Рубрикатор

Культура Эрзянь келень олимпиадась алтазель А.Ф.Юртовнень
Эрзянь келень олимпиадась алтазель А.Ф.Юртовнень

Даволковсто саезь панжиковс «Эрий кель» эрзянь келень оn-line школась (Тольятти ош), Н.П.Огарёв лемсэ МГУ-нь финнэнь-угрань культурань научно-исследовательской лабораториясь, «Кор» эрзянь келень кастомань региононь фондось, «Эрзянь вайгель» Московонь культурно-просветительской вейсэндявксось, Санкт-Петербургонь «Эле» эрзянь од ломанень курось ютавтсть эрзянь келень коряс Весероссиянь олимпиада, конась алтазель А.Ф.Юртовонь чачома чинзэ тешкстамонтень. 

Олимпиадань теицятне сайнесть мель сыремтемс эйкакштнень мелест седе домкасто эрзянь келенть тонавтнемантень, кастомс эйкакштнень ёрокчист-содамочист эрзянь келенть тонавтнеманть вельде ды седеяк вечкемс тиринь келенть. Секскак пелькстамосонть кармавтоматне ульнесть алтазь 1-це классто саезь 11-це классо тонавтниця эйкакштненень. Мероприятиянь теицятне бажасть аволь ансяк ванномс эйкакштнень содамочист, истя жо теемс сынст туртов алкуксонь покшчи.

Вана кода корты «Эрий кель» школанть ветицязо, эрзянь келень тонавтыцясь, филологиянь наукань кандидатось Ольга Михайловна Богданова (Сусорева):

– Те олимпиадась ютавтови омбоцеде. Мелесь сась тенек ютазь иестэ. Мон колмоце ие ветян эрзянь кель skype вельде покштненень эсь тонавтома лезксэнь ды программань коряс. Минь ваннотано аволь ансяк эрзянь келень грамматиканть, истя жо культуранть, историянть. Ламот занятиядо мейле ушодыльть ванномо эсь кудораськень чувтост (родословное дерево). Неть занятиятнесэ минь кортынек эрзянь содавикс ломантнеде, сынст ютксо А.Ф.Юртовгак. Чарькодинек, аволь весе тонавтницятне содасызь сонзэ лементь. Ды вана сонзэ марто седе малавиксэкс теевемга ушодынек ютазь иестэ паро тев – олимпиада, конань алтынек сонензэ.

Олимпиадась аштесь кавто пельксстэ: заочной ды очной. Заочной этапсонть ванновсь эйкакштнень ёрокчист эрзякс ильведькстэме сёрмадомасонть. Весе кармавтоматне явовсть кавто пельксэв: васенцетнень эйстэ ванновсть грамматикань коряс содамочитне, омбоцетне – шкинемань ёрокчинть кастомась (арсемс артовкстнэнь коряс ёвтнема, ютавтомс «Масторавасто» саевкст, сёрмадомс «Эрзянь келесь – мазый кель» аволь покш сочинения).

Тесэ кармавтоматнень топавтсть малав 500 тонавтыцят. Мордовиянь тонавтницятнеде башка, заданиятнень тейсть истя жо Московонь, Санкт-Петербургонь, Оренбургонь, Иркутскоень ды Чувашиянь эйкакштне. Кураторокс лововсть кода школасо тонавтыцятне, истя жо тетятнеяк-аватнеяк. Тесэ жюрись («Эрий кель» эрзянь келень оn-line школань ветицясь О.М.Богданова, Н.П.Огарёв лемсэ Мордовской государственной университетэнь финнэнь-угрань культурань научно-исследовательской лабораториянь прявтось, доцентэсь, философиянь наукань кандидатось Е.Н. Ломшина, «Кор» эрзянь келень кастомань  региононь фондонь прявтось, эрзянь келень тонавтыцясь, филологиянь наукань кандидатось А.А.Учеваткин, «Чилисема» журналонь прявт редакторось, Мордовиянь заслуженной поэтэсь Н.И.Ишуткин, Россиянь Сёрмадыцянь союзонь членэсь, эрзянь поэтэсь Д.А.Таганов) ваннось топавтозь тевтнень баллтнэнь коряс. Васенце тарканть кис эрявсь пурнамс 97 саезь 100 баллт, омбоце тарканть саемга – 90 саезь 96 баллт, колмоце таркантень вешевсть 80 саезь 89 баллт. Лиятненень максневсть участникень сертификатт. Истя жо сюконямонь сёрмасо казевсть тонавтыцятне, эйкакштнень тетятне-аватне.

