Рубрикатор

Культура ДАНИЯНЬ ЖУРНАЛИСТКАНТЕНЬ ВЕЧКЕВСЬ САРАНСКОЕСЬ
ДАНИЯНЬ ЖУРНАЛИСТКАНТЕНЬ ВЕЧКЕВСЬ САРАНСКОЕСЬ

Брита Крист Хансен, Даниянь «Р1» радиокомпаниянь журналисткась, Россиясо эрси сеедьстэ, эдь сон содасы рузонь келенть ды, бути эряви киньгак кучомс минек масторов командировкав, Брита васенце рядтнэсэ. Сон а сепи, вечксы Россиянть, сонзэ культуранзо ды ломантнень. Тейтересь эри Копенгагенсэ, радиосо сон важоди уш ламо иеть. Те радиокомпаниясь сови «Danish Broadcasting Corporation» покш вейсэндявксонтень, сонзэ передачатнесэ ламо кортави политикадонть, Пазнэнь кемемадонть, раськень культурадонть. Неть тематнень коряс Брита ветияк репортажт Даниясо ды масторлангонть келес. Спортось ды футболось – аволь сонзэ тематне, ялатеке Футболонь коряс масторлангонь чемпионатонть сынст радиось эзизе менстя, эдь Россияв налксеме сась Даниянь сборноеськак. Ды, кода содатадо, васенце налксеманть Саранскойсэ панжизьгак Даниянь ды Перунь футболисттнэ июнень 16-це чистэ. Брита те налксемантень эзь кадово, сонзэ задачазо ульнесь ванномс ды содамс, кода эри Саранскоесь ды целанек Россиясь Чемпионаттонть икеле. 


Брита, васняяк, Копенгагенстэ валгсь Московов, тосо тейсь зярыя интервьют, сермадсь репортажт. Сонзэ важодемань ялганзо, кода весе журналисттнэнь, специальной диктофонось ды блокнот марто ручкась. Брита сеске муи кель-вал весень марто, эдь сон рузонь кельденть башка соды англань ды немецень кельть. Нама, кудосо корты датской кельсэ. 

Брита чачсь-кассь Даниянь велесэ, секскак сонзэ ульнесь мелезэ ванномс ды кевкстнемс Мордовиянь велень эрицятненьгак, мезе сынь арсить футболдонть, кармить-арась «сэредеме» ды кинь кисэ. Аволь умок сон эште ульнесь Дагестансо, тосояк сонзэ мелезэ топавтовкшнось, ды тейтересь ардтнесь пандо ало аштиця велетнес. Мордовияв сазь, дивсесь, кодамо Россиясь ве енов а молиця, кодамо сон покш ды зяро тесэ эрить раськеть. Московсто ливтясь самолетсо, мартонзо шабрацек озадоль Отяжелень райононь Сабанцеле велень тейтерь, конась ливтиль Германиянь Дюссельдорф ошсто тетянзо-аванзо содавтомо тиринь велев. Сынь кортазевсть ды шабрась тердизе Британь инжекс. Журналистканть покш мелезэль самс, ансяк Саранскойсэ командировкась ульнесь 3 чить ды муемс шка ардомс районов пек стакаль. Лездась тензэ кураторозо Екатерина, конась мусь инжентень машина ды зярыя часос ускизе Сабанцелев. Тесэ Брита сайсь зярыя интервьют эрицятнень пельде, каванязель тосонь койтнень коряс велень сехте содавикс ярсамопельсэ – каймаксо, чапамо ловсосо ды каштомсо пидезь ашо кшисэ, конанть Надя патясь панизе инжетненень ды мартосткак макссь килангов пси кочомнеть.

Мейле Брита сыргась мекев. Сонензэ те чистэнть эрявсь лисемс «виде эфирс» ды журналисткантень эрявсь пурнамс вейс весе сермадовкстнэнь ды анокстамс покш репортаж Мордовиядонть ды тесэ Чемпионатонтень анокстамодонть. Брита эрясь «Меркурий» од отельсэнть ды ардомсто мон кевкстия, вечкевсь-арась тензэ минек ошонь од, ламо теште марто инжень кудось. Тейтересь ульнесь мельспаросо эйстэдензэ, эрясь ськамонзо. Ансяк вана питнетне тосонь ресторансонть, келя, марявсть пек покшокс, секскак тов яксесь ансяк завторкамо. Вечкевсь тензэ «Отменная пельменная» кафесь, косо тензэ пек мельс тусь интерьерэсь ды менюсь. Сехте пек борщесь сюкоро ды велькс марто. 

Брита дивсесь Саранскойсэ стадиононть покшолманзо ды мазычинзэ кувалма, тейсь вакссонзо ламо фотографият, ансяк вана тов совамс тензэ эзь саво. Теке марто сон якась музейга, гидэзэ Катя невтнинзе мокшэрзянь подворьянть, Саранск ошонь куншкакуротнень, якасть FAN FEST болельщикень фестивалень панжомантень, дивсесь мазыйдеяк мазый салютонть коряс. Тейтересь тешкстызе, ошось пек ванькс, мазый, весе эрявикс зданиятне аштить вейке-вейкеде аволь васоло ды ялго якамс тей-тов овсе а стака. Чокшне, зярдо Брита лиссь эфирс, Даниянь пертьпельксэнть келес гайнезевсь васняяк эрзянь «Кавто церат тикше ледить» содавикс морось, конань тензэ морызь Сабанцелесэ. Брита ульнесь мельспаросо, кода сонзэ вастызь минек республикасо ды миньгак каштанчисэ мокшотнень-эрзятнень коряс, конатне уш мезе-мезе, а инжень вастомо ды каванямо пек маштыть! 

Марина ДЕВЯТОВА

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...