Рубрикатор

Культура Александр Рябовонь «Удалов варштазь» выставказо
Александр Рябовонь «Удалов варштазь» выставказо

С.Д.Эрьзя лемсэ республикань изобразительной искусствань музейсэ панжовсь «Удалов варштазь. Возвращение в прошлое» Россиянь народной мастерэнть Александр Рябовонь выставказо. Александр Владимирович – РФ-нь Артыцянь союзонь член. Мартонь 4-це чистэ сонензэ топодсть 50 иеть. Самай юбилеентень алтазель покш выставкась, мастерэнть важодематне васенцеде невтевить те музейсэнть. Тесэ малав 80 произведеният, конат теезь меельце шкастонть ды икеле.

А.В.Рябов чачсь Кочкурбуень Вирь ало Тавла велесэ. Тонавтнесь Саранскоень художественной училищасо, прядызе Н.П.Огарёв лемсэ МГУ-нь архитектурно-строительной факультетэнть, МР-нь Правительстванть юрсо гуманитарной наукань НИИ-нь аспирантуранть. Александр Владимирович важоди Саранскоень 4№ эйкакшонь художественной школасо, тонавты чувтосто керсеме.

Выставканть панжизе С.Д.Эрьзя лемсэ МРМИИ-нь прявтось, МР-нь Артыцянь союзонь председателесь Л.Н.Нарбекова. Лембе валт истя жо ёвтасть МР-нь Культурань, национальной политикань, туризмань ды архивень тевень министранть васенце полавтыцясь А.И.Карьгин, Саранск ошонь Администрациянь Социальной политикань коряс департаментэнь культурань управлениянь прявтось Т.Ю.Салищева ды ламо лият.

– Малав кемень иеть А.В.Рябов важоди минек 4№ ДХШ-сэ, вети чувтосто керсемань коряс отделения. Тосо свал улить тонавтницят. Аволь ансяк цёрынетне, тейтернетнеяк бажить тонадомс чувтосто керсеме. Сынь покш мельспаросо якить занятиятнес, – кортась 4№ эйкакшонь художественной школань прявтось Л.В.Скворцова.

Тей сакшность мастерэнть лелянзо Пётр ды Дмитрий Рябовтне. Пётр Владимировичень валонзо коряс, Александр кассь-кепететсь икелензэ, зярдо-бути сон тонавтсь ялаксонть чувтосто керсеме. Ней кирди кувалманзо покш каштанчи. Александр парсте чарькоди тавлань налкшкень пластиканть, машты невтемензэ.

Выставкасонть ульнесть аволь ансяк чувтосто керсевкст, истя жо живописень важодемат. Чувтонь керсевксэнзэ покшт, мазыйть, домка смусть марто. Авторось яви мель эрзятнень кезэрень историянтень, мифтненень, легендатненень. Артыцясь а стувтни путнемс викшнемань тешкст.

А.В.Рябов – чувтосто керсемань коряс республикань, весероссиянь ды раськеютконь выставкань участник. Аволь весть невтнизе прянзо чувтосто керсицянь фестивальтнесэ. Мастерэнть важодеманзо ванстовить Россиянь, Финляндиянь, Болгариянь, Эстониянь частной коллекциятнесэ.

Т.Маторкина

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...