Рубрикатор

Культура Вечкемань ды семиянь чись - Муромсо
Вечкемань ды семиянь чись - Муромсо

Семиянь, вечкемань ды вейкень-вейкень туртов кемемань чинть Россиясо кармасть тешкстамо 2008 иень июлень 8-це чистэнть саезь. Сехте пек сонзэ вечксызь Владимир ёнксонь Муром рузонь кезэрень ошсонть, эдь тесэнь Ине Троицянь соборсо аштить православиянь святойтнень Петрань ды Феврониянь мощатне, конатне лововить весе вечкицятнень кисэ аштицякс ды Пазонть икеле вешицякс. Июлень 8-це чись ловови сынст ледстнемань чикс.

 

Молемс Муромов июлень 8-це чистэ – те покш уцяска, эдь тосо те чистэнть пурнавкшныть ламо инжеть, ютавтневить выставкат, Ока леенть чиресэ моли концерт, собортнэсэ – литургият. Весе ошось пешкеди Вечкицянь ды семиянь чинть тешкстэ – пейделькань (ромашкань) каштазто ды цецянь пусмодо.

Саранскойстэ Муромов кись кувака, минь ардынек 5 част.  Ансяк кись эзь маряво, минь кунсолынек Петрань ды Феврониянь эрямосто аудиопьеса, седейс токиця морот ды озномат. Сыргинек валскень 4 чассто, арсинек кенеремс Московонь ды весе Русень Патриархонть Кириллэнь прявтсо службантень, конань сон ютавтсь те кенярксчистэнть Ине Троицянь храмсонть. Ялатеке эзинек понго соборонть потс, ломантнеде састь пек ламо ды весе тозонь эзть кельгстяво. Литургиянть минь ванынек ды кунсолынек монастырень ортатнень вакссо. Тосо стявтозель покш экран, конась невтсь весе службанть.

Ине Троицянь тейтерь-авань монастыренть вакссо ашти эште вейке православной святыня – те Ине Благовещениянь цёрань монастыресь, конань прявт храмсонть аштить Муромонь чудотворецтнэнь – Ине благоверной князенть Константинэнь ды сонзэ эйдензэ Михаилэнь ды Федоронь мощатнень марто вейсэнь ракась, 1678 иень «Иверская» Пазавась ды истя жо «Козельщанская» Пазавась. Тозонь совамс ды сюконямс икелест мелявкст арасельть, сехте ламо шка минь аштинек Ине Троицянь тейтерь-авань монастыренть ортатнень икеле. Учинек, зярдо нолдасамизь Троицянь соборонтень Ине благоверной ды преподобной князенть Петрань ды княгинянть Феврониянь мощатнень икелев. Ютасть малав ниле част. Вакссонок аштиця авась мерсь, келя, те ансяк течи истя зняро ломанть тесэ, истяк чистэ куватьс аштемс а савкшны. Церьковинесь, косо ашти благовернойтнень ракась, аволь покшке, сонзэ икеле эште ашти покш Пазава Петрань ды Феврониянь ликест марто, конань ваксс минь путынекак пейделькань пусмонок. Пазавась мазылгавтозель цецясо ды перьканзо аштесть ведь марто зярыя вазат, конатне пешксельть казезь цецядо.

Ракась, конасонть аштить Петрань ды Феврониянь мощатне, вейке. Кода кортыть тесэнь служицятне, зярдо сынь кулость – калмазельть ве ёнга, ды эрьвась эсензэ калмос, ансяк шкань ютазь, дивань тевть, сынь вейсэндясть. Явовтомс неть вечкиця ломантнень эзь удала куломадост мейлеяк.

Троицянь ды Благовещениянь монастыртнень эйстэ зярыя эскелькстэ веёно ашти князентень Петранень ды княгинянтень Феврониянень мазый кеврунго, конась панжозель 2012 иестэ. Сынст пильгепесэ ашти нумолнэ, конась ней уш цивторды, эдь весе бажить сонзэ вадяшамс. Кеврунгось июлень 8-це чистэ истя жо пешксель пейделькань пусмодо ды савсь куватьс учомс, зярдо пры шка сонзэ икеле снимавтомс фотоаппаратс.

Миненек прась шка якамс сонсензэ Муромонть эзгаяк. Тесэ ламо кезэрень кудот, кафетне лемдевить харчевнякс ды трактирэкс. Ошонть ули эсензэ чачозо ды атмосферазо. Минь муинек Муромонь сехте содавикс ярсамопелентень кеврунго – калацясь – тесэ сехте рамсевиця тантейка. Раминек миньгак ды неинек, мейсэ сон явови лиятнень эйстэ. Калацянть потсо ашти ламбамо варения, ды сонсь паневксэсь моли вишка гирине ёнов. Ансяк сталмозо, паряк, 100 граммашка.

Муромсо Вечкицянь ды семиянь чистэнть прявт площадьсэнть ютавтневить выставкат, панжовкшныть калацянь ды сувенирэнь миема рядт, стявтневить фотографиянь теема инсталляцият. Ансяк тедеде неть мероприятиятне ютасть июлень 7-це чистэ, кода содавикс концертэськак, конась невтеви Васенце каналсонть ды моли Ока леенть чиресэ. Ошось ялатеке мазылгавтозель эрьва кодамо тюсонь парсейсэ, ульцятнева инжетне яксесть цецянь каштазсо ды сехте миевикс сувенирэкс ульнесь пейделька (ромашка) марто магнитикесь.

