Рубрикатор

Культура Тиринь ёнксось сехте питней ды малавикс
Тиринь ёнксось сехте питней ды малавикс

 Эрьва ломанентень сехте питнейть ды малавикст тиринь таркатне, чачома модась. Ледстневицякс кадови эйкакшпингесь, ды седеесь свал терди тов, косо минь ульнинек вишкинестэ уцяскавокс малавиксэнек марто.

Аволь умок, покштятнень-бабатнень лемень ледстямонь чистэнть, Покш Березник ёнксонь Вейсэ посёлкань неень шкань ды икелень эрицятне васенцеде ламо кементь иень ютазь пурнавкшность вейс покштятнень-бабатнень лемест, те посёлканть историянзо ледстямо.

 

Экше пертьпельксэнть лангс апак вано, ломантне эзть капша туемс калмолангсто. Шкань ютазь, обед малав, тей сась те ёнксонь священнослужителесь о.Александр. Сон ютавтсь панихида ды пшкадсь те велень эрицятненень пастырень вал марто.

Седе тов Вейсэ посёлкань эрицятне ды сыненст сыця инжетне пурнавсть велекуншкас, а васоло се таркадонть, косо икеле ульнесь лавкась. Ризксэнтень, ней сон тосо арась, кода арасть клубось, школась, кадовсь ансяк медпунктось.

Вастовоманть арсинек ютавтомс панжадо менель ало. Тень лангс апак вано, ломантне пек кенярдсть вейкест-вейкест туртов. Ламот эзть нее кементь иеть. Виде, Троицясто ды лемень ледстямонь чистэ эрьвась юткстонок сыль эсь раськензэ марто калмолангов ды лиясто ламонь апак нее туиль одов. А вана ней минь весе вейсэ чатьмонемань минутасо ледстинек лемест сетнень, кить ушодызь те мазый, паро таркасонть од эрямонть.

Сестэ, вейксэньгемень иеде икеле, минек покштянок-бабанок эсь олясо састь эрямо чаво таркас, арасельть ули-парост… Минек покштятнень ледстнемаст коряс, эрясть модас чувозь землянкасо, эсест кедьсэ куроксто теезь кардосо. Невтемакс, монь тетям, Кечайкин Владимир Михайлович, чачсь 1928 иень сентябрянь 15-це чистэ, бабам, Екатерина Яковлевна, ёвтнесь, сонзэ Вейсэв кандызь лавсьсэ. Лисни, састь теле лангс.

Ризксэнтень, тиринь посёлкадонть аламо мезе сёрмадозь, Госархивсэ ванстовсть ансяк Вейсэ посёлкань партийной организациянть протоколтнэ, конат саить ушодкс 1934 иестэ ды прядовить 1954 иестэ, ды библиотекасо улить зярыя публикацият, конат печатазельть «Эрзянь правда», «Присурские вести» газетатнесэ.

Те чистэнть Вейсэ посёлкань эрицятнень икеле кортась Шугур велень поселениянь прявтось А.В.Николаева. Анна Владимировна ёвтась поздоровт покшчитнень кувалма ды тердсь весе тевтнень топавтомс вейсэ, кода лемдезьгак те эрямо таркась.

Ламо соды тиринь посёлкадонть ды эсензэ раськедензэ Вейсэнь икелень эрицясь, историкесь, тонавтыцясь В.Т.Панькин. Василий Тимофеевич те чистэнть весе тевензэ кадынзе, куш ламо таркас тердезель, сась тиринь посёлкав.

Вейсэнть историядонзо вастовомасонть ёвтнесь те ёнксонь эрицясь, отставкасо полковникесь В.П.Аношкин.

Ледстясынек, Владимир Петрович косо ансяк эзь эря, тиринь Вейсэ посёлкадонть  седе паро тарка эзь муе. Те семиянть ули квартиразо Саранскойсэ, ялатеке эрьва кизна позда сёксес нинзэ Анна Афанасьевна марто эрить тиринь посёлкасонть. Ды ней истят семиятнеде кармасть седеяк ламо, кить пенсияв лисемадо мейле кизэст ютавтыть Вейсэсэ, ошсо важодицятне жо тей капшить оймсема чистэст эмеж пирезэст.

Троицянь кенярксчинтень тей бажить самс аволь ансяк Мордовиясо эриця те велесэнть чачозтне, истя жо масторонь лия регионтнэстэяк. Невтемакс, Кечайкинтнэ састь Самара ёндо, Лияскинтнэ – Удмуртиясто ды истя седе тов.

Вейсэнь эрицятненень ули кинь кисэ аштемс покш каштанчисэ. Те васенце прявттнэнь ютксто вейкесь П.М.Яськин, кона важодсь кудосо-лабораториясо, конась сехте пароль республикасонок. Павел Михайлович селекциянь роботанть ветямсто тейсь сюронь од сорт, мезенть кисэ Московсо казезь сырнень медальсэ. 1936 иестэ СССР-нь Верховной Советэнь васенце кочкамотнесэ Покш Березникень кочкамонь округонть пельде кочказель депутатокс.

Ине Отечественной войнанть шкасто ведьгеменде ламо ломанть Вейсэ посёлкасто тусть ятонть каршо тюреме, ламот юткстост эзть велявто тиринь Мордовияв. Те вастовомасонть Вейсэнь икелень эрицясь М.В.Кечайкин ёвтась арсема теемс обелиск войнасо маштовозтнень ине лемест а стувтомга.

Кодамо стакачи цидярдсть минек тейтерь-аватне, кить аволь ансяк войнань иетнестэ пек майсесть, сонзэ прядовомадо мейлеяк ськамост покш семият трясть-кастсть. Мезе лангскак апак вано, войнадо мейлеяк те хозяйствась ульнесь виевтнень ютксо. Нать, а стяко А.И.Кечайкинань, В.В.Наземкинань, М.Ф.Аношкинань казизь Трудовой Якстере Знамянь орденсэ. Видестэ меремс, сеть иетнестэ весе парсте роботасть, ялгатнень лавтов удало эзть кекшне.

1995 иестэ Вейсэ посёлкань эрицясь Р.А. Пивкина тейсь идицянь ине тев. Кизэнь пси чистэ обед малав сась сон Дожга лангов (истя тосо мерить Дошага леентень) ведь мельга. Сонзэ чирентень пачкодезь, редясь эйкакш, кие эль ваиль. Оршамопельсэ кирнявтсь ведентень ды таргизе вишка тейтерьканть. Те ли аволь ине тев?!

Те промксонтень пурнавозтненень эсь важодемань кидензэ ёвтнесь И.Ф.Смиркин. Тедеде Вейсэ посёлкантень топодить 90 иеть, Иван Фёдорович жо тешксты 85 иень юбилеензэ.

Минь, Вейсэ посёлкань эрицятне, аштетяно покш каштанчисэ Михаил Андреевич Аношкинэнь коряс, кие эсензэ виенть вельде теевсь масторонь келес содавикс спортсменэкс, улить покш изнявксонзо профессиональной вольной бороцямонь коряс.

М.А.Аношкин эсь шкастонзо тусь эрямо Самара ошов, ансяк Вейсэ посёлканть, малавиксэнзэ сон зярдояк эзь стувтне, свал сакшнось тиринь ёнксов. Тешкстасынек, спортсо покш изнявкстнэнь кисэ Самарасо теезь тензэ бюст, сонзэ честьс эрьва иестэ ютавтовить пелькстамот.

Тиринь посёлкасо чачозь содавикс ломанть масторонь келес улить ламо, минек васень тевенек – муемс раськест, пурнамс лангаст кулятнень ды сёрмадомс сынст ине тевдест.

Койсэнек, те вастовомась ульнесь пек лезэв. Сонзэ эйсэ кепедевсть ламо кевкстемат, конат течи талновтыть аволь ансяк Вейсэсэ эрицятнень, истя жо веёнов тестэ туицятненьгак. Те – Вейсэ посёлкаванть кинть теемась, кона тевентень тосонь эрицятне пурнасть ярмакт. Калмазыренть пирямось ды Ине Отечественной войнасо маштовозтненень памятникень теемась. Эдь ансяк истя минь ванстсынек ундоксонок ды тиринь посёлкань историянок.

 

Валентина  Юдина

 

Новости

В общественных приемных «Единой России» стартовала акция «Собери ребенка в школу»
Традиционная августовская акция «Собери ребенка в школу» стартовала в общественных
приемных Председателя «Единой России» Дмитрия Медведева. Цель акции – не только
помочь малообеспеченным и многодетным семьям обеспечить детей необходимыми
учебниками и вещами, которые могут пригодиться детям в школе, но и предупредить
проблемы, возникающие при подготовке к новому учебному году.
Подробнее ...
 
«Единая Россия» запускает новый проект по поддержке региональных НКО

 Совет Сторонников «Единой России» запускает новый проект по поддержке региональных НКО – Центр поддержки гражданских инициатив (ЦПГИ). Центр займется поддержкой гражданских инициатив и проектов НКО, региональных лидеров общественного мнения и активных граждан. Каждый проект должен быть направлен на развитие территорий и иметь социальную направленность. Центр позволит обеспечить более четкое взаимодействие между волонтерами, организаторами волонтерской деятельности, благополучателями, органами государственной власти и органами местного самоуправления. Об этом заявил секретарь Генсовета «Единой России» Андрей Турчак, выступая на молодежном форуме «Машук-2018», который проходит в эти дни в Пятигорске.  

Подробнее ...
 
Уведомление

 Государственное бюджетное учреждение Республики Мордовия «Редакция газеты «Эрзянь правда» информирует регистрированных кандидатов в депутаты Госсобрания РМ о проведении 9 августа 10.00 часов жеребьевки по предоставлении печатной площади  на дополнительные выборы в Госсобрание Республики Мордовия  9 сентября 2018 года.

 
Единый «налоговый патент» для ЛПХ поможет фермерам развивать хозяйства
Патентная система станет оптимальным решением для тех фермеров, которые сегодня боятся
регистрировать ИП из-за бюрократических препон, но задумываются о развитии своего
хозяйства или пытаются найти решение вопроса сбыта продукции. Об этом заявила член
комитета нижней палаты парламента по аграрной политике Светлана Максимова,
комментируя находящийся на рассмотрении в Госдуме законопроект, который предоставит
владельцам личных подсобных хозяйств право в случае необходимости купить «налоговый
патент» на срок от месяца до года.
Подробнее ...
 
Андрей Турчак: Совет по развитию цифровой экономики поможет регионам разработать соответствующие программы

Основными функциями Совета по развитию цифровой экономики при Совете Федерации станут экспертная поддержка законотворческой деятельности Совфеда в сфере цифровой экономики, а также помощь верхней палате в разработке соответствующих программ на региональном уровне. Также Совет будет помогать регионам разрабатывать свои местные программы по развитию цифровой экономики. Об этом заявил вице-спикер верхней палаты парламента, председатель Совета, секретарь Генерального совета «Единой России» Андрей Турчак, выступая в городе Гусеве Калининградской области на первом заседании Совета.

Подробнее ...