Рубрикатор

Культура Николай Михайлов: «Весе эрямом сюлмия тиринь моданть марто»
Николай Михайлов: «Весе эрямом сюлмия тиринь моданть марто»

Кода корты валмеревксэсь, ломанесь уцяскав, бути мельспаросо моли роботамо, а важодемадо мейле кенярдозь чии кудов. Монень маряви, Николай Евгеньевич Михайлов, «Тепличное» АО-нь 2-це № цехень прявтось, сеть ломантнень ютксто. Сон весе эрямонзо сюлмизе тиринь моданть марто. Чачома-касома ёнксозояк сонзэ Отяжелень райононь Сабанцеле велесь, конань ломанензэ зярыя пингеть уш явовить эсест патриотизмасо – тиринь масторонтень вечкемасо ды тиринь модантень сюконямосо.

Николай Евгеньевичень тетязо-авазо, покштянзо-бабанзо весе Сабанцелень. Сынст кудо лемест «Диячкань». Сон тусь покштянзо, Алексей Андреевичень пельде, конась служась Сабанцелень Иневанькс Троицянь церькувасо диаконокс, ульнесь сёрмас содыця, парсте морыль хорсо. Покштянстэнь ды Мария Сергеевна бабанстэнь савсь ламо печтямс кажот-зыянт эрямост перть. Сынь а пелильть важодемадо, хозяйстваст ульнесь кеме ды мелест совамс колхозов овсе арасель. Тень кисэ ды истя жо кода церькувасо служицянть Алексей Андреевичень ютазь пингень 30-це иетнестэ панизь кудосто семиянзо марто, эсензэ жо озавтызь васняяк тюрьмас ды мейле ильтизь васов вирень сявордомо. Кемень иень ютазь сон велявтсь, ансяк эрямс олячисэ савсь пек аламо, ушодовсь войнась ды покштянь саизь фронтов, козонь Алексей Андреевич чавовсь кавто цёранзо марто. Евгений, веженсь цёразо (Николай Евгеньевичень тетязо), эйкакшпорасто саезь коршизе нужань кеченть, важодеме сон ушодсь пек рана, лездась аванзо туртов колхозсо, мейле вансь скалонь стадат, ульнесь вирваныкс, плотникекс, пек кедьчелькев ломанекс. «Путь Ильича» колхозонь весе ферматне, эрямо кудотне, складтнэ строязельть сонзэ ды бригаданзо кедьвийсэ (конасонть сон ульнесь прявтокс). Авазо, Наталья Петровна, истя жо, кода весе велень аватне, важодсь колхозонь паксятнесэ, тунда видсь, кизна-сёксня нусь, скирдовась, трясь-кастась вете эйкакшт. Николай Евгеньевичкак школанзо прядомадо мейле васняяк важодсь теке колхозсонть, теке марто тонавтнесь Орданьбуень ДОСААФ-со водителекс, мейле тусь Рязанень ёнксов Касимов ошонь индустриальной техникумов техникень-механикень роботамо лувонть чарькодеме. Тосто сазь, зярыя шка важодсь Паранеи велень ПМК-со механикекс. 1982 иесь Николай Евгеньевичень туртов ульнесь уцяскавокс, эли, рузокс меремс, «судьбоносноекс», сон урьваксть эсензэ велень тейтеренть Мария лангс  ды сынь вейсэ састь мельс туемс роботамо Саранскоев. Мария Николаевна кармась роботамо Н.П.Огаревонь лемсэ университетсэ, Николай Евгеньевич жо 1983 иень январень васенце читнестэ примазель 25-це съездэнть лемсэ совхозонь тепличной комбинатс слесарекс ды се шкастонть саезь важоди теке роботамо таркасонть уш колоньгемень вете иеде ламо. Тесэ Михайловтнень семиянтень васняяк максозель общежития, мейле квартира, седе тов Николай Евгеньевич эсь кедьсэнзэ строясь покш кудо Озерный поселкасонть.

Тепличной комбинатось шкань ютазь кассь башка покш предприятиякс, сонзэ прявтонть А.М.Живаевень самодо мейле тесэ ушодовсть полавтомат, модернизация, строязельть ламо од теплицат ды ней «Тепличное» АО-сь содавикс весе масторонть келес. Михайловонь, кода од, ответственной, роботадо а пелиця специалистэнть, икелень инженерэсь-теплотехникесь Н.А.Давыдов (конанть Николай Евгеньевич лови эсензэ тонавтыцякс, наставникекс ды преспутыцякс) 1991 иестэ аравтовтызе эсензэ таркас ды эзь янксе эсензэ решениянть кувалма. 1997 иестэ Михайловонь ладизь 2-це № цехень (тесэ кастыть помидорат ды куярт) прявтокс, косо сон важоди те шкас. Николай Евгеньевич чинек-венек, оймсема чинь апак сода котьми-пикси роботасо. Истятнэде мерить «трудоголикть». Сон валске рана сы васенцекс ды чокшне туи меельцекс. Вечки, зярдо весемесь моли парсте, тень кисэ жо эряви чинь-чоп кирдемс цехень роботамо лувонть пшти вановт ало. Ялатеке Николай Евгеньевич, кода кортыть эйстэдензэ 2-це цехень эмежень кастыцятне, прявтось видечинь кисэ аштиця, аволь кежейтнестэ, стяко вайгелензэ а кепедьсы. Николай Евгеньевичень цехсэ важодить 82 ломанть ды прявтось васняяк веши пельдест дисциплина, эдь эмежень кастома тевсэнть мельде-валдо роботамось вети покш зыянс. Сон а вечки, зярдо шныть эйсэнзэ, а вечки каявомс сельмс, састыне ды тевень содазь теи эсь а шожда тевензэ. Меельце шкастонть сонзэ тиринь цехенть учи реорганизация, ташто теплицатнень таркас кармить строямо одт, конатнесэ эмежтне кармить кастовомо светокультурань технологиянть вельде. Тевесь покш ды сонзэ шкастонзо топавтомась истя жо ашти Николай Евгеньевичень эйстэ. 

Арсезеват, роботась Николай Евгеньевичень эрямосо истямо покш тарка саи, маряви кудосо тевтнень теемс шказояк а сатни. Ансяк те аволь истя. Михайловонь кудосояк вечкевикс тевезэ – садпиресэ котьмамось. Сон кудонзо ваксс нинзэ, Мария Николаевна, марто, озавтсть ламо чувтт, цецят, эрьва кодат куракшт, тикшеть-люкшот, ягудат, строясь теплицат эрьва кодамо эмежень кастомс.  Кизна тесэ алкуксонь «ботанической сад», дивазеват цецятнень, куракштнень мазычист лангс ванозь. Ламот Михайловтнень пельде вешить видьмекст, озавтомс тарадкеть ды кастомань коряс превспутомат.

Николай Евгеньевичень туртов сонзэ кудозо – те оймсема тарка, эйсэнзэ сон строясь весе оймензэ путозь, нейгак аламонь-аламонь витни-петни. Вана ваксозонзо эсь кедьвийсэ стявтсь кизэнь вишка кудыне, косо вечки ялганзо-оянзо марто кенярксчитнестэ рестамс шашлык, кортнемс эрямодонть-аштемадонть, вастомс инжеть.  Ютко шкасто нинзэ марто сынь ардтнить санаторияв, экскурсияв, вечкить пурнамо вирьга кстыйть-пангот, лецямонь тикшеть-люкшот.

Кода цёра ломань, сон топавтынзе весе арсевксэнзэ: стявтсь кеме кудо, семиянь крепость, озавтсь аволь вейке чувто – паряк тежадо ламо, а лововитькак, трясть-кастась нинзэ марто аволь вейке цёра – кавто превейдеяк-превей алят. Васенцесь, Андрей, прядызе Мордовиянь Н.П.Огаревонь лемсэ университетэнь Электронной техникань факультетэнть ды ней роботы Московсо содавикс фирмасо программистэкс, веженсесь, Евгений, теке факультетэнть прядомадо мейле истя жо роботы Московсо системной администраторокс. Аволь умок Андрей цёразо урьвакстсь ды ней Николай Евгеньевич учи, зярдо цёразо нинзэ марто кенярдовтсызь пек учовикс нуцькасо. Маряви, те сонзэ ней сехте васенце мелезэ-арсемазо!

 Ванды, маень 31 чистэ, Николай Евгеньевич Михайлов тешкстасы эсь юбилеензэ, сонензэ топодить 60 иеть! Арсетяно тензэ кеме шумбрачи, кадык топавтовить сонзэ оймеёжонь мелензэ-арсеманзо, уцяскав эрямо тензэ ды кадык вансты эйсэнзэ Пазось! Неть поздоровтнень истя жо тензэ кази крестной тейтерезэ…

 

Марина Девятова

 

Новости

В проекте федерального бюджета на следующую трехлетку предусмотрено увеличение финансирования ряда госпрограмм

Финансирование ряда государственных программ увеличено по основным показателям. Об этом стало известно по итогам серии заседаний комитета Государственной Думы по бюджету и налогам, посвященных подготовке проекта федерального бюджета на 2019 год и на плановый период 2020 и 2021 годов к первому чтению. В обсуждении проектов госпрограмм приняли участие представители профильных комитетов Госдумы и ведомств.

Подробнее ...
 
«Единая Россия» добилась расширения перечня причин для возврата полной стоимости авиабилетов

Нижняя палата парламента 397 голосами одобрила в первом чтении законопроект, предлагающий расширение списка причин, на основании которых пассажиру должна быть возвращена полная стоимость сданного авиабилета, купленного по невозвратному тарифу. В настоящее время, отметила автор законопроекта, член комитета Государственной Думы по физической культуре, спорту, туризму и делам молодежи Наталья Кувшинова (фракция «Единой России»), представлявшая документ, получить полную компенсацию можно, в частности, только в случае смерти или болезни родственника.

Подробнее ...
 
Госдума приняла в первом чтении законопроект «Единой России», отменяющий необходимость подтверждать оплату взносов на капремонт

Законопроект, согласно которому уполномоченный орган государственной власти не вправе требовать от граждан документы, подтверждающие оплату ежемесячного взноса на капремонт, упростит использование механизмов адресной помощи. Об этом заявил первый заместитель председателя комитета Госдумы по жилищной политике и жилищно-коммунальному хозяйству, координатор партпроекта «Единой России» «Школа грамотного потребителя» Александр Сидякин. Данный проект закона, внесенный фракцией «Единой России», принят в первом чтении нижней палатой парламента.

Подробнее ...
 
Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...