Минь эште валгинек ошонть оймсемань парков, косто парсте неяви Окась, ды чиресэнзэ ашти алкуксонь героентень, виевдеяк виев Илья Муромецнэнь покш кеврунгось.

Меельце таркась, козонь пачкодекшнесь группанок, ульнесь Спасо-Преображениянь цёрань монастыресь, конась ловови Православной Русень пек умонь таркакс. Сондензэ икеле, келя, панжозель ансяк Киево-Печерской лаврась. Монастыресь ашти овсе Ока леенть чиресэ, пандопрясо ды дивавты эсь мазычисэнзэ. Кодамо тосо ваньксчись, коштось, менелесь! Монастыренть потсо ламо храмт, часовнят, монахтне кастыть цецят, кирдить саразт, мацейть, панить тантей кши ды прякат.

Спасо-Преображениянь монастыренть сехте содавикс святынякс ловови «Скоропослушница» Пазавань ликесь, конась ашти Покровонь храмсонть ды сёрмадозель XIX пингестэ Афон пандосонть. Кода кортыть тесэ, Пазавань образось теке алкуксонь, сон валдомгады ды мизолгады покш кенярксчитнестэ: Крештениясто, Инечистэ ды Роштовасто ды потмургады, зярдо мирсэнть-масторсонть лисить кодаткак апаро тевть. Пазаванть виезэ пек покш, теде ёвтнить сёрмадовкстнэ, конатнень кадныть паломниктне храмонь книгантень. Ламот икелензэ озномадо мейле курок лецявсть эли тенст сась эрявикс лезкс. Туемстэ минь раминек монастырьстэнть те Пазаванть вишка образонзо ды «Скоропослушницанть» икеле палыця лампадастонть ойне.

Спасской монастырьсэнть ули преподобной Илья Муромецэнь мощанзо пелькс марто рака. Сонсь героесь ракасонть теезь кевстэ, ансяк мощань пелькскесь ашти суронзо потсо.

Те монастырьсэнть ули иневанькс ведь марто лисьмапря, косто весе бажить саемс ведь эли пургсемс эсь прянть эйсэнзэ. Сехте виев ойме мартотне экшелить те лисьмапрянть купельсэ. Монастырьганть якамсто алкукскак маряви оймесэнть кеняркс, тосто туемс мелем пек арасель, ансяк эйсэнек учось таго киланго.

Ардынек минь мекев Муромонь од вантовой  (поводезь) сэдьганть, конась сюлми кавто берёктнень. Те сэдесь теке лыйни веденть велькссэ ды 2013 иестэ ловозель Россиянь сехте мазый сэдекс. Сехте пек цивторды сэдесь чокшне, зярдо кармить паломо тёжадо ламо лампочкатне. Муромонь эрицятне пек вечксызь эсь сэдест. Кортыть, зярдо виев варма, сэдесь «моры». Истя лыкить вантнэ. Сэденть лангсо вечкиця ломантне, урьвакстыцятне-венчицятне ютавтнить фотосессият, эдь тестэ панжови пек паро ваннома тарка Ока леенть лангс, ды пертьпельксэськак, эряви меремс, моли ёвкс ёнов.

 

Марина Девятова

 

Новости

В проекте федерального бюджета на следующую трехлетку предусмотрено увеличение финансирования ряда госпрограмм

Финансирование ряда государственных программ увеличено по основным показателям. Об этом стало известно по итогам серии заседаний комитета Государственной Думы по бюджету и налогам, посвященных подготовке проекта федерального бюджета на 2019 год и на плановый период 2020 и 2021 годов к первому чтению. В обсуждении проектов госпрограмм приняли участие представители профильных комитетов Госдумы и ведомств.

Подробнее ...
 
«Единая Россия» добилась расширения перечня причин для возврата полной стоимости авиабилетов

Нижняя палата парламента 397 голосами одобрила в первом чтении законопроект, предлагающий расширение списка причин, на основании которых пассажиру должна быть возвращена полная стоимость сданного авиабилета, купленного по невозвратному тарифу. В настоящее время, отметила автор законопроекта, член комитета Государственной Думы по физической культуре, спорту, туризму и делам молодежи Наталья Кувшинова (фракция «Единой России»), представлявшая документ, получить полную компенсацию можно, в частности, только в случае смерти или болезни родственника.

Подробнее ...
 
Госдума приняла в первом чтении законопроект «Единой России», отменяющий необходимость подтверждать оплату взносов на капремонт

Законопроект, согласно которому уполномоченный орган государственной власти не вправе требовать от граждан документы, подтверждающие оплату ежемесячного взноса на капремонт, упростит использование механизмов адресной помощи. Об этом заявил первый заместитель председателя комитета Госдумы по жилищной политике и жилищно-коммунальному хозяйству, координатор партпроекта «Единой России» «Школа грамотного потребителя» Александр Сидякин. Данный проект закона, внесенный фракцией «Единой России», принят в первом чтении нижней палатой парламента.

Подробнее ...
 
Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...