Заочной пельксэнь изницятне варчнизь виест олимпиадань омбоце пелькссэнть, конась явовсь колмо номинациява:

- видеоматериал;

- урок-вебинар;

-    комиссиянть икеле эсь проектэнть невтемась.

Эряви меремс, истямо лувсо эрзянь келень олимпиадась ютавтозель васенцеде. Эрьва эйкакшось сонсь кочкась, кодамо номинациясонть ули мелезэ невтемс эсь прянть. Весе колмо пелькстнэсэ эрявсь невтемс «Эрзянь келесь монь эрямосо» эсь проектэнть. Тесэ ванновсть тонавтницятнень эрзянь кельсэ кортамонь ёрокчист. Весемезэ кармавтоманть топавтсть малав 143 эйкакшт.

«Видеоматериал» пелькссэнть варчнизь виест сеть эйдетне, конат тонавтнить эрзянь келенть кода государственной. Тесэ жюрись вансь эйкакшонть кортавксонзо ды эрзянь литературань келенть тевс нолдамонть лангс. Изницякс лиссть:

1. Микаева Арина (тонавтыцясь Чучадеева Наталия Анатольевна).

2. Чучадеев Роман (тонавтыцясь Чучадеева Наталия Анатольевна).

Колмоце тарканть явизь эсь ютковаст Эль-Астал Айя (тонавтыцясь Вельдяскина Татьяна Петровна) ды Казабекова Мария (тонавтыцясь Шемякина Марина Ивановна).

«Уроксо-вебинарсо» виест варчнизь сеть эйкакштне, конат тонавтнить эрзянь келенть кода тиринь. Секскак тесэ жюринь прявтось О.М.Богданова макснесь эйкакштненень кевкстемат: кода эрзянь кельсэ кармить улеме ракшатнень, чувтотнень, панготнень, тикшетнень, калтнэнь лемест. Пакшатне пек талность. Ансяк урокто мейле весень ульнесть паро мелест. Изницякс те номинациясонть лиссть:

1. Наумкина Елена (тонавтыцясь Юртайкина Светлана Ивановна).

2. Зингаев Алексей (тонавтыцясь Балкаева Мария Ивановна).

3. Чаткина Татьяна (тонавтыцясь Косолапова Вера Павловна).

 

Олимпиадань колмоце пельксэсь ютавтовсь Н.П.Огарёв лемсэ Мордовской государственной университетсэ. Теньсэ пек лездась университетэнь  финнэнь-угрань культурань научно-исследовательской лабораториянь прявтось, доцентэсь, философиянь наукань кандидатось Е.Н.Ломшина, конась весе виензэ путызе теемс эйкакштненень аволь ансяк пелькстамо, истя жо кеняркс. Тень кис, пелькстамодо башка, тонавтницятнень туртов теезель культурной программаяк: сынст ветнизь университетэнь историянь музеев ды Национальной культурань институтонь выставочной нупальс. Теде башка, эйкакштнень икеле морась В.И.Ромашкин лемсэ фольклорной ансамблясь. Тонавтницятнень марто шумбракстнесь университетэнь Президентэсь Н.П.Макаркин, конась шнынзе весе эйкакштнень сень кувалма, мекс сынь а виздить кортамо эсь тиринь кельсэст ды истямо покш мель явить сынст тонавтнемантень.

