Рубрикатор

Культура Пинге вейсэ!
Пинге вейсэ!

Эсеть шкань ломанентень, седе пек ялгатень, келесь а велявтови меремс тетялемсэ: кода тонадовсь од шкава, истяк кадовинекак минсенек туртов: Танят – Тамарат. Ансяк вана покш пандонь кондят марявиця иетне кармавтыть куш ломань ютксо-икеле улемс седе мелень путыцякс: яла седе сеедьстэ малавикс ялгань лемесь ёвтави тень истя: Татьяна Дмитриевна. Ды парсте вана ёвтави! Кортамось моли МР-нь культурань заслуженной роботниктенть, Россиянь Журналистэнь вейсэндявксос совицядонть, «Эрзянь правда» газетасо икелень важодицядонть Т.Д.Рябовадо.

 

Касынек! – минськак ней уш марятано тень. Эрьванть килангсо улить саевкст-изнявкст, стакачинь печтямот, кенярксов ды ризнэвтиця эскелькст – нурькинестэ, цела эрямо! Покш эрямо! Ды вана весе те эрямонть перть, ловт, мазы пингенек перть, минь вейсэ! Кода ушодынек малав ве шкасто важодеме «Эрзянь правдасо» – сеть шкатнестэ саезь вейсэ!

Чопавтинь ледстнематнес – арази нурькинестэ весе ёвтневи!

Васенце иетнестэ саезь кудораськенек теевсть малавиксэкс. А ловови, зяроксть сайнимизь Танят-Сашат Вирь ало Тавлав! Якинек пангс ды кстыйс! А кодамо чапамо ловсодо каванясть эйсэнь Рябовтне! Од иень покш читнень, чачома читнень вейсэ тешкстнилинек! Неинек-кенярдынек, кодамо паро цёракс, паро ломанекс касы Татьяна Дмитриевнань ды Александр Семеновичень вейкине цёраст Игорь. Сыньгак, атят-бабат, кода сехте малавикс ломаненек, пек кенярдсть минек тейтеренть чачомантень! Чачтома кудосо улемстэ Таня ульнесь васенце андыцям, васень варчицям!

Секс мерянгак: монень сехте содавикс Татьяна Дмитриевна кода ялгам. Эрямопингесь невтизе: сон кемевикс ломань, асявтовикс неже валсояк, тевсэяк. Мезе мери – сень тейсы, валонзо эйстэ а потавтови киненьгак. Сонзэ вакссо неят эсеть асатыксэть – аволь свал монсь эрсян истямо кеме нежекс. Ансяк вана Татьяна Дмитриевна свал нолды чумон. Эдь ялгасонть а кочкить паро-берянь ёнкстнэнь, кодамо илязо уле, ялгась сон – ялга.

А мерян: весе марто сон истя. Содан, марсинь: тесэ стясь авидечинть каршо, тосо каштансто кандсь прянзо – эзь карма сюконямо покшкавтницянть ды манчицянть икеле. – Те овсе аволь сондензэ! Сондензэ вана те – зярдо видьстэ сельмс ёвты авидечиденть, манчемадонть, удалга кортнематнеде… А уш кода машты пейдевтеме! Эрьва тевенть лангс ули эсензэ вановтозо, лиясто истя теть мезентькак ёвтнесы, а лоткавтоват пейдемадо. Мон вана пек вечксынь сонзэ ёвтнематнень «Эрзянь правдасо» минек од шкатнеде.

Весе тень кис Татьяна Дмитриевнань свал покштояк покш питнейчизэ ялгатнень ютксояк, мартонзо важодицятнень ютксояк. Ды кадык куш кемень иеть ютасть, кода сон а важоди «Эрзянь правдасо», течинь чис лемезэ коллегатнень кельпрясо. Сонськак а максни прянзо стувтомс. Татьяна Дмитриевнань содамочитне пек эрявсть ды маштовсть эрзянь кельс Библиянть ютавтома тевсэ. Мартонзо паро мельсэ важодить кода умонь, истя жо од журналисттнэяк. Истя, вейсэнь вийсэ, Татьяна Дмитриевнань ушодксонзо ало валакавтозель – седе эрзиявтозель «Псалтиресь», ней истя жо ловновить-анокставить Ташто Вейсэньлувонь ламо книгатнеяк.

Танякай, эрямо килангсо ялгинем! Кадык седе кувать а лепштить иетне, сатост вийтне теемс теть ламо паро тевть, улемс нежекс ды кенярксокс эриялгат туртов – Сашанень ды тынк эйкакштнень-нуцькатнень туртов! Шумбрачи ды часия семиянк туртов!

Вечкезь, весе седейстэ,

Тамара Баргова

Вечкевикс Татьяна Дмитриевна!

Седейшкавань поздоровт ды лембе арсемат Тыненк Финляндиясто, Библиянь ютавтомань институтонь важодицятнень пельде!

Ёвтатано Инешкипазонтень сюкпря Тынк кисэ! Сень кис, кода Тынь минекак свал сюпалгавтнетядо эрзянь келень мазый ды виев валтнэсэ, конат чудить кургостонк, теке лисьмапрясто!

Чачома чистэнк арсетяно Тенк оймень-седеень кеняркс, кеме шумбрачи ды весе Пазонь паро!

Мирьям, Анита, Риитта ды Библиянь

ютавтомань институтонь весе ялгатне-коллегатне

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.