Рубрикатор

Культура Игриштясь киштсь ды морась
Игриштясь киштсь ды морась

Шугурова, тиринь велем,

Кенярдан тонь кисэ мон.

Свал тон аштят монь икеле.

Ков а молян, тон мартон…

Неть строчкатнень сёрмадынзе учёноесь, писателесь Николай Васильевич Зиновьев. Сынь свал леднить мелезэнь, зярдо сакшнан тиринь Шугурова велев. Нейгак ардтнинек тосо ютавтовиця кенярксчинтень – Игриштянть тешкстамо.

 

… Шкась 10 част. Культурань кудов семиянек, ялганек сыть ломантне. Тесэ анокстазь декоративно-прикладной искусствань выставка. Арасель истямо ломань, кие бу аволь лотка налкшкетнень-мезтнень ваномо. Выставканть вакссо – покш стенд. Сон ёвтни Шугурова веленть течинь эрямодонзо, седе, кодат кудот строязь аволь умок, кить мазылгавтыть-сюпалгавтыть веленть ды истя седе тов.

– Течинь покшчись савсь истямо чистэ, зярдо минек велень эрицятне покш кеняркс марто ютавтыть сехте неявикс ды вечкевикс тундонь ине чинть – Игриштянть, – корты кенярксчинь ветицясь. – Вечкевикс оят! Коень коряс течи минь тынк марто мельс ледстясынек парсеень сюлмамонть, конась невти тундонть мазычинзэ, наряжазь килеенть розь паксяв кандомась – сюпав урожаень улемга.

Кенярксчинь ветицясь ёвтынзе инжетнень, кить састь Шугурова велев Игриштянть тешкстамо. Неть – Покш Березникень райононь администрациянь прявтось И.И.Игонов, сонзэ полавтыцязо, Шугурова велень средней школань прядыцясь М.В.Чалдушкина, Покш Березникень райононь Культурань кудонь художественной самодеятельностень артисттнэ. Ды, нама, Саранскойсэ-косо важодицятне-эрицятне, кинь чачома велест Шугуровась.

 – Шугурова велесь районсонть, паряк, сехте кезэренсетнестэ. Тесэ эрясть ды эрить пек вадря ломанть. Веленть мельспаронзо – масторлангонь келес содавикс юристэсь П.С.Ромашкин, Социалистической Трудонь Героесь Н.В.Камаев, учёнойтне В.И.Демин, П.Ф.Чалдушкин, В.И.Бояркин, Н.В.Зиновьев, партийной роботникесь И.В.Осипов, техникесь-строителесь Г.Г.Поляков, врачось-гинекологось В.А.Кулавский, РФ-нь ФСБ-нь сотрудникесь В.А.Назаров, конатне казезь государственной казнесэ, – ёвтнесь Покш Березникень райононь  администрациянь прявтось И.И.Игонов. – Велентень топодсть 405 иеть. Те шканть перть сон эрясь ды кемекстась. Течи Шугуровасонть ули весемесь виевгадоманть туртов. Кадык те кенярксчись карми валдокс вандынь чинтень.

Иван Иванович велень эрицятненень арсесь кеме шумбрачи, уцяска, зярдояк а стувтнемс тиринь веленть  – Шугурованть.

Мейле И.И.Игонов велень хозяйствасо кувать ды парсте важодеманть кисэ Калинин лемсэ колхозонь икелень скалонь потявтыцянть А.И.Амелькинань казизе Почетонь грамотасо.

Алкукскак, Анастасия Ивановнань ули мезень кисэ каземс. Сон пингензэ перть, пенсиядо мейлеяк, важодсь тиринь велень колхозсо скалонь потявтыцякс. Тевензэ топавтсь пек парсте. Эрьва скалсто потявтыль весемеде ламо ловсо. Маринь, А.И.Амелькина течияк тевсэ. Потявты крестьянонь-фермерэнь хозяйствань азоронть Юрий Семеновонь скалтнэнь. Анастасия Ивановнань обуцязо уш истямо – а аштемс тевтеме.

