Рубрикатор

Культура Ули мезес тонавтнемс Покш Игнатбуесэ
Ули мезес тонавтнемс Покш Игнатбуесэ

Июлень 20-це чистэ республикань журналисттнэ пурнавкшность райононь прессань фестивальс, сон Мордовиясо ютавтови комсьвейкеецеде. Тедеде минек лембестэ вастымизь Покш Игнатбуесэ. А мезть сёпомс, малав эрьва райгазетань коллективесь те кенярксчинть бажи теемс лиятнень ёнов а молицякс, весенень мельстуицякс ды сёрмадыцятненень лезэнь кандыцякс. Койсэнек, Покш Игнатбуесэ вере весе ёвтазесь топавтовсь «ветес».

Инжетнень кши-сал марто вастызь од, паро, неень весе технологиятненень ладиця средней школанть икеле, косо ютавтозель содавтовиця экскурсия. Истя жо сыцятне ванкшнызь прессань выставканть, эдь те мероприятиянть прявт тевезэ – невтемс таштазь опытэнть ды тонавтнемс вейке-вейкень эйстэ весе вадрянтень ды лезэвентень. Седе тов весе минь пурнавинек школань актовой залонтень, косо ушодовсь торжественной промксось.

Васенцекс пурнавозтнень икеле кортась МР-нь Печатень ды информациянь министрась В.А.Калугин. Икельце валсонзо сон ёвтась сюкпрянь валт республикань журналисттнэнень Саранскойсэ Футболонь коряс масторлангонь чемпионатонь матчтнень ютамодо келейстэ ды домкасто сёрмадоманть кисэ. Кода мерсь Виталий Анатольевич, Япониянь принцессась Мордовиясто туемстэ Посольствань представителенть кедьстэ вешинзе газетасо сынст ланга сёрмадовкстнэнь. Ней чилисемань васоло масторсонть ловныть минек печатной изданиятнень.

Те покш событиядонть сёрмадомань кисэ республикань райгазетатнень весе редактортнэнень ды сынст коллективтненень максозельть Благодарственной сёрмат.

Ламо лембе валт сёрмадыцятнень лемс ёвтась Покш Игнатовань  муниципальной райадминистрациянь прявтось Т.Н.Полозова. Сон тешкстызе  райгазетанть покш путовксонзо сынст ёнксонь ломантнень эрямосо. Кода мерсь Татьяна Николаевна, сынст эйстэ сисем тёжат, а сехте покш сюпавчист – Ломантне ды Модась. Районной газетанть тиражозо – омбоце пель тёжа экземплярт, сонзэ сёрмадстыть те ёнксонь ламо эрицят. Татьяна Николаевна ёвтась кемема икелепелевгак вейсэ райгазетанть марто поладомс тиринь ёнкссо паро ушодкстнэнь, инвестициянь од проекттнэнь эрямос совавтомаст.

Поздоров марто пурнавозтненень истя жо пшкадсь МР-нь Журналистэнь вейсэндявксонь прявтось В.В.Назаров. Тешкстасынек, те иень фестивалесь ютась «Своим трудом из века в век глубинку славит человек!» лем ало. Сонзэ коряс яволявтозь конкурсонть коряс теезельть итогтне. Изницякс лиссь Покш Березникень «Присурские вести» райгазетась.

Весе фестивальтнесэ кирдеви кой: эрьвастонть пурнамс фотографият ды мейле сынст максомс те кенярксчинть ютавтыцянтень. Истя, мелят комсеце форумось ульнесь Инсарсо, тостонь прявт редакторось Н.Н.Кулясов максызе книганть Покш Игнатовань «Восход» газетань прявт редакторонтень М.А.Моисееванень.

Нижегородской областень Журналистэнь вейсэндявксонь прявтонть Ольга Носковань пельде паро арсематнень пачтизь тосто сыця журналисттнэ.

Вейкесь юткстост – «Выксунский рабочий» газетань прявт редакторось, «Редактор года – 2015» конкурсонь изницясь Л.В.Фролова. Сон республикань прявт редактортнэнь марто ютавтсь мастер-класс «Дизайн издания – визуализация новостей» теманть коряс.

Теке шкасто журналистэнь лия группась якась Покш Игнатбуень Боевой ды трудовой славань музеев, кона теезь Творчествань кудосо. Тосо невтезель выставка, кодат ульнесть минек печатной изданиятне икеле, сынст покш мельспаросо ваннызь ветерантнэ ды редакциясо неень шкань  важодицятне.

Неть строчкатнень сёрмадыцянтень прась уцяска совамс «Ландшафтный дизайн по-игнатовски» экскурсияв молицятнень юткс. Кодамо мазый ды сельмень кенярдовтыця Асмановтнень садпирест! Эрьва таркась топавтозь тевень содазь, седейшкава, весемева неявсь – тосо эрить алкуксонь азорт. Истя жо минек пек кенярдовтымизь Николай ды Валентина Марюшкинтнэнь, Виктор ды Нина Наумовтнень садпирест, косо весемесь теезь эрзя-мокшонь койтнень-кирдатнень ледстязь, одонть эйзэст совавтозь.

Фестивальсэнть парсте арсезель шкась, эрьва минутасто минь неинек мезе-бути од, эрьвась сайсь эстензэ  мезе-бути лезэв ды мельстуиця. Весе пурнавозтненень ульнесь алкуксонь казнекс, кода минек саимизь «Светлячок» пионерэнь лагерев, чопавтимизь советской эйкакшпингень шкантень. Валыпиземеськак, конась тусь сеске отрядтнэнь рапортост максомадо мейле, аламо кинь панизе кудов. Малав весе кадовсть мельстуиця программанть прядовомс.

Эште вейке ёнкс карми кувать тенек ледстнеме те фестивальденть. «Восход» редакциянь коллективесь пурнась ды костясь чайтикшеть, конатнень пештизь викшнезь кескавнес, ды казсть истямо кескавне эрьва инжентень. Маряви, весе седейлембест сынь максызь те казненть вельде.

В.Юдина

 

Новости

Од иень ярмунка

Од иень кенярксчитнеде икеле, ацамковонь 22-це чистэ, Саранскойсэ ютавтови ярмунка, косо кармить микшневеме эрьва кодат товарт ды велень хозяйствань продукция.
Ярмункасонть кармить Мордовиянь микшнемань сферань, общественной питаниянь, перерабатывающей промышленностень ды велень хозяйствань предприятиятне.

Подробнее ...
 
Турчак: Власти компенсируют гражданам затраты на покупку приставок для цифрового ТВ

Правительство РФ и региональные власти предусмотрели исчерпывающий набор компенсирующих мероприятий при переходе с аналогового на цифровое телевещание для малозащищенных слоев населения. Также в региональных бюджетах предусмотрены денежные компенсации или закупка необходимого оборудования. Совет по развитию цифровой экономики при Совете Федерации представит на ПМЭФ-2019 свой рейтинг цифровизации регионов и предложит механизм поддержки лучших региональных практик. Об этом заявил вице-спикер Совета Федерации, секретарь Генерального совета «Единой России» Андрей Турчак по итогам второго заседания Совета по развитию цифровой экономики в Новосибирске.

Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...