Рубрикатор

Культура Журналисттнэ пенсияв а тукшныть
Журналисттнэ пенсияв а тукшныть

Мордовия Республикань Культурань заслуженной роботникенть, Россиянь Журналистэнь вейсэндявксос совицянть, «Эрзянь правда» газетань икелень важодицянть Татьяна Дмитриевна Рябовань содаса колоньгеменде ламо иеть. Те шкас а стувтса минек васенце вастовоманок.

Ледстневи, 80-це иетнестэ Н.П.Огарёв лемсэ МГУ-нь филологиянь факультетсэ тонавтнемстэ кучимизь практикав тиринь кельсэ лисниця «Эрзянь правда» газетав. Уш васенце чистэнть редакцияв общественной транспортсо ардомсто, сельмень каявсть мазыйстэ оршазь ды верьга вайгельть газетань публикациядо цёра марто эрзякс кортыця тейтерь-аванть лангс. Ансяк редакцияв сазь, карминь содамо мартон ардыця ломантнеде. Неть ульнесть республикасонок содавикс журналистэсь, велень хозяйствадо парсте сёрмадыцясь Н.В.Кулавский ды «Эрзянь правда» газетасо важодицясь Т.Д.Рябова. Нама, сестэ тень превскак эзь сакшно: те тейтерь-аванть марто аволь ансяк вейсэ комсте ламо иень перть карматано вейке отделсэ важодеме, вейке кабинетсэ аштеме, истя жо теевтяно алкуксонь оякс, кода кортыть народсо, вейсэ печтямо кода кенярксонть, истя мелявксонть-седейризксэнть. Вана нейгак, кемень иень ютазь (самай зняро шка, кода сон тусь пенсияв «Эрзянь правдасто»), минь те шкас сонзэ марто малав эрьва чистэ вейке-вейкень туртов гайневтяно, сеедьстэ вастневтяно. Лиясто мик апак корта, вейке-вейкень лангс варштазь, чарькодтяно, кинь кодамо ёжомарямозо, потмоёжозо. Секс ёвтан Пазонтень покш сюкпря минек вейсэндямонть ды кементь иетнень перть ояксчисэ улеманть кисэ.

Ловныцятненень ули мелем пачтямс республикасонок содавикс журналистэнть неень шкань эрямодонзо. Эдь ламот тонадокшность сеедьстэ ловномо тиринь кельсэ лисниця публикациянзо.

Ледстясынек, «Эрзянь правда» газетас сон сась Мордовиянь Учителень усовершенствованиянь институтсто, косо важодсь воспитательной роботань кабинетэнь методистэкс, теде икеле ульнесь Кочкурбуень Вирь Тавлань школасо рузонь келень ды литературань тонавтыцякс. Газетасонть уш сёрмань регистраторокс важодемстэ малав сеске ушодсь сёрмадомо, васня  кулят, мейле лия жанрасо виензэ варчась.

1983 иестэ икелень прявт редакторось П.П.Борейкин кармавтызе корреспондентэкс, шкань ютазь ладизь сёрмань отделэнь прявтокс. Виде, отделэнть лемезэ аволь весть полавтовкшнось, ансяк эзь полавтово Татьяна Дмитриевнань ламонь тееме бажицянь обуцязо. Сонзэ «пшти перанть» алдо лиснесть ломантненень лездыця ламо эрьва кодат талновтыця материалт. Неть: ламо эйкакшонь трицятнеде, Афганской войнань участниктнеде, пертьпельксэнь ды шумбрачинь ванстомадо, велесэ эрицятнеде. Сон ламо иень перть ульнесь аккредитованной журналистэкс МР-нь Прявтонть кедьсэ, МР-нь Госсобраниянть юрсо.

Сеедьстэ сонензэ сакшность лезкс мельга тиринь ёнксонь Отяжелень Таразбуестэ ды ламот сеть, кинь марто савсь тензэ вастовомс сёрмадыцянь тевенть топавтомсто.

