Рубрикатор

Культура Велень библиотекаресь изнясь конкурссо
Велень библиотекаресь изнясь конкурссо


Елена Фёдоровна Храброва важоди Оськина велень М.Е.Евсевьев лемсэ модельной библиотекасо. Ламо иень перть сон ульнесь ловнома кудонь прявтокс. Ней те должностенть киртизь ды теизь весень библиотекарекс. Мартонзо важоди сазорозо Светлана Фёдоровна Вишнякова.

– Елена Фёдоровна, ловныцянк ламо? Сакшныть тенк од книгат?

– Ловныцянок малав тёжа. Од книгат сакшныть беряньстэ. Сюконятано Саранскоентень. Сон а кадны минек. Весе национальной литературась пачтяви тенек тосто. Бути Мордовиясто а кучневельть – мезеяк аволь уле. Велень эрицятне вечкить ловномо И.А.Калинкинэнь ды К.Г.Абрамовонь. Явить мель «Пургаз» романонтень ды «Ава ды лей» стихсэ романонтень.

 

Сёрмадстано «Чилисема» журнал. Кирдтяно паро сюлмот А.С.Пушкин лемсэ библиотеканть, финнэнь-угрань раськень культурань Равчирень центранть, М.Е.Евсевьев лемсэ МГПИ-нть марто.

Бути кортамс библиотеканть коряс, велесэнек уш комсте ламо иеть явтано мель раськень тевтненень. Икеле школасонок роботась Т.И.Коткина, ветясь эрзянь кель, ней тусь пенсияв, ды весе, тевесь лоткась. Сон пек ламо тейсь ды миненек оймамо эзь максо. Кода якинек регионъютконь научно-практической конференцияв Ульяновскоев, тосо редимизь. 2007 иестэ тердимизь семинаров Саранскоев. Вастымизь парсте, теевинек содавиксэкс лия ёнксонь библиотекартнень марто, конат истя жо важодить эрзянь велесэ. Кияк прянзо верьга эзь кандо, весе парсте кортынек важодемадо. Вейкенек-вейкенек туртов пачтинек важодемань таштавкстнэде.

– Елена Фёдоровна, инескеть, ёвтнеде эседенк.

– Мон чачинь Оськинасо. Тонавтнинь заочна Рязанень культурань институтсо, прядынь библиотечной факультет. Ве шкане важодинь ды тонавтнинь.

– Кие тынк вечкевикс писателенк? Кинь произведениятне тынк талновтыть?

– Мон вечксынь Пушкинэнь, Есенинэнь. Эрзянь литературасо аштетяно каштанчисэ И.А.Калинкинэнь коряс. Сон чачсь минек ёнкссо. Кода-бути сакшнось Коржевка велев. Тосо васенцеде вастовинек. Сестэ казинзе тенек книганзо. Сонзэ книгатне тусть велева кедте-кедьс! Весе ловность.

Елена Фёдоровна мельспаросо ёвтни вечкевикс важодемадонзо. Сонзэ библиотекасо ваньксчи. Весе книгатне, журналтнэ, газетатне аштить таркаваст ладсезь. Тесэ кецнить эрьва совицянтень. Ловныцятнень туртов ютавтовить эрьва кодат вастовомат, творческой важодемань конкурст, выставкат, сёрмадыть проектт.

Аволь стяко 2013 иестэ библиотекась лиссь изницякс «Лучшее муниципальное учреждение культуры, находящееся на территории сельского поселения» федеральной конкурссо.

2017 иестэ Е.Ф.Храброва казезь Ульяновской областень Искусствань ды культурань министерстванть пельде 50 тёжат целковоень покшолмасо сертификатсо (сон лиссь лауреатокс культурань сехте вадря учреждениянь важодицятнень ютксо).

Т.Маторкина

 

 

Новости

Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...
 
В рамках приема граждан Председатель ЕР поддержал социально значимые инициативы

Ряд социально значимых поручений дал Председатель «Единой России», премьер-министр Дмитрий Медведев в ответ на обращения, поступившие в рамках прима граждан, который прошел 30 ноября в Центральной общественной приемной Партии.

Подробнее ...