Рубрикатор

Культура Нацтеатрань сцена лангсо – «Капитанская дочка»
Нацтеатрань сцена лангсо – «Капитанская дочка»

Эрзянь ды мокшонь Национальной драматической театрась важоди од спектакля лангсо. Тесэ путсызь А.Пушкинэнь «Капитанская дочка» драманть коряс спектаклянть. Режиссёрось – Марий Элэнь искусствань заслуженной деятелесь, Государственной премиянь лауреатось В.А.Пектеев. Сон –содавикс режиссёр. Зярдо-бути уш путнесь спектаклят Мордовиясо. Режиссёронть сеедьстэ тердтнить Россиянь эрьва кодамо региононь театратне.

– А.С.Пушкинэнь минек театрась зярдояк эзизе путокшно. Те классика, кода а путомс?! Прявт геройтнень налксить Евгений Благов ды Максим Акимов (П.Гриневонь), Евгения Акимова ды Екатерина Исайчева (Машань), Алексей Егранов (Пугачёвонь). Тосо ламо геройть, минек малав весе актёртнэ налксить путовкссонть, – ёвтни МР-нь народной писателесь, театрань литературань-драмань пельксэнь ветицясь В.И.Мишанина. Валентина Ивановна ютавтызе драманть мокшонь кельс. Валонзо коряс, ине писателенть ютавтомс аволь стака, сон сёрмады чарькодевиксстэ ды шождасто. Неень шкане эрьва чи ютыть репетицият.

Апрельстэ Национальной театрась «Покш гастрольть» Регионъютконь программанть лувсо сырги Татарстанонь Альметьевск ошов. Тосо сынь невтить колмо путовкст: К.Гольдонинь «Лгун», К.Абрамовонь «Эрьванть эсензэ ормазо» ды А.Эриксононь «Огниво» эйкакштнень туртов музыкальной ёвксонть. «Покш гастрольть» программанть вельде федеральной бюджетстэ пандовить килангось, декорациятнень ускомась.

Кода пачтясть театрасо, сынь ютавтыть мельстуиця кочкамо. Спектаклянь ваномадо мейле эрьвантень мереви кочкамс сехте вадря актёронть. Ваныцятнень мелест истя жо эряви кевкстемс: кона актёрось налксесь сехте мельстуезь, кинь образось токась седей. Театрань фойесэ ладязь паргине, ков каяви сонзэ лемесь. Театрань раськеютконь чистэ, мартонь 27-це чистэ, яволявтови изницянть лемезэ.

Теде башка, театрась яволявтсь «Театральная гостиная» проект. Сонзэ вельде эрьвантень мереви вастовомс театрань вечкевикс актёронть марто, кортамс актёронь профессиядо, эрямодо, мереви варштамс кулисатнень удалов, теемс вейсэнь фото ды саемс казне. Вешематне истят: Этот e-mail адрес защищен от спам-ботов, для его просмотра у Вас должен быть включен Javascript электронной почтантень эряви кучомс се артистэнть лемензэ, кинь марто ули мель вастовомс «Театральная гостиная» проектэнть лувсо. Эряви васняяк сёрмадомс спектаклянть, косо сон налкси!

Лия мельстуиця куля – февралень 1-це чистэ саезь Национальной драмань театрасо ушодовсь сехте вадря пьесань сёрмадомань коряс пелькстамо. Конкурсонь ютавтыцятне сонзэ вельде арсить кастомс-кемекстамс профессиональной театрань искусстванть, ливтемс лангс од сёрмадыцят, лездамс раськень драматургтненень.

Вешематнень коряс а мереви кучомс сеть сёрмадовкстнэнь, конатне икеле косо-бути уш печатавкшность эли максозельть пелькстамотнес. Вейке авторонтень мереви кучомс колмо пьесадо аволь седе ламо. Конкурсось ютавтови маень 5-це чис. Мейле важодевкстнэнь карми ванномо жюрись.

Пелькстамосонть яволявтозь вете номинацият: «Исторической пьеса», «Минек шкась», «Поэтической пьеса», «Фантасмагория» ды «Эйкакштнень туртов пьеса». Весе номинациятнева кочкави вейке изниця. Авторось-изницясь ёвтасы эсензэ мелензэ пьесанть публикациядо ды сцена лангсо путомадо.  Эрьва номинациясонть изницясь казеви 30 000 целковойть ярмаконь премиясо.


Т.Маторкина

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...