Ведьгемень вете иензэ топодемадо мейле малав сеске эсь олясо тусь редакциясто ды теде мейле вейкеяк материал тиринь газетас эзь кучо… Ансяк тевтеме аштемась – те аволь Татьяна Дмитриевнань обуцясо. Сонзэ эрямонть парсте содазь, маряви, неть кемень иетнень перть сон ков седе ламо кенерсь тееме икелень шканть мельс саезь.

Кода кортыть, эзь кенере лекстямо, уш сеске гайневтсть Мордовия Республикань Верховной Судсто, ков тердизь присяжной заседателекс, пек ответственной ды талновтыця тевень ванкшномо.

Ули истямо проект: Библиянть масторлангонь весе кельтнес ютавтомась. Финляндиянь институтось тердизе Т.Д.Рябовань те Ине Книганть эрзянь кельс ютавтыцякс. Татьяна Дмитриевна, кода кортыть, ойменек-мезнек чопавтезь чопавтсь те тевентень. Ды топавты эйсэнзэ вана уш вейксэ иеть. Сонсь ардтни Финляндияв, сонензэ тосто сакшныть тевень максыцянзо. Ды а лоткси содамочинзэ домкалгавтомо: эрьва иестэ эрси Московсо семинарсо, мейле иень перть топавты тосо максозь заданиятнень: яла тонавтни Библиянь ютавтома тевень башка ёнкстнэнь.

Эште редакциясо важодемстэ Татьяна Дмитриевна ветясь покш общественной робота. Россиянь Журналистэнь вейсэндявксонь республикань отделениясо совакшнось президиумс, ульнесь ревизионной комиссиянь прявтокс. Сон – Россиянь Велень тейтерь-аватнень вейсэндявксонь член, 2000 иестэ кочкакшнызь Россиянь Велень тейтерь-авань конгрессэв делегатокс, тосонь заседаниясо кортась мордовской делегациянть пельде велень тейтерь-аватнень мелявкстост. Кеме сюлмот сестэ тейсь Россиянь Аграрной партиянь Мордовской отделениянть марто.

Т.Д.Рябова истя жо сови «Литова» эрзянь тейтерь-авань вейсэндявксонтень, сеедьстэ сакшны тосо ютавтовиця промкстнэс ды вастовоматнес.

Татьяна Дмитриевна – уцяскав ава ды баба.  Александр Семеновичень   (мирдезэ) марто трясть-кастсть паро цёра. Игорь Александрович Московонь содавикс вузонь прядомадо мейле топавты дипломатической тев. Россиянть пельде васня ульнесь Финляндиясо, ней – Голландиясо.

Рябовтне сеедьстэ яксить Кочкурбуень Вирь Тавлав, косо вельмевтизь покштяст-бабаст кудоюртонть, озавтсть мазый садпире. Покш мельспаросот кавто нуцькинест  коряс – Артемиень ды Елизаветань, кинь марто малав эрьва чистэ кортыть скайп вельде.

Татьяна Дмитриевна покш мельспаросо перьканзо алкуксонь ды кемевикс ламо оянзо кувалма. Кода сонсь секе-тев корты: те эрямосонзо сехте покш сюпавчитнестэ вейкесь.

Неть читнестэ Т.Д.Рябова тешксты чачома чинзэ. Сонзэ лемс ёвтавить ламо паронь арсемат ды лембе валт.

«Эрзянь правда» газетань теицятне вейсэндявить неть поздоровтнес ды арсить Татьяна Дмитриевнанень кеме шумбрачи, икелепелевгак кадовомс истямо жо эрямонь вечкицякс, ламос бажицякс, ялгатненень лездамо капшицякс. Кадык тундонь кенярксчись сови кеместэ Тынк кудос ды кази паро ёжомарямо ламо иес.

Валентина Юдина

 

 

Новости

Национальной театрасо панжови сезонось

Ванды, сентябрянь 27-це чистэ, Эрзянь ды мокшонