Рубрикатор

Культура «Минек тевенек – кандомс ломантненень лезэ»
«Минек тевенек – кандомс ломантненень лезэ»

Тимофей Чудаев Эрзя-мокшонь национальной театрасо актёрокс важоди 1995 иестэ саезь. Те шканть перть налксесь колоньгеменде ламо рольть: васенцеть, омбоцеть, эпизодт... Эрзянь, мокшонь ды рузонь кельтнесэ. Эрьва спектаклянть, эрьва образонть нолды оймензэ-седеензэ пачк, лиякс меремс, эри эрьва рольсэнть. Сон – МР-нь заслуженной артист, В.Мишанинань «Толмар» пьесанть коряс спектаклясонть «Омбоце планонь сехте вадря роленть кисэ» кармась Мордовия Республикань Прявтонь премиянь лауреатокс.

Чачсь Тимофей Чудаев пек васоло Мордовиянть эйстэ – Сахалин усиясонть. Ансяк ундоксонзо кеместэ сюлмавозь минек республиканть марто: тетязо, Андрей Романович, чачсь-кассь Ташто Шайговасо, авазо, Ольга Михайловна, теке жо ёнксонь Сарга велень. Тимофейнень ульнесть 5 иеть, зярдо сынь тусть эрямо Оренбургонь областень Ташлинской районов.

Минек велесэ эрясть эрзянь кавто семият ды колмо – мокшонь. Тетям-авам кирдсть мартост кеме сюлмот, кортасть эсь ютковаст тиринь кельсэ. Мон эзинь арсеяк: неть кавто башка кельть, – ледстни Тимофей.

Кавксо класстнэнь прядомадо мейле Тимофей Чудаев поладызе тонавтнеманзо велень хозяйствань техникумсо. Документэнь максомо тусь ськамонзо, кедьсэнзэ ульнесь ансяк адрес марто конёв панкске. Зярдо пачкодсь ошонтень, ушосонть уш чопотетсь. Ськамонзо, а содавикс ошсо. Вадря, лездасть ютыцятне, толковизь, косо ашти тонавтнемань заведениясь. Цёрантень макссть общежитиясо нупаль, кавто чинь ютазь саизь тонавтнеме.

Тимофей, ёвтнеде, инеськеть, кода понгиде Мордовияв?

– Армиясо служамсто мон ве шкасто ульнинь клубонь прявтокс, почтальонокс ды кадрань коряс инспекторокс. Почтасо, зярдо молинь посылкань ды сёрмань кисэ, ваннынь каталог ды неинь тосто: «Эрзянь правда» ды «Мокшень правда» газетат, «Сятко» ды «Мокша» журналт. Монь туртов те ульнесь алкуксонь панжовксокс! Эзинь сода, тиринь кельсэ лиснить зняро изданият. Тоско сёрмадстынь «Мокшень правда» ды «Мокша». Мон эштё служинь, а газетанть ды журналонть уш пачтясть тень Оренбургов.

Армиядо мейле зярыя иеть важодинь райононь Культурань кудосо театрань путомань пельксэнь прявтокс. Тесэ «Мокшень правдань» лопанть лангсто неинь яволявтома: Саранскоев Л.П.Кирюков лемсэ музыкальной училищав тердевить тонавтнеме од ломанть. Самай сестэ панжозель Эрзя-мокшонь национальной театрась, эрявсть од актёрт. Ды мон сыргинь. Эзимим тандавто васоло кись, асодавикс ошось. Кеминь эсень вийтнень, ды, нама, Пазонть лезксэнзэ лангс. Училищасо тонавтнеме кенеринь вейке ие, каникуласто сыргинь инжекс патянень Белоруссияв. Тесэ тетянь пельде сась телеграмма: «Тимофей, куроксто ардт Горькоев, максыть документэть театральной училищав». Нама, шкань апак ёмавтне, ардынь. Тонавтнинь тосо овсе аволь куватьс, тетям кучсь сёрма: «Сак кудов, ават ормалгадсь, скалонть потявтнемс а кинень». Мон весементь кадыя ды туинь, Саранскойстэ саия мартон вечкевикс тейтерем Валентинань, сон Ташто Шайгова ёнксонь Лемдяй велестэ.

Истя, 1992-1995 иетнестэ Тимофей эрясь ды важодсь Оренбургсо. Ансяк седеезэ тердсь Мордовияв, ульнесь покш мелезэ важодемс Эрзя-мокшонь национальной театрасо. Эсензэ туртов арсизе: туи Саранскоев, витьсы кевкстеманть важодеманть коряс ды шкань ютазь сайсы од семиянзояк. Ансяк весемесь лиссь куроксто ды шождасто: ковонь ютазь Чудаевтне уш эрясть Саранскойсэ. Национальной театрань се шкань прявтось В.И.Нестеров апак кавтолдо саизе Тимофеень актёрокс. Шкань ютазь Т.Чудаев  прядызе  Н.П.

Огарёвонь лемсэ МГУ-нь Национальной культурань факультетэнь «Актёрское искусство» отделениянть.

Мезесь эрявикс ды вешевикс актёронь тевсэнть?

– Те – важодемась улезэ мельстуицякс, сон максозо вийть, кепедезэ ваныцятнень ёжост, конатне стувтовлизь эрямонь стакачист. Кияк а соды, зярс кадовсь тенек эрямс, секскак эряви бажамс теемс седе ламо, те профессиясонть кандомс лезэ ломантненень, невтемс оймень ваньксчинть. Ломанесь молезэ театрав ды оймсезэ, весемесь улезэ ваныцянть туртов мельстуицякс ды мазыекс.

