Рубрикатор

Культура Лямбирьсэ – «Сабантуй»
Лямбирьсэ – «Сабантуй»

Июнень 24-це чистэ Лямбирень куншкакуронь площадесь мольсь мекшень кудо ёнов. Тесэ ютась «Сабантуй» национально-фольклорной кенярксчись, конась пурнакшнынзе вейс аволь ансяк райононь эрицятнень, истя жо 2018 иень Футболонь коряс масторлангонь чемпионатонь инжетненьгак, конатне эзть нузялдо самс Лямбирев ды эсь сельмсэ неемс «Сабантуенть».Ёвтазь покшчись свал ютавтневи тундонь роботатнеде мейле. Те иень «Сабантуесь» географиянь коряс лиятнеде ульнесь седе келей. Делегацият сакшность республикань весе районтнэстэ. Теде башка, ульнесть представительть Дагестансто ды Татарстансто.

Кенярксчинь программась келеель. Сон ушодовсь валскень 9 чассто. Площадьсэнть гайгсь музыка. Республикань районтнэнь делегациятне ушодсть микшнеме эсь теевкстнэнь. Мезть тесэ ансяк арасельть: матрёшкат, эрьва кодат керсевкст ды артовкст, лият-мезть. Пель часонь ютазь площадень сценанть лангсо ушодовсть художественной самодеятельностень артисттнэнь выступленияст. Эрьва районось невтнинзе эсь артисттнэнь сехте паро морамост, киштемаст.

10 чассто панжовсь декоративно-прикладной искусствань выставкась. Мастертнэ сынсь невтнесть эсь теевкстнэнь. Сынь теске жо микшневсть, бути кинь ульнесь мелезэ рамамс.
Теке жо шкастонть ушодовсь роботась спортонь ошкесэнть. Од ломантнестэ ламотне чарасть тия. Кенярксчинь теицятне ладясть тезэнь регистрировамонь столь, косо эрьвась, кинь ульнесь мелезэ, сёрмадстсь прянзо участникекс. Сехте ламо пелькстыцят пурнакшнось «Коряш» национальной бороцямось. Ваныцятнеде тесэ ульнесть сатышка. Сехте виевентень максозь казне ды «Батырь-2018» почётонь лемесь.
Апак стувто кадовсть вишкинетнеяк. «Наш весёлый «Сабантуй» налксемань площадкась пек тусь эйкакштнень мельс. Сынст туртов тесэ ульнесь весемесь: налксемат, нурсемкат, кирнявтнемат.
Валскень 11 чассто ушодовсь «Сабантуень» торжественной пельксэсь. Районтнэнь участниктне-делегациятне парадонь лувсо ютасть площадень сехте покш сценанть малас. Флагонь кепедемань правась максозель содавикс бороцицянтень Евгений Строгановнень. Приветственной вал участниктненень ды инжетненень ёвтась Мордовиянь Госсобраниянь Председателесь В.В.Чибиркин. Сон ёвтась поздоровт кенярксчинь участниктненень ды инжетненень Республикань Прявтонть В.Д.Волковонь пельде ды тешкстызе, те иень «Сабантуесь» юты Футболонь коряс масторлангонь чемпионатонь шкасто. Се, кода минь васттано ды приматано инжетнень, кармасть содамо масторлангонь келес. Сынь весе дивсить тенень. Лямбирень районсо эрить ды важодить ламо раськень ломанть. Весе теить вейке покш тев: виевгавтыть минек масторонть. Мордовиянь агропромышленной комплексэсь Россиясо сехте вадрятнень ютксо. Республикав опыт мельга сакшныть представительть лия регионтнэстэ. Ютазь кизэстэ Мордовиянь паксятнестэ пурназь сюпав урожай. Зерновойтнень покшолмаст гектарсто 34,6 центнерт. Равчирень федеральной округсо те омбоце невтевкс. Лямбирень сюронь кастыцятне жо сайсть гектарсто 50 центнерт. Течинь «Сабантуесь» алтазь самай сыненст.
Седе тов В.В.Чибиркин казинзе сехте парсте роботыцятнень. Истя, республикань Прявтонть пельде паро роботань кис шнамонь конёвт максозь Лямбирьстэ – Рустам Маратович Айкуловнень, Покш Березникень районсто – Виктор Иванович Анашкиннэнь, Ромодановань районсто – Раис Ашкевич Иткининнэнь, Кочкуровасто – Рушания Ахматовна Манюрованень ды эштё ламо лиянень.
В.В.Чибиркин Мордовиянь Государственной Собраниянь почётонь грамотасо казинзе «Александровский» племенной заводонь роботыцянть Сергей Иванович Марасевень, «Атемарская» птицефабрикасо важодицянть Анатолий Константинович Селякинэнь ды Лямбирень районсто – Наиль Гаянович Чураковонь.
Республикань Госсобраниянть пельде В.В.Чибиркин Лямбирень райононтень казсь покш картина. Лемезэ – «Наша Родина». Эйсэнзэ артозь минек ёнксонь пертьпельксэсь.
Седе тов кенярксчинь участниктнень учось каванявкс марто столесь, конанть лангсо ульнесть эрьва кодамо раськень ярсамопельть. Сынст пансть-пидесть теске.
Прядовсь «Сабантуесь» дискотекасо ды кенярксчинь фейерверксэ.
Н.Евдокимов

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...