Рубрикатор

Культура Вана истят эрзянь цёратне…
Вана истят эрзянь цёратне…

Вирь ало Тавла велесэ, кода эрзянь лия велетнесэяк, ломанентень свал максыть питне васняяк сонзэ тевензэ коряс. Истямокс ловови тесэнь эрицясь Василий Григорьевич Ширманкин. Секскак сондензэ марят ансяк паро кулят-валт.

Чачсь-кепететсь те цёрась эрзянь покш семиясо. Тетянстэнь-аванстэнь савсь стявтомс пильге лангс кото эйкакшт, Вася – очко нардавксось. Эряви меремс, семиястост содавиксэкс Мордовиянть келес теевсь аволь ансяк чувтосто керсицясь Василий Григорьевич. Патянзо, Любовь Критининань, ютазь пингень 1980-90 иетнестэ содылизь весе эрзянь ды рузонь раськень моронь вечкицятне ды кунсолыцятне. Сонзэ лия ёнов а молиця, чоледиця вайгелензэ пек вечкилизе сонсь С.М.Люлякина, конань марто морыцясь ульнесь паро ялгакс. А стяко сон кандтни МАССР-энь культурань заслуженной важодицянь лементь.

Аволь шождынель Васянь эйкакшпингезэ. Тень лангс апак вано, чувтосто керсицясь эйкакшпингензэ ледстни ансяк паро валсо-мельсэ. Велень эрямонь лувось, пертьпельксэнь певтеме мазычись, аванзо лембе оймезэ, эйкакшпингень налксематне, парочис бажамось а стяко пачтизь чувтосто керсемань тонавтома кужонтень.

Редизе сонзэ ёрокчинть васенце тонавтыцязо Н.И.Мастин. Сон ламо макссь тензэ чувтосто керсема тевсэнть, эсь лангозонзо кемемантень ды икелев бажамонтень. Истя жо ламо оймеёжо макссь цёрантень тонавтыцязо П.В.Рябов. Цёрынесь прянек-пильгенек совась керсемань тевентень, артомантень, сайсь мель тонавтнемс седе тов. 1987-це иестэ В.Ширманкин прядызе М.Киров лемсэ Ицялонь педучилищанть. Седе мейле зярдояк эзь кавтолдо, мекс сонзэ эрямозо сюлмавсь чувтонь скульптуранть ды эйкакшонь тонавтоманть марто.

Аламос важодсь тонавтыцякс Кочкурбуень Мурань велесэ. Кавто иетнень, кода лия цёратнеяк, максынзе армиянтень. Пазось свал ульнесь маласо, несь Васянь ёрокчинзэ-бажамонзо, паряк, секскак эзь максо явома вечкевикс тевензэ марто армиясояк. Ламо паро керсевкст тейсь тосояк. Свал ловнось, тонавтнесь, шка эзь ёмавтне, тейнесь эрьва кодат артовкст-эскизт сы шкань керсевкстнэнень, вешнесь эсь прянзо, тонавтнесь Белоруссия масторонь Могилёв ошонь чувтосто керсицянть Р.Я.Иванченконь пельде. Те макссь цёрантень кеме юр, нарде, кармавтызе велявтомо вечкевикс Тавла велев ды сюлмамс тевенть эрямонзо марто.

Сеске армиядо мейле зярыя иеть Василий важодсь «Тавлинский сувенир» кооперативсэнть. Прянзо невтизе чувтосто виев керсицякс, васов ваныцякс, прянь а шныцякс. Неть иетнестэ урьвакстсь, сюлмизе эрямонзо эсь велень С.Баляйкина тейтеренть марто. Вейке-вейке мельга раштасть кавто эйкакшт: Слава цёраст, ней важоди врачокс, ды Марина тейтересткак тонавтни врачокс. Мерема, эйкакшонь трямосонтькак Василий Григорьевич топавтынзе покштятнень-сырькайтнень свалшкань вешематнень. Мезес тонадсь эрямосонть, максызе эсензэ, ды аволь ансяк, эйкакштненень. Тонавтызе чувтосто парсте керсеме Слава цёранзояк.

