Рубрикатор

Культура Саранскойсэ тешкстызь Новруз кенярксчинть
Саранскойсэ тешкстызь Новруз кенярксчинть

Мартонь 20-це чистэ Саранскойсэ тешкстызь Новруз покшчинть. Анокстыцянзо-ютавтыцянзо – «Весероссиянь Азербайджанонь Конгресс» общественной вейсэндявксонь региональной отделениясь, МР-нь Культурань, национальной политикань, туризмань ды архивень тевень министерствась. Минек республикасо те кенярксчинть тешкстамось теевсь паро коекс. Покшчись пурнынзе вейс Мордовиясо эриця ламо раськетнень: эрзятнень ды мокшотнень, рузтнэнь, азербайджанецтнэнь ды лия раськетнень. Те эштё весть невти, кодамо покш ояксчисэ эрить минек раськетне.

Новрузось – ловови Од иень кенярксчикс, конань тешкстамо ушодсть пек умонь шкатнестэ. Чилисема ёнксонь мастортнэсэ сон – государственной покшчи. Те, саемга, Азербайджансо, Таджикистансо, Казахстансо, Узбекистансо, Киргизиясо, Туркменистансо ды лия мастортнэсэ. Новрузось – те чипаень, лембень, валдонь, тундонь кенярксчи, сонсь модась сыргози ды ушоды од эрямо. Весенень, кить сёвнозевсть вейкест-вейкест марто – те чистэнть эряви ладямс, стувтомс кежтнень ды апаротнень.

Азербайджанонь раськесь тешксты Новрузонть мартонь 16-21-це читнестэ. Анокстамо жо ушодыть ковдо икеле: шлить кудонть ды ванськавтыть вальмалкстнэнь, муськить, велявтыть долктнень. Седеяк покш мель явови ярсамопелень анокстамонтень. Эрьвантень сыть ламо инжеть. Секскак, кудазораватне видить товзюро, конань мейле путсызь столь лангс. Вакссонзо улест пидезь алт, плов, шурпа, сывель, долма; ламбамопельтнеде – пахлава, шакер бура, фруктат. Теде башка, столенть лангс эрявить путомс штатолт, сынь кандыть башка смусть. Штатолось – те тол, валдо, конась вансты ломантнень сельмедемадонть. Коень коряс кенярксчинь васенце чистэнть весенень эряви улемс кудосо. Ломантне кортыть: бути Новрузонь васенце чистэнть а улят кудосо, сестэ сисем иеть а несак тиринь кудот. Новрузонь васенце чистэнть веньперть палы тол, бути сон мади – те аволь паро тешксэсь.

Ломантнень мельсэ ашти кезэрень ёвтамо – Новрузонь тешкстамо читнестэ модантень валгить ангелт, конат казить парочи ды сэтьмечи, сынь совить ансяк сеть кудотнес, косо эрить ояксчисэ, апак сёвно.

Новруз кенярксчинть кувалма пурнавозтненень поздоровт ёвтась МР-нь Культурань, национальной политикань, туризмань ды архивень тевень министрась А.М.Чушкин:

– Новруз кенярксчись совась минек республикань культурань эрямонтень. Раськень кенярксчитне лездыть чарькодемс Мордовиясо эриця башка раськетнень культураст. Течи те покшчинть тешкстамо пурнавсть ламо раськень ломанть, те лезды ванстомс ды кемекстамс республикасонок сэтьмечинть ды вейке-вейкень чарькодеманть.

Лембе вал марто пурнавозтненень пшкадсь МР-нь Культурань, национальной политикань, туризмань ды архивень тевень министрань васенце полавтыцясь А.И.Карьгин:

– Новрузось – те чилисема ёнксонь ламо мастортнэнь туртов алкуксонь покшчи. Сонзэ тешкстыть вейсэ малавикс ломантнень марто, ёвтыть вейкест-вейкест туртов лембе, седеень эждиця валт. Тагояк ледстяса, Россиянть сюпавчизэ – ламо раськетнесэ. Сынст эрявить ванстомс. Минь паро мельсэ тешкстатано мартонк Новрузонть. Кецявты, тынк вакссо те чистэнть вишка эйкакшонк. Весе тынь ледстнетядо тиринь ёнксонь моронк, вечкевикс киштематнень. Мон арсян весень туртов ояксчи ды сэтьме эрямо!