Невтемакс, Т.В.Весеньева путокшнось спектакля А.Терёшкинэнь «Сороковины» пьесанть коряс. Тосо налксинь Трифононь. Те героенть малавиксэнзэ арсесть, сон маштовсь ды те чистэнть ледстнесть лемензэ. Те шкастонть совась Трифон. Куватьс явомадонть мейле вастовсь вечкевикс нинзэ марто. Спектаклясонть ульнесь сцена удома таркасонть. Кода вадрясто-мазыйстэ ды вечкема марто сон путозель: чарькодевиксстэ ды визьксэнь апак кандо! Вадряль бу, седе сеедьстэ те улевель театрасонть: мазычись, видечись, оймень ваньксчись. Неевлизь ды чарькодевлизь тень од ломантне.

Эрямось эдь пек куроксто юты. Ды те шканть перть эряви бажамс: ломанесь, лангозот ванозь, тонавтневель, вадря ёнов полавтовлинзе мелензэ-вановтонзо, тевдееманзо. А кода тень теемс? Ансяк эсеть прянь ветямонть вельде. Сцена лангсояк истя, сень лангс апак вано, рольтне эрсить вадрят ды берянть, сынь улест тонавтыцят, паронь-лезэнь кандыцят.

Тимофей, стака налксемс колмо кельсэ?

– Пек стака. Вейке спектаклясь, конась налксеви кавто кельсэ – те 2 башка спектаклят. Невтемакс, К.Абрамовонь «Эрьванть эсензэ ормазо» спектаклясь. Зярдо юты эрзякс, ваныцятнень тиринь кельсэст, сон чарькодеви овсе лиякс. Келесь панжи истят кекшезь ёнкстнэнь, конатне весенень содавикст. Сеть путовкстнэнь, конатне налксевить тиринь кельсэ, ваныцянтень седе чарькодевикст ды малавикст. Лия кельс ютавтозь спектаклясь уш а канды истямо смусть. Тиринь кельсэ вейке вал ёвтат – ды весе залось пейди, рузокс текень жо ёвтасак – каршот чатьмонема. Лиякс меремс, ваныцянть марто важодемстэ истямо виев образ мереви теемс-путомс!

Рольтнеде ламо, ды свал эряви улемс анококс налксемс сынст колмо кельсэ: эрзякс, мокшокс ды рузокс. Ды налксемс истя, эрзянь ваныцясь меревель: кода вадрясто корты актёрось! Свал пек талнан, зярдо налксян эрзякс, бажан весементь ёвтамс ды пачтямс, весемесь улезэ чарькодевикс ваныцянтень. Налксемс спектаклянть, те аволь лисемс сценанть лангс ды весе, те пек покш важодема. Бути образось кодаяк а муеви, а лиси, семс якат сценанть ланга, сядоксть ёвтасак вейке валонть, зярс весемесь а лиси, кода эряви.

Нама, пек вадря улевель, бути  спектаклянь невтемстэ, залось свал улевель пешксе. Истя важодемскак ков седе шожда, лиякс марят эсь прянть сцена лангсо ды образоськак муеви седе шождасто.

Тимофей, театрасо важодеманть перть тынь налксиде ламо спектаклясо. Кона ролесь сехте пек вечкевсь тенк?

– Минек театрав сакшнось режиссёр – Юрий Михайлович Хвостиков, сон путокшнызе «Доходное место» спектаклянть, тосо налксинь Белогубовонь. Пек вадря ролесь, мельс тусь тень. Сон путозель эрзякс. Истя лиссь, важодеманть перть седе сеедьстэ налксян эрзякс. Пек берянь, арась эсенек режиссёронок. Сестэ улевельть седе ламо виев путовкст.

Ваныцятнень мелест коряс, Тимофей Чудаев парсте налксесь М.Ладонь «Стякшинь история» (Азор), К.Гольдонинь «Лгун» (Доктор Баланзони), Н.Гоголень «Женитьба» (Анучкин офицер), А.Толстоень «Делец» (Фон Шметтау) ды ламо лия путовкстнэсэ. Сон невтсь виев, астувтовикс образт, налксемазо токи седейс.

Мезе лангсо ней важодтядо?

– Ней миненек сась режиссёр В.А.

Пектеев, сон путы А.С.Пушкинэнь «Капитанская дочка» драманть коряс спектакля. Мон тосо ве шкане налксян капитанонть ды генералонть, колмо аволь покш сценасо. Спектаклясь путови мокшонь кельсэ. Ней эрьва чистэ ютыть репетицият, учотано премьеранть.

Тимофей Чудаев видькстась, важодемась саи ламо шка ды вийть. Ансяк васенце таркасо сонзэ туртов ашти вечкевикс семиязо. Валентина нинзэ марто сынст кавто эйкакшост. Анастасия прядызе Саранскоень медицинской колледженть, ней Самарасо тонавтни провизорокс. Дениснэнь 13 иеть. Сон, тетянзо лангс ванозь, истя жо бажи улемс  актёрокс, зярс яки музыкальной школав. Сеедьстэ ялганзо марто сакшныть театрав спектаклянь ваномо.

 

Неть читнестэ Тимофей Чудаев тешкстызе 50 иень юбилеензэ. «Эрзянь правда» газетань коллективесь  седейшкава арси Тенк кеме шумбрачи, покш уцяска, семиясо сэтьмечи, вечкема ды весе ушодкстнэнь топавтома!

 

Т.Аксёнова

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.