Рубрикатор

Культура Сабанцелентень – 400 иеть!
Сабанцелентень – 400 иеть!

Эзь арсеяк, нать, эрзянь цёрась Сабан, зярдо путызе кудонзо шольниця Чурькалеенть чирес, зярыя пингень ютазь тезэнь сти мазый, покш веле, конась ютазь недлячистэ тешкстызе Ине кенярксчинть – эсь 400 иетнень. Отяжелень райононь Сабанцелесэ весе Велень читне ютавтовить Иневанькс Троицясто, эдь те чись тесэ ловови престольной праздникекс ды тешкстави свал пек келейстэ. Тедеде жо велень Культурань кудонть икелев пурнавкшность тёжадо ламо ломанть, тиринь веленть туртов поздоровонь ёвтамо сакшность тесэнь эрицятне, лия ёндонь инжетне, сетне, кие кодаяк ды мейсэяк сюлмавозь те кезэрень эрзянь веленть марто.

… Веленть куншкакурось вастась весень гайтев моросо ды киштемасо. Клуб икельксэсь мазылгавтозель Россиянь колмо тюсонь флагтнесэ, тезэнь ютазь сёксня ладсезельть озамкат, валдомтыця фонарть, тунда озавтнезельть цецянь пандят. Пертьпельксэськак 11 частнэнень манейгадсь, теке сонсь Пазось макссь тешкс – покш чись ютазо парсте. Торжественной промксонтень сакшность ды велень эрицятненень ёвтасть ламо поздоровт Отяжелень райононь администрациянь прявтось В.Г.Прокин, МР-нь Государственной Собраниянь депутатось А.В.Щемеров, Отяжелень ды Орданьбуень епархиянь епископось Вениамин, «Восток» МАПО-нь прявтось А.Н.Чиняев, Отяжелень райононь депутатонь советэнь прявтось М.Н.Подмарев, Отяжелень райононь ветеранонь советэнь председателесь В.В.Тикшайкин ды ламот лият. Васенцекс кортась «Сабанчеевское» ООО-нь прявтось Д.Н.Игушкин, конась истя жо чачсь-кассь Сабанцеле велесэнть, сонзэ сехте покш патриотось ды весеме ендо лездыцясь. А кармаволь зярыя иеде теде икеле Дмитрий Николаевич велень хозяйстванть прявтокс, кие соды, мезе улевель тиринь веленек марто?

Дмитрий Николаевич тешкстызе, Сабанцелень 400 иетнень топодемась – те праздник васняяк сеть ломантнень туртов, кить чачсть-кассть Сабанцелесэ, Пумбрасо, Полянасо (Ульяновка ды Смирновка поселкатнесэ). Велесь ниле пингес печтясь пек ламо: зыянт, войнат, вачочи, изнявкст ды кенярксчинь шкат. Минек земляктне каштанчисэ аштить эсест велест кувалма ды бажить ванстомс кезэрень койтнень-кирдатнень, а стувтнемс покштятнень-бабатнень превспутоматнень ды эйкакштнень ойметнескак совавтомс тиринь ёнксонтень вечкемань толонть.

 Кода торжественной пельксэсь казневтеме? Те чистэнть покш казнесэ ды шнамонь конёвсо тешкстазельть «Сабанчеевское» ООО-сонть пек ламо важодицятне ды Сабанцеле велень эрицятне. Мордовиянь Прявтонть В.Д.Волковонь пельде Благодарностть Отяжелень райононь администрациянь Прявтось В.Г.Прокин макссь механизаторонтень А.М.Федоровнень, финансонь тевтнень коряс прявтонь полавтыцянтень Л.С.Елеськинанень, механикентень П.В.Суняйкиннэнь. МР-нь Правительствань Почетонь Грамотасо тешкстазельть водителесь А.Ф.Батяркин, скалонь потявтыцясь М.Д.Тикшайкина ды эште зярыя важодицят. Эсензэ пельде казнеть явшесь МР-нь Госсобраниянь депутатось А.В.Щемеровгак. «Сабанчеевское» ООО-нь  прявтось  Д.Н.

Игушкин ёвтынзе «Лучший по профессии» трудонь коряс пелькстамосонть изницятнень. Якстере парсейсэ ды ледстнемань казнесэ тешкстазельть строителесь Д.И. Учеваткин, водителесь М.М.Палькин, осеменаторось Т.Д.Бухаркина, тонавтыцясь Н.Н.Сайгушкина, физкультурникесь Е.Е.Палькин, механизаторось В.П.Федотов, Культурань кудонь прявтось О.А.Кузнецова, предпринимателесь А.Е.Палькин.

«Восток» предприятиянь прявтось А.Н.Чиняев Мордовиянь агропромышленной объединениянть пельде казсь велентень компьютер, ноутбук ды принтер. Сынь максовить школав эли эйдень кужов, ков седе эрявить. Ветеранонь советэнь прявтось В.В.Тикшайкин «Дети войны» медальть макссь сеть эрицятненень, конатне печтизь эйкакшпорасто Ине Отечественной войнань стакачитнень.

Поздоровт ды казнеть явшесь Сабанцеле велень администрациянь прявтонь тевтнень топавтыцясь Н.Н.Шиловаяк. Тедеде велесэнть чачсь од семия: Сабанцелень цёрась Денис Степушкин саизе никс Дюрькина велень тейтеренть Еленань. Сыненст казезельть цецят ды ярсамопелень анокстамонь кедьгеть – вакант. Сехте од эрицянтень, колмо ковсо Милана Палькинанень, конась лиссь аванзо, Анастасиянь, кедьсэ сценанть лангс, казезель мазый някине. Максимовтнень семиянтень, косо трявить-кастовить 5 эйкакшт, ды сон ловови сехте ламо эйдень триця семиякс велесэнть, истя жо максозельть зярыя казнеть.

Сабанцелень спортсментнэ А.Тикшайкин, Т.Сорокина, Е.Палькин, Д.Горбунов теке чистэнть ютавтсть кенярксчинь эстафета ды кепедсть велень флаг «Сабанцеле» моронть мельга, конась уш теевсь веленть аволь официальной гимнакс.

Ламо лембе валт те чистэнть Сабанцелень эрицятненень ёвтасть Отяжелень ды Орданьбуень епархиянь епископось Вениамин, конась валске марто служась Иневанькс Троицянь храмсонть кенярксчинь служба, икелень «Путь Ильича» колхозонь прявтось В.П.Бухаркин ды лия инжетне. Весе цецятне конатне казезельть те чистэнть, максозельть питневтеме «Тепличное» АО-нь прявтонть, Сабанцелень школань выпускникенть А.М.Живаевень пельде. Сценанть лангсто ледстязельть Сабанцеле велень весе содавикс ломантне, конатне кадсть паро тешкс сонзэ историяс, те Н.П.Игнатьев, Н.В.Заварюхин, А.П.Борисов, М.И.Данилова, М.И.Учеваткин ды ламот-ламот лият.

Торжественной пелькстэнть мейле гайгезевсть моротне ды эряза киштематне.  Сабанцелень «Комолькай» авань ансамблядонть башка морась В.Титяпкин, инжекс сакшность «Торама» ансамблясь, Таразбуень морыцятне, Отяжелень духовой инструментэнь ансамблясь ды Культурань кудонь киштицятне-морыцятне. Площаденть вакссо истя жо ютасть олякстомтозь тюремань коряс пелькстамот, школань стадионсо жо обедтэ мейле ульнесь футболонь турнир Сабанцелень ды Отяжелень эйкакшонь командатнень ютксо. Тешкстама, изнясть Сабанцеленсетне.

Куншкакуросонть сравтозель декоративно-прикладной творчествань выставка, анокстазельть велень историясто зярыя стендт, ускозельть аттракционтт, роботасть автолавкат, микшневсть шашлык ды лия ярсамопельть.

Маласо сад-пиресэнть пидевсь сисем чугунсо тантей сывель ям, конасонть питневтеме каванявсть кенярксчинь весе инжетне.

Кенярксчись теньсэ эзь прядово, эдь чокшне клубсо эште ютась дискотека, косо неень шкань моротнень марто секе тев гайнесть ютазь пингень 80-це иетнень мелодиятне. Весень мелесь ульнесь вейке – кенярксчись удалась ды кадык тиринь велесь эри ды мазылгали эште ламо пингеть!

 

Марина Девятова

Фототне С.Чиженковонь

 

Новости

В состав Центрального координационного совета Сторонников «Единой России» войдут наиболее эффективные региональные общественники

До 1 февраля в Центральном и региональных координационных советах Сторонников Партии пройдет ротация по новому принципу. Также в 2019 году в июле-августе в Москве планируется проведение федерального форума в рамках реализации проекта Центра поддержки гражданских инициатив (ЦПГИ). Об этом сообщил сопредседатель Центрального совета Сторонников «Единой России», депутат Государственной Думы Сергей Боярский.

Подробнее ...
 
«Единая Россия» в Мордовии инициировала обсуждение вопросов патриотического воспитания молодежи

 - Мы не можем мириться с таким актом неуважения к России и ее национальной символике!

Девушки, сделавшие это не могли не понимать, что совершают преступление»- заявил

региональный координатор федерального партийного проекта «Историческая память в

Мордовии», директор Мемориального музея военного и трудового подвига 1941-45

г.г. Николай Кручинкин.

Подробнее ...
 
«Единая Россия» в первом квартале 2019 года запустит экологические сервисы «Зеленая карта» и «Красная кнопка»

 В первом квартале 2019 года партпроект «Единой России» «Чистая страна» запустит два новых экологических сервиса «Зеленая карта» и «Красная кнопка». Об этом заявил координатор партпроекта «Чистая страна», председатель комитета Государственной Думы по экологии и охране окружающей среды Владимир Бурматов.

Подробнее ...
 
«Единая Россия» законодательно сохранит право учителей и врачей принимать подарки

 «Единая Россия» подготовит и внесет ко второму чтению поправки, исключающие учителей и врачей из перечня должностных лиц, которым правительственным законопроектом предлагается запретить принимать подарки. Такое заявление сделала координатор партпроекта «Единой России» «Новая школа», депутат Госдумы Алена Аршинова.

Подробнее ...
 
Законопроект ЕР об упрощении процедуры получения компенсации за капремонт принят во втором чтении

Законопроект, упрощающий процедуру получения пенсионерами компенсации по капремонту, прошел второе чтение в Государственной Думе. Документом, разработанным членами фракции «Единой России» предлагаются изменения в статью 171 Жилищного кодекса РФ, уточняющие условия предоставления компенсации на уплату взноса на капитальный ремонт отдельным категориям граждан.

Подробнее ...