Эряви меремс, те пельксэсь ульнесь келейгавтозь ды домкалгавтозь: эйкакштненень эрявсь невтемс комиссиянть икеле эсь проектэнть «Эрзянь келесь монь эрямосо», «Мокшень кялесь монь эряфса», «Мой герой» (ёвтнемс финнэнь-угрань мифологиясто вечкевикс персонаждо).

Изницякс лиссть:

1. Леонтьева Ариадна (тонавтыцясь Балкаева Мария Ивановна).

2. Ледяйкина Екатерина (тонавтыцясь Ромашкина Анна Ильинична).

3. Салаев Дмитрий (тонавтыцясь Ледяйкина Людмила Анатольевна).

Прявт изницякс, Гран-принь саицякс ульнесь Дубёнкань буень Кочкурова велень школань 8-це классо тонавтницясь Наумкин Никита (тонавтыцясь Наумкина Галина Ивановна). Никита аволь ансяк машты вадрясто сёрмадомо эрзянь кельсэ, вадрясто кортамо эрзякс, истя жо сон зярыя иень перть сёрмали ёвтнемат ды пьесат. Эряви меремс, пьесань сёрмадыцятнеде эрзянь кельсэ одтнэнь ютксо пек аламо. Секскак жюрись апак кавтолдо максызе тензэ изницянь тарканть.

Весе изницятненень ды сынст тонавтыцяст туртов «Кор» эрзянь келень кастомань фондось, кона ульнесь олимпиадань социальной партнёрокс, казсь ярмаконь казнеть, книгат ды Эрзянь келенть пельде пшкадема. Истя жо эсь книгаст изницятненень казизь содавикс эрзянь поэттнэ ды сёрмадыцятне: Николай Ишуткин, Маризь Кемаль, Тамара Баргова, Людмила Рябова, Алина Подгорнова. Эрзянь ды мокшонь раськень регионъютконь общественной вейсэндявксонь исполкомось истя жо лездась книгасо.

«Эрий кель» эрзянь келень оn-line школань ветицясь О.М. Богданова ёвтась сюконямот весе пурнавозтнень туртов ды ёвтнизе эйкакштненень, кодат ильведевкст седе сеедьстэ тейнесть сынь олимпиадань заданиятнень топавтомсто: што ды штобу союзтнэнь тевс нолдтнемась, зярдо эрзянь кезэрень кельсэ неть союзтнэ арасельть. Истя жо сон ёвтнесь  тонавтницятненень эрзянь келень коряс эсь тонавтнема лувдонть (план самообразования по эрзянскому языку). Эрьва пакшась эсь олясонзо седе домкасто тонавтневлизе эрзянь келенть ды литературанть. Те тонавтнема лувось ашти зярыя пельксстэ (модульстэ):

1.   Эрзянь кельсэ художественной произведениянь (фольклорной произведениянь) ловномась.

2.   Эрзянь кельстэ рузокс текстэнь ютавтомась.

3.   Кезэрень эрзянь валтнэнь тонавтнемась.

4.   Научно-исследовательской проект.

5.   Эрзянь кельсэ эсь текстэнь сёрмадомась ды лият.

Олимпиадань весе пелькстнэнь ютавтомсто эйкакштнень цитнесть сельмест ды кецнесть седеест. Улезэ истямо олимпиада сы иестэяк!

 

«Эрий кель» эрзянь келень оn-line школась.

 

Новости

Турчак: Власти компенсируют гражданам затраты на покупку приставок для цифрового ТВ

Правительство РФ и региональные власти предусмотрели исчерпывающий набор компенсирующих мероприятий при переходе с аналогового на цифровое телевещание для малозащищенных слоев населения. Также в региональных бюджетах предусмотрены денежные компенсации или закупка необходимого оборудования. Совет по развитию цифровой экономики при Совете Федерации представит на ПМЭФ-2019 свой рейтинг цифровизации регионов и предложит механизм поддержки лучших региональных практик. Об этом заявил вице-спикер Совета Федерации, секретарь Генерального совета «Единой России» Андрей Турчак по итогам второго заседания Совета по развитию цифровой экономики в Новосибирске.

Подробнее ...
 
Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...