Рубрикатор

Культура Людмила Лёвинань кенярксчитне
Людмила Лёвинань кенярксчитне

Неть читнестэ ушодовсть футболонь коряс покштояк покш пелькстамотне, ды тенень минек Саранскоесь анокстась эрьва ёндо. Монь койсэ, пек кенярксов ды паро культурной программась. Савсь тень улемс Эрзя-мокшонь культурань музейсэ, косо кармасть невтнеме Мордовиянь неень шкань народной творчестванть. Содавикс лемть (монень савсь сёрмалемс-ёвтнемс ламо мастертнэде) ды од мастерэнь лемть. Ансяк вана теевкстнэ весень одт, алкукс меельце шкань. Ды сынь пек мазыйть, кандыть валдо ёжомарямот, кеняркст. Ули тосо батик – чипаенть лисемазо. Мерят, теке алкукс сонсь чипаесь совась кавто аволь покш залтнэс ды валдомтызе тосо весементь. Те батикесь Л.Д.Лёвинань. Людмила Демьяновна – выставканть анокстыцязо, ды весемесь, мезе эйсэнзэ невтневи, весе ломантне, кить тейсть-анокстасть те мазычинть – сонзэ ялганзо ды тонавтницянзо. Секс весе те сехте пек эжди васняяк сонзэ седеенть. 


Выставкасонть пурназь 120 ламо произведеният: сюпав викшневкст, эрзянь неень шкань оршамопельть, кумбо ладсо кодазь паннот, ревень понасто кевердезь паннот, батик, чувто ланга керсевкст, сёвоньстэ эрьва кодат теевкст… А сеске муят тенст тарка эсеть кудочисэть, бути, невтемга, мезентькак снартат саемс эстеть кудов. Тень лангс апак вано, выставкасонть невтневиця эрьва теевксэсь мазылгавтсы кудопотмонть. 

– Минь ошонь инжетненень бажатано невтемс минек раськенек сюпавчинзэ, эсенек ёрокчинек, – ёвтнесь выставканть панжомсто Людмила Демьяновна. 
«Тиринь ёнксонь тешкстнэ» пек вечкевсть весенень, кить неть читнестэ сакшность выставканть ваномо. Те мелесь-арсемась – совавтомс эсеть произведениянтень неть тешкстнэнь, пешти Людмила Демьяновнань весе эрямокинзэ. Сонзэ кедьтеевкстнэ эсь артовкстнэсэ ды смустьсэст невтить тейтерь-аванть бажамонзо – панжомс тиринь ёнксонть мазычинзэ. Ды весе сонзэ теевкстнэ пештязь валдо ды кемевтиця ёжовчисэнть, тиринь ёнксонтень вечкемасонть, покштятнестэ-бабатнестэ нуцькатнес ютыця ёрокчисэнть. Кода корты мастерицась, эсь раськеденть мельтне-арсематне пек пештить сонзэ эрьва теевксэнть арсевтемстэ ды топавтомсто. Пертьпельксэнть марто аявовиксчись, малавикстнэнь марто кеме сюлмавомась, раськенть кезэрень китнень-янтнэнь содамось прок буто апак тонавто невтить кинть, конаванть сонензэ молемс творчествасонть. 

…Вете иесэ Людмила васенцеде вешсь сыре патянзо кедьстэ суреть ды, покштнень мельга ванозь, ушодсь викшнеме. Сыре патязо важодсь стамонь ательесэ, эзь кекше вишкине тейтерькадонть салавачитнень. Тонавтсь эйсэнзэ кода теемс ставксонть. Колмоце классо тонавтнемстэ Людмила уш стась аванстэнь ды бабанстэнь Авань чинтень икельпацят, нилеце классо тонавтнемстэ – кодась, ветеце классо сочинениясо сёрмадсь: «Бажан улемс художникекс, кона арты-мазылгавты кедьгеть…» 
Зярдо Людмиланень топодсть 18 иеть, ялганзо тензэ казсть коцтонь кодамонь аволь покш стан. Истя седеяк топавтызь тейтерьканть бажамонзо. Сон сисем иеть тонавтнесь эйкакшонь художественной школасо, вейксэце классонть прядомадо мейле мольсь тонавтнеме Саранскоень художественной училищав. 

Аволь весемесь сеске топавтови минек эрямосонть. Людмила бажась улемс прикладникекс, ансяк се шкане истямо отделения училищасонть арасель. Секс савсь молемс живописень отделенияв. Ды мезеськак эзь юта стяко. Училищанть прядомадо мейле сон арсесь туемс Ленинградов, ансяк… лиссь мирденень. 

Училищанть прядомадо мейле зярыя иеть важодсь самодеятельной творчествань межсоюзной кудосонть, Елена Сергеевна Грачевань прявтсо. Те шкастонть сон педе-пев ардтнизе весе минек республиканть, вастневсь кедьчелькев ломантнень марто, лездась тенст, пурнакшнось теевксэст эрьва кодат невтематнес, усксесь сынст Московонь выставкатнева, тейнесь мастер-класст, пурнакшнось эйсэст содавикс художниктнень марто вастовоматнес. Ды сонськак ламонень тонавтнесь пельдест. Седе тов мольсь эйкакшонь тонавтомо омбоце художественной школав, конань эсь шкасто сонсь прядызе. Тосо Людмила Демьяновна важодсь 27 иеть! Вана уш кеветее иеть ней важоди Национальной культурань институтсо, тонавты од ломантнень батикень, гобеленэнь тееме ды коцтонь кодамо. Сон вешкасто тонавтсь художественной школасояк, институтсояк. Истямо ладсо, школасо тонавтницятне састь мельганзо институтов. Ламо од ломанть ёвтыть сюкпря Людмила Демьяновнанень, кода сонськак течинь чис а лоткси сюкпрянь ёвтамо тонавтыцянстэнь Ася Моисеевна Маслованень ды Людмила Михайловна Острась-Демяшкинанень, омбоце художественной школань директоронтень Ольга Евгеньевна Колмогорцеванень. Истя, Ольга Евгеньевна тердизе сонзэ гобелен лангсо важодеме, эдь Л.Д.Лёвинадо икеле кияк Мордовиясо те тевентень эзь кундсе. 
Людмила Демьяновна а лоткси топавтозенть лангс, свал мезескак бажи, секе тев теи кодаткак од кедьтеевкст – алкуксонь произведеният. Сон сови Россиянь Художникень вейсэндявксонтень, секе тев эрси эрьва кодат выставкатнесэ эсензэ произведениятнень марто, покш мельсэ тонавты ды ёвтни весенень Мордовиянь профессиональной ды народной искусствадонть. Вети радиосо ды телевидениясо передачат, ютавтни мастер-класст. Людмила Демьяновна Лёвина – Мордовия Республикань культурань заслуженной роботник (2009). 

Тамара Баргова, журналист

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...