Рубрикатор

Культура Юбилеень сезонсто – ламо гастрольть ды од путовкст
Юбилеень сезонсто – ламо гастрольть ды од путовкст

2018 иень январень 1-це чистэ МР-нь Някань государственной театрантень топодсть 80 иеть. Театрань те юбилейной сезонось пешксе эрьва кодамо паро тевде ды вастовомадо. Февральстэ Някань театрась ды МР-нь эйкакшонь библиотекась поладызь «Театратне – эйкакштненень» проектэнть од лувсо. Театрасо важоди библиотекань фондтнэстэ книгань экспозиция.

 

– Минь важодтяно эйкакштнень туртов. Прявт меленек – лездамс эйкакштненень касомс превеекс, чарькодицякс, ламонь содыцякс. Республикань эйкакшонь библиотекась истя жо, кода миньгак, важоди вишка ловныцятнень марто. Вейсэнь важодемань лувтне эрьва кодат. Саемга, теке жо книгань выставкась, – корты Някань театрань прявтось Евгений Романовский. – Эряви меремс, те проектэсь важоди нейгак ды ваныцятненень тукшны мельс.

Течи, мартонь 21-це чистэ, республикань эйкакшонь библиотекасо ютавтови мастер-класс, сонзэ ветясы театрань прявт режиссёрось, МР-нь заслуженной артисткась Лариса Сидорина. Сон ёвтни театранть историядо, актёронь-кукловодонь профессиядонть, кодат някат эрсить. Эйкакштненень мереви варчамс эсь пряст някань налксиця актёронь рольсэ, важодемс реквизиттнэнь марто.

Мартонь 10-це чистэ, кода культурань ламо лия учреждениятнесэяк, някань театрасо ютась Искусствань весь. Инжетнень валост коряс, сон пек вадряль. Теке жо чистэнть театрань коллективесь вастневсь В.И.Бирюков марто. Владимир Иванович – режиссёр, РФ-нь искусствань заслуженной деятель, «Кукольный дом» Пензань театрань (1987 иестэ саезь) ды Ульяновской областень някань театрань (2015 иестэ саезь) художественной руководитель. В.И.Бирюковонь путозь спектаклятне сисемксть лиснесть «Золотая маска» Национальной театральной премиянь лауреатокс.

Бути кортамс гастрольтнеде, февральстэ Някань театрась ардтнесь Московонь ды Калугань ёнкстнэва. Сынь невтизь В.Орловонь «Цветное молоко» спектаклянть. Апрельстэ актёртнэ тагояк сыргить неть регионтнэва. Вишка ваныцятнень кецявтсызь К.Мешковонь «Петушок и подсолнух» од спектаклясонть.

Теде мейле карми важодеме «Покш гастрольть» Федеральной программась. Някань театрась апрелень 23-25-це читнестэ карми Ингушетиянь Назрань ошсо, апрелень 27-29-це читнестэ – Волгоградсо. Тосо сынь невтить зярыя путовкст: «Лиса-разбойница» (С.Преображенский), «Сто тысяч почему» (Л.Шахова, Э.Варданян), «Проделки Козы-Дерезы» (М.Супонин).

Маень 12-19-це читнестэ някань театрась сырги «Рабочая лошадка» някань театратнень Раськеютконь 4-це фестивалев. Сон алтави Набережные Челны ошонь някань театрань 30 иетненень. Тосо невтеви В.Орловонь «Цветное молоко» спектаклясь.

Гастрольтнеде башка, Някань театрась малав эрьва чи вастовкшны ваныцянзо марто. Спектаклят невтевить Саранскойсэ ды республикань районтнэва.

– Течи минек театрасо моли покш важодема С.Маршаконь «Кошкин дом» од спектаклянть лангсо. Сонзэ путы  Л.Шахова режиссёрось-постановщикесь. Театрань 80-це, юбилейной, сезонось поладови. Эрьва оймсема читнестэ минь учотано спектаклятнесэ весе вишка ваныцятнень ды сынст тетяст-аваст, покштяст-бабаст! – пачтясь Някань театрань литературань-драмань пельксэнь ветицясь, актёрось-кукловодось Елена Лугаськова.

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...