Од ломантне бажасть валдо эрямос. 90-це стакадояк стака иетне эзть юта од семиянть вакска. Аламос кадовкшнось важодемавтомо. Эйкакшт, ни, апак прядо кудо, зепетнесэ – варма… Ков молемс, мезе теемс? Текень лангс, стардызе седеяк покш зыян – сэредема. Марявсь, эрямось варчнесь цёранть нардензэ эрьва ёндо, цидярды-арась? Ламо паро цёрат мендявсть, пряст каизь цяркантень. Ансяк аволь Вася. Сон эзизе кадо эсь вечкема тевензэ, стясь кеместэ пильге лангс ды тейсь истят эскелькст, конат теизь сонзэ содавиксэкс весе Мордовия Республиканть келес ды лия ёнга.

Сон, ловт, васенцекс, совась Вирь ало Тавла велень чувтосто керсицянь «Эрьмезь» вейсэндявксонтень ды неень шкас кеместэ важоди те шкинемань куросонть. Ловови Вирь ало Тавла велень керсицятнень ютксо ветицякс. Прядызе Н.П.Огарёв лемсэ Национальной культурань институтонть. Ней уш комсь иеть важоди Саранск ошонь 43-це № лицейсэ технологиянь ды чувтосто керсемань тонавтыцякс. Тонавты эйкакштнень мазычинь редямо, пертьпельксэнь вечкеме, эрзянь ды лия раськень культуратнень содамо ды чарькодеме.

Ширманкин Васянень ули мезес тонавтомс эйкакштнень. Сон керсесь чувтосто ламо «тавлань налкшкеть», конатне ванстовить Россиянь зярыя музейсэ; умок кандтни Россиянь народной мастерэнь лем; умок совась Россиянь Художникень союзонтень. Теевксэнзэ невтневить ламо эрьва кодамо выставкасо Мордовиясо ды Россиянь ламо оштнева, велетнева ды мик финнэнь-угрань мастортнэсэ – Эстониясо, Венгриясо ды Финляндиясо. Покш эскелькс керсицясь тейсь парконь скульптурань теемасо. Сон маштсь ванстомо ды тёкшс кепедеме Вирь ало Тавлань керсемань «пластиканть» покш чувтонь рунгонь теемстэ. Те покш тев, чарькодема ды ёрокчи. Сонензэ аволь весть савсь керсемс чувтосто парконь покш скульптурат фестивальтнесэ: Мордовиясо, Удмуртиясо, Эстониясо ды лиясо-косо. Кавксть керсесь Ульяновск ёнксонь Кузоватовабуесэ Россиянь раськеютконь фестивальтнесэ. Сайнизе васенце тарканть. Раськеютконь «Югра-2014» фестивальсэнть саизе 1-це таркань дипломонть. Вана истямо Вирь Тавлань эрзянь цёрась!

Паряк, Вирь ало Тавла велень чувтосто керсицятнень ютксо улить седеяк паро маштыцят, ансяк Ширманкин муизе эсензэ керсема лувонзо ды теньсэ седеяк сюпалгавтызе керсицянь вейсэнь каштазонть. Теде башка, ташты ды покшолгавты эрзянь раськень культуранть эрямо парензэ.

Даволковонь прядовома читнестэ мазычинь шкиницясь, чувтосто ёроков керсицясь тешкстызе чачома чинзэ. Сонензэ топодсть 50! Маряви, Мордовиянь раськеютконь культурасонть Василий Григорьевич Ширманкинэнь питнезэ кодамояк онкссо а онкстави. Умок уш прявттнэнень редямаль те эрзянь цёранть ды максомаль тензэ «Культурань заслуженной важодиця» лементь.

П.Рябов

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...