Покш Березникень райононь администрациянь Почетонь грамотасо казезь Раиса ды Николай Аношкинтнэ – семиянь койтнень кемекстамонть кисэ. Сынь вейсэ эрить уш 55 иеть.

Шугурова велень эрицятненень ды инжетненень Игриштянть кувалма поздоровт ёвтась велень батюшкась. Сон эрицятнень тердсь вейке-омбоценень лездамо, а стувтнемс тиринь ёнксонть, покштятнень-бабатнень, сетнень, кить тенек максызь валдо эрямонть.

Кенярксчинь ветицясь корты: «Минь течи велень чинть тешкстатано ды весенень, кить тесэ эрить – поздоровт ёвтатано. Кадык тесэ гайгить моротне ды пеедькшнематне, шумбрачисэ эряст велень ломантне, ламолгадост эйкакштне! Кода эрьва ломаненть, истя  минек велентькак ули эсензэ биографиязо».

Шугурова веленть историянзо ёвтнизе велень средней школань краеведениянь музеень прявтось, РФ-нь народной образованиянь отличникесь В.М.Арапова.

– Минек веленть лемезэ лиси Шугер мурзань лементь эйстэ. Сон – тюркской. Лия источниктнесэ кортави лиякс – васенце эрицятне састь Эрзянь Найман велестэ ды велесь лемдязель Вишка Наймонокс, – ёвтни Валентина Михайловна. – 1624 иень Алатырень мокшэрзянь переписьсэнть ледстневи кода «деревня Шугурово на речке Тошате Верхосурского стана».

1929 иестэ Шугурова веленть территориясо важодсть колмо колхозт: Калининэнь лемсэ, Блюхерэнь лемсэ, Кагановичень лемсэ. 1931 иестэ теезель Калинин лемсэ колхозось. Велесэнек эрить паро ломанть. Минь веленть а макссынек ёмамс.

Велень кенярксчинть тешкстамо сыцятненень поздоровт ёвтась Шугурова велень поселениянь прявтось А.В. Николаева.

– Мон весенень арсян эрямонь кувака пинге, кеме шумбрачи, – ёвтызе мелензэ Анна Владимировна.

Мейле А.В.Николаева кудовальмалксонь ваньксстэ кирдеманть кисэ, од семиянь ванстомань кисэ макссь Шугурова велень администрациянь дипломт.

Тешкстасынек, кенярксчинть перть пурнавозтнень кецявтсь велень «Эрзяночка» фольклорной ансамблясь. Сынь морызь «Тиринь велем», «Килейбуло», «Вирев молян», «Кода истя» ды лия моротнень.

Концертэсь прядовсь, кенярксчись – поладовсь. Весе пурнавозтне лиссть Культурань кудонь вальмалов, килеень наряжамо ды сонзэ розь паксяв кандомо, косо энялдсть Нишке Пазонтень максомс весенень шумбрачи, седе ламо сюро, ды, коень коряс, морызь Игриштянь моротнень.

– Монь мельс кенярксчись пек тусь, – паро ёжонь апак сёпо видькстась трудонь ветеранось Н.П.Дудников. – Велесэнек истямо вастовома умок арасель. Самодеятельной артисттнэ морасть, киштсть. Икелеяк Игриштянть ютавтнинек пек парсте. Пурнавкшнынек веленек. Ды наряжазь килеенть кандтнинек розь паксяв. Нейгак мельсэнь сестэ  моразь эрзянь моротне…

Истямо жо мелезэ школань тонавтыцянть В.Н.Тизяевеньгак.

… Тиринь велестэнть сыргинек мельспаросо. Тесэ эрить ломанть, кить ванстыть эрзянь койтнень-кирдатнень. Ды ули кемема – велесь а ёми…

 

Петр Зиновьев,

Покш Березникень район

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...