюкпря ёвтатано Покш Березникень райадминистрациясто весе лездыцятненень, Шугур велень поселениянь администрациянь прявтонтень А.В.Николаеванень, Вейсэ посёлкань весе эрицятненень, кить састь покшчистэнть лездамо.

Кемтяно, те паро коесь поладови, тосо арсезесь топавтови. Оргкомитетэнть пельде ёвтазельть истят тевть: лездамс Вейсэсэ эриця сыре ломантненень ды сетненень, кинь ундоксост те посёлкастонть, ваньксчисэ кирдемс калмазыренть. Те ёнксонь од ломантнень ютксто пурнамс волонтёронь группа, кить бу саевлизь эсест лангс те вишка посёлканть перька мелявкстнэнь. Пароль бу, бути сынь пурнавольть перькаст истят ломанть, кить седейшкава ризныть-палыть тиринь таркаст кисэ.

 

Валентина Юдина

 

Новости

«Единая Россия» будет добиваться придания захоронениям участников боевых действий статуса «воинских захоронений»

Партия «Единая Россия» займется созданием реестра захоронений ветеранов боевых действий и придания им статуса «воинских захоронений». Это позволит сохранить память о тех, кто защищал интересы нашей страны в ходе боевых действий, не допустить повторного захоронения в этих местах. Об этом заявил секретарь Генерального совета Партии Андрей Турчак на встрече с членами Всероссийской общественной организации ветеранов «Боевое братство», которые обратились к нему с соответствующей просьбой.

Подробнее ...
 
Турчак об ответственности членов «Единой России», обновлении рядов и партийной учебе

Люди ждут от власти взвешенной и справедливой позиции, а самое главное – конкретных действий и решения проблем и честных поступков. Бездумно сказанное слово воспринимается людьми как оскорбление и бьет по репутации власти в целом, заявил секретарь Генерального совета «Единой России» Андрей Турчак в своем интервью «Известиям».

Подробнее ...
 
Терминалтнэ кармасть «кортамо» эрзякс

Ютазь иень декабрянь меельце читнестэ Сбербанконь Мордовиянь отделениянь офистнэс совицятне дивавтозельть вейке ёнкссонть: терминалтнэсэ, конатне максыть обслуживаниянь талонт, информациясь кармась невтевеме аволь ансяк рузонь кельсэ – эрзянь кельсэяк. Лямбирь велень Сбербанконь офиссэ жо панжовсь приложения татаронь кельсэ. Минек республикань эрицятненень истямо од лувось пек вечкевсь. Кода кортыть банконь сотрудниктне, те оштё вейке вишка эскелькс Сбербанконь социальной проектэнть топавтомасо, конась бажи ванстомс Россиянь раськетнень ёмиця кельтнень.

Подробнее ...
 
«Школа грамотного потребителя» поможет жителям Мордовии обезопасить себя при использовании бытового газа

Партийный проект «Единой России» «Школа грамотного потребителя» подготовил комплекс мер по безопасному использованию газа в быту. Об этом рассказал координатор проекта, руководитель «Центра общественного контроля в сфере ЖКХ Республики Мордовия» Алексей Кливер. 

Подробнее ...
 
«Единая Россия» привлечет депутатов к контролю за каждым объектом в рамках реализации нацпроекта «Безопасные и качественные автомобильные дороги»

«Единая Россия» закрепит за каждым объектом, на котором ведутся работы в рамках реализации национального проекта «Безопасные и качественные автомобильные дороги», конкретного депутата, чтобы отслеживать выполнение работ и расходование выделенных на них средств. Об этом сообщил в рамках правчаса в Государственной Думе зампредседателя комитета Госдумы по транспорту и строительству, координатор партийного проекта «Безопасные дороги» Владимир Афонский.

Подробнее ...