Рубрикатор

Культура «Россиясь – те мастор, ков бажат самс одов»
«Россиясь – те мастор, ков бажат самс одов»

Футболонь коряс модамасторонь чемпионатонть шкасто Саранскоесь пешксе инжеде. Ошось цитни эрьва кодамо тюссо. Эрьва ёндо марявить омбо масторонь кельсэ кортамот. Колумбия-Япония матчонть ваномо сакшность малав 15 тёжат колумбиецт. Сынь пек весёлат, кие – моры, кие – кишти. Мельспаросо снимсить минек ломантнень марто. Ков а варштат – ожо футболкасо якицят. Ды кадык а содыть рузонь кель, аволь эрьвась машты кортамо англакс, сынь ялатеке муить кель-вал минек марто.


А.С.Пушкин лемсэ парксо вастовинек Колумбиясто сазь инжетнень марто. Те колмо ялакстнэ: Антонио Хоакин, Педро Эдуардо ды Джон Дарло Фонталь Апонте. Цёратне пек вечкить футбол, умок ваныть эсь масторонь командаст мельга. Модамасторонь Чемпионатов сыргасть васенцеде. Ды, нама, васенцеде понгсть Россияв. Сынь дивсить, кодамо покш минек масторось ды кодат паро ломанть тесэ эрить.
Колумбиясь – Южной Америкасо мастор, тосо кортыть испанонь кельсэ. Инжетне кувать пачкодсть тей. Васня ливтясть США-в, мейле – Амстердамов, Мюнхенэв ды Московов, тосто – поездсэ Саранскоев.
– Миненек кортасть, Саранск ошось – вишкине. Ансяк сон вишкакс тенек эзь маряво! Тесэ пек мазый! Келей ульцят, тротуарт, весемесь ванькс ды мазый, ули мель эрьва кува якамс ялго. Мелезэнек тусь паркось. Миненек бу истямо! Парконок улить, ансяк аволь истя паролгавтозь ды мазылгавтозь. Дивавтымизь Ф.Ушаков лемсэ соборось. Россиясь пек васоло минденек. Тесэ эрить паро, чевте седей ломанть, конат лембестэ вастымизь, свал мизолдыть. Тынк ломантне пек мазыйть. Россиясь – те мастор, ков бажат самс одов, – кортась Педро Эдуардо.
Инжетне ниле чить эрясть Московсо, ванызь Саранскойсэ Колумбия-Япония матчонть, мейле тусть Казанев ды Самарав, ваномо, кода карми налксеме командаст. Кода карминек содамо, сынст семиясо 10 эйкакшт. Вете цёрат ды вете тейтерть. Цёратне ветенест састь Россияв футболонь ваномо! Пейдить, куш тесэ вастовить вейкест-вейкест марто. Эсь масторсо эрить кие косо, кие – Богота Колумбиянь прявт ошсо, кие – Карибской иневеденть чиресэ. Нама, эзинь кирдеве, кевкстинь, косо сынь важодить. Мерсть, явить мель инженерэнь тевтненень. Вейкесь – промышленностень коряс, омбоцесь – тонавты университетсэ, важоди образованиянь кемекстамонь коряс проекттнэнь марто, колмоцесь – автомобилень нолдамонь коряс инженер.
Колумбиянь командась эзь изня. Изнясь Япониясь – 2:1. Ансяк болельщиктне пек кемить, лия матчтнесэ футболисттнэ невтьсызь пряст.
Т.Маторкина

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...