Рубрикатор

Культура Кемексты цёрынетнень обуцяст, тонавты тиринь ёнксонь вечкеме
Кемексты цёрынетнень обуцяст, тонавты тиринь ёнксонь вечкеме

Те келей лавтов, шумбра цёранть ве ёндо содылия икелеяк. Журналистэнь тевтнень кувалма савкшнось ламоксть ульнемс эрьва кодамо покш ды вишкине мероприятиятнесэ.  Эрзянь оршамопельсэ «Тюштя» клубонь вишка воспитанниктне свал невтнесть неть кенярксчитнестэ эсь ёрокчист. Павел Мигунов – те клубонть теицязо. Аволь умок сонзэ марто кинек вастовкшность. Кевкстеман ульнесть ламо. Икелев мерян, Павел Валерьевич Мигунов сеть ломантнестэ, конатне эрямонь перть топавтыть вечкевикс тевест. Сеедьстэ эрси, ломанесь од порасто кочки эстензэ профессия, мейле жо эрямонь перть кодамо-бути ёнкс полавтови ды ломанесь чарькодьсы, муизе эсензэнть. Истя Павел Мигуновоньгак.

Цёранть раськензэ эрзянь. Чачсь-кассь Саранскойсэ. Тетязо, Валерий Павлович ды авазо, Клавдия Фёдоровна, Покш Игнатовань  Старые Селищи эрзянь велестэ. Школасо тонавтнемстэ пек вечкелизе ведьга укшноманть. Физкультурань тонавтыцясь Александр Андреевич Самарин сеске неизе цёрыненть кеме обуцянзо ды кармась явомо тензэ башка мель. Невтевкстнэнь савсь учомс аволь кувать. Райононь ды ошонь турниртнэсэ Павел Мигунов свал ульнесь икельцетнень ютксо. Эште школасо тонавтнемстэ Мигунов топавтокшнынзе 2-це разрядонь нормативтнень покштнень ютксо. Истя эрси пек чуросто. Укшномадонть башка пек вечксь волейболонть. Сынст командань участниктне тонавтнесть вейке классо, косо ульнесь покш ояксчи. Те ояксчись неявсь налксематнесэяк. Покштнень командатнень юткстояк аламот каршост цидярдокшныльть. Тельня чийниль сокссо. Те спортсонтькак сон добовакшнось ламо.

Средней школанть прядомадо мейле Павел Мигунов уставась тонавтнесь Н.П.Огаревонь лемсэ госуниверситетэнь физикань факультетсэ. Спортонть ялатеке эзизе стувтне. Неть иетнестэ цёрась седе ламо шка явсь бороцямонтень. Эштё школасо тонавтнемань меельце иетнестэ тренерэсь Анатолий Владимирович Сураев тердекшнизе сонзэ бороцямонь секцияв. Варчизе, мельс тусь. Университетсэ тонавтнемстэ те тевесь поладозель. Бороцямонь мастерствазо сюпалгавтозель самбосо. Тенень тензэ пек лездасть тренертнэ Сергей Борисович Ветчинкин ды Вячеслав Иванович Брыков. Тонавтнемань иетне эзть марявояк кода ютасть. Сась шка туемс роботамо. Павел Мигунов кочкизе Покш Игнатовань райононть. Роботась Чукало эрзянь велень школасо. Аволь  васоло эрясь бабазо. Павел свал тензэ лездыль кудоютконь тевтнесэ. Школасо роботамсто савсь тонавтомс эйкакштнень эрьва мезес. Физикадонть башка ульнесь математикекс ды физрукокс. Иень ютазь од цёранть тердизь Саранскоев. Сестэнь «Электровыпрямитель» заводсонть эрявсь ладямс спортонь тевтнень. Павел Мигунов те тевентень кундась покш мельсэ. Теезельть спортонь зярыя секцият эйкакштнень туртов. Эштё школасо важодемстэ сонензэ вечкевкшнесь сынст марто роботамось. Эйкакштнень тонавтомсто од тренерэсь парсте чарькодсь, шкань ютазь цёрынетненень сави туемс армияв служамо ды кие соды, кодат стакачить аноксты тенст эрямось. Секскак сехте васенцекс тренерэсь снартнесь кемекстамс цёрынетнень обуцяст, тонавтсь эйсэст тиринь ёнксонь вечкеме. Сестэнь васенце воспитанниктнестэ ней ламотне роботыть силовой структуратнесэ: МВД-сэ, ФСБ-сэ.

Истя ульнесь кавто иеть. Мейле уставась перестройкась. Каладсь  масторось, полавтовсь эрямось. Од ломантнестэ ламот туекшнесть покш ярмак мельга эли жо закононь коламонь киява. Павел Мигуновонь обуцязо аволь истямо. Истят шкатнестэяк сон мусь вийть поладомс эсь тевензэ. Васенце шкатнестэ эсь ярмак лангс савкшнось пандомс залонь кис питнетнень ды ламо лиянть.

Тренерэсь-педагогось парсте чарькодсь, эйкакштнень марто роботамсто эряви кой-мезенть полавтомс. Самай неть шкатнестэ сон сайсь мель, сюлмамс эйкакштнень спортонть марто ояксчинь сюлмосо невтевкстнэнь лангс апак вано. Самай тестэ шкань ютазь теевкшнесь «Альянс» Саранскоень патриотической клубось. Спортонь дворецэнь залтнэ чаво арасельть оймсема читнестэяк.

Павел Мигуновонь секциятнестэ ушодовсь силовой троеборьянь спортось. Тренерэсь Александр Борисович Холопов ней тонавты те спортонтень мик Московсо. Теньсэ покш таликазо Павел Мигуновоньгак.

1998 иестэ Спортонь дворецэсь пекстазель реконструкцияс. Неть иетне Мигуновонь туртов а шождатольть. Лиясто марявсь, мезе ульнесь икеле, ней зярдояк а карми. Цёрась кедензэ ялатеке эзинзе нолдтне. Шка ульнесь сюпалгавтомс эсь ёжомарямонть. Те шкастонть Павел Мигунов тонавтнесь эсь раськетнень эрямост, коест-кирдаст. Паряк, самай те шкастонть сась мелеськак тонавтнемс ды невтнемс национальной спортивной енкстнэнь.

Павел Валерьевич Мигунов парсте содась, эрьва народонть улить эсензэ налксеманзо-пелькстамонзо. Якшамо ёнкссо эрицятне, невтемакс, эрьва покшчистэ кирнявтнить нартань трокс. Татаронь «Сабантуйсэ» участниктне чийнить курцяс понгавтозь ведте пешксе ведра марто. Истят налксемат-пелькстамот ульнесть эрзятненьгак. Павел Мигунов а весть тейнесь экспедицият эрзянь велетнес, кортась сыре ломантнень марто, сёрмалесь сынст ледстнемаст.

Эрзянь велетнесэ налксематне ютнильть кизна, Троицядо мейле недлячистэ. Тейтерь-аватне чарыльть хороводсо, цёратне бороцильть эли жо невтнильть виест тюремасо. Истят налксематнесэ эрьва цёрась виевгадыль. Седе тов сынь ульнесть алкуксонь тиринь ёнксонь ванстыцят. Самай секс, зярдо 2008 иестэ тевс нолдазель Химмашонь районсо физкультурно-оздоровительной комплексэсь, Павел Мигунов сайсь мель панжомс бороцямонь клуб эйкакштнень туртов, косо тонавтомс бороцямо национальной лувсо. Истя тейськак. Клубонь «Тюштя» лемесь саезель эрзянь эпоссто. Сон ульнесь пек виев ломань ды тонавтынзе эрзятнень ламос. Теекшнесь эрзянь мастор. Зярдо те масторонть лангс каявсть яттнэ, сон пурнакшнынзе весе цёратнень ды тонавтынзе тиринь ёнксонь ванстомань искусствантень. Сынст ютксо тейниль эрьва кодат турнирт, изницятнень путылинзе прявтокс.

Каявицятнень изнямодо мейле Тюштя теиль кенярксчи, косо од ломантне невтнильть виест. Истят читнень лемдякшнызь «Тюштянь налксемакс».

Ней эсь воспитанниктнень марто Павел Мигунов ютавтни истят «Тюштянь налксемат». Сонзэ секциятнес якить малав 100 эйкакшт маласо школатнесэ тонавтницятнестэ. Тонавтомань лувтнень тренерэсь теи сонсь эсь ванкшноматнень коряс. Мигуновонь секциятнес эйкакштне примавить 3 иестэ саезь. Павел Мигунов домка психолог. Тренировкатненень вишкинетне сакшныть аволь ськамост: тетяст-аваст эли малавиксэст марто. Истямо тевесь оймавты эйкакшонть, ды сон снартни топавтомс тренерэнть весе мерематнень. Тренерэсь пек снартни сенень, эрьва эйкакшось вечкевлизе спортонть. Бути жо эштё карми содамо сонзэ национальной ёнкстнэнь, эйкакшонть потмоёжозо, седеяк сюпалгады. Эсь роботасо Павел Мигунов покш мель яви патриотической воспитаниянтень. Минек эрямосо сеедьстэ эрси, патриотизмадонть пижнить сетне, кить тень коряс тунь мезеяк а теить, снартнить ансяк пештямс эсест зептнень. А вана истяттнэ, кодамо Павел Мигунов, чатьмонезь топавтыть эсест тевест ды, бути онкстамс вестнэнь лангсо, сынст таликаст патриотической воспитаниясо васенцетнеде ламоксть седе покш. Мигуновонь воспитанниктнестэ ламотне сюлмизь эсь эрямост военной службанть марто. Егор Кулыгин ней тонавтни Санкт-Петербургонь Нахимов лемсэ училищасо. Павел Очков бажи тонавтнемс военной училищасо. Вишкинетнень ютксо улить истят воспитанникть, конат уш ней невтнить паро результатт ды топавтыть весе нормативтнень. Неть: Артём Морозов, Самир Богданов, Артём Корякин, Костя Кондратьев ды лият.

Зярдо кевкстия Мигуновонь икелепелень аравтлувдонзо, сон апак кавтолдо ёвтызе мелензэ. Те мелесь аволь уш истямо а топавтовиця. Смустесь истямо, штобу эрзянь национальной бороцямотне теевельть спортонь башка видэкс ды улевельть эрьва покш труниртнэсэ. Тень туртов ламо а эряви, ансяк эсенек ды башка прявттнэнь мелесь.

Н.Евдокимов

 

Новости

«Единая Россия» добилась принятия закона о защите животных

Закон о защите животных был принят Государственной Думой 19 декабря через 8 лет с момента внесения. В марте 2011 года он прошел первое чтение. Осенью 2016 года на важность его принятия обратил внимание Президент России и дал соответствующее поручение Правительству РФ.

Подробнее ...
 
Более 1500 заявок подано на участие в учебном модуле Высшей партийной школы «Политический лидер»

За 10 дней с момента старта Высшей партийной школы и первого учебного модуля «Политический лидер» из регионов подано более 1500 заявок на участие. Всего в этом году будет отобрано 150 участников, для которых в Москве пройдет недельное обучение. Об этом заявила первый заместитель секретаря Генерального совета «Единой России» Ольга Баталина.

Подробнее ...
 
Од иень ярмунка

Од иень кенярксчитнеде икеле, ацамковонь 22-це чистэ, Саранскойсэ ютавтови ярмунка, косо кармить микшневеме эрьва кодат товарт ды велень хозяйствань продукция.
Ярмункасонть кармить Мордовиянь микшнемань сферань, общественной питаниянь, перерабатывающей промышленностень ды велень хозяйствань предприятиятне.

Подробнее ...
 
Турчак: Власти компенсируют гражданам затраты на покупку приставок для цифрового ТВ

Правительство РФ и региональные власти предусмотрели исчерпывающий набор компенсирующих мероприятий при переходе с аналогового на цифровое телевещание для малозащищенных слоев населения. Также в региональных бюджетах предусмотрены денежные компенсации или закупка необходимого оборудования. Совет по развитию цифровой экономики при Совете Федерации представит на ПМЭФ-2019 свой рейтинг цифровизации регионов и предложит механизм поддержки лучших региональных практик. Об этом заявил вице-спикер Совета Федерации, секретарь Генерального совета «Единой России» Андрей Турчак по итогам второго заседания Совета по развитию цифровой экономики в Новосибирске.

Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.