МР-нь Культурань, национальной политикань, туризмань ды архивень тевень министерстванть пельде Почётонь грамотасо ды Благодарственной сёрмасо казевсть азербайджанонь вейсэндявксонь активисттнэ, конатне явить мель республикасонок ютавтовиця эрьва кодамо вастовоматненень.

Поздоровонь лембе валт Новруз кенярксчинть кувалма Финнэнь-угрань раськень культуратнень Равчирень центранть ды МР-нь Раськетнень Ояксчинь кудонть пельде ёвтась Р.И.Акашкина. Ёроков од ломантненень сон истя жо явшесь Благодарностть.

Мордовиясо Азербайджанонь диаспорань представителесь Зинхар Дуваяров мерсь:

– Новрузось минек туртов пек покш чи. Кияк а соды, зяро пингеть тешкстыть сонзэ. Весе содатано, Новрузось – пек кезэрень кенярксчи. Минек прявт меленек – ванстомс неть койтнень, а стувтомс. Ёвтнемс сындест эйкакшонок-нуцьканок туртов. Секскак течи тей пурнавсть кода покштне, истя жо вишкинетнеяк. Весень Новруз кенярксчинть марто! Кадык тынк велькссэ свал карми валдо менель ды чипай! Арсян весенень шумбрачи ды паро эрямо!

Новруз кенярксчисэнть гайгсть азербайджанонь ды рузонь морот. Инжетне мельспаросо морасть ды киштсть, ледстнесть раськень койтнень, ёвтасть вейкест-вейкест туртов ансяк лембе мельть-арсемат.

Т.Аксенова

 

 

Новости

В «Единой России» предлагают сделать 22 октября Днем российского футбола

Фракция «Единой России» в Государственной Думе предлагает установить в России новую памятную дату и сделать 22 октября Днем российского футбола. Как заявил сегодня на пленарном заседании член комитета Госдумы по контролю и регламенту Дмитрий Белик, соответствующий законопроект внесен в нижнюю палату парламента.

Подробнее ...
 
Законопроект о расширении категорий пенсионеров, получающих компенсацию оплаты взносов на капремонт, будет принят в третьем чтении 19 июля
Сегодня, 10 июля, Госдума приняла во втором чтении законопроект, подготовленный депутатами партии «Единая Россия», которым предлагается с 1 января 2019 года расширить перечень собственников жилых помещений, достигших возраста 70 или 80 лет, которым субъекты РФ вправе предоставлять компенсации расходов на уплату взноса на капитальный ремонт.
Подробнее ...
 
«Единая Россия» добилась гарантий компенсаций учителям за проведение государственной итоговой аттестации
Президент России Владимир Путин на днях подписал федеральный закон №
188-ФЗ «О внесении изменения в статью 47 Федерального закона «Об
образовании в Российской Федерации» в части выплаты компенсации
педагогическим работникам за работу по подготовке и проведению
государственной итоговой аттестации (ГИА) по образовательным
программам основного общего и среднего общего образования любых форм.
Закон вступит в силу с 1 января 2019 года.
Подробнее ...
 
Пакистанонь эрицясь ёвтась сюкпря полициянь важодицятненень ёмавтозь документтнэнь велявтомаст кисэ

Саранск ошонь полициянь важодицятне лездасть Пакистанонь эрицянтень, конась ёмавтызе документт ды банконь карта марто кескавненть. Цёра-ломанень портмоненть, конась ульнесь омбо масторонь эрицянть, муизь Отяжбуе ёнксонь школасо тонавтницятне Мордовиянь прявтошонь куншка куростонть. Муевкстэнть эйкакштне сеске пачтясть полициянь важодицятненень.

Подробнее ...
 
Турчак заявил о запуске конкурса социальных проектов первичных отделений «Единой России»
В ближайшее время стартует конкурс социальных проектов первичных
отделений «Единой России», лучшие проекты смогут претендовать на
грантовую поддержку Партии. Об этом сообщил секретарь Генсовета Партии
Андрей Турчак, выступая на пленарном заседании форума первичных
отделений «Единой России» в Северо-Кавказском федеральном округе.
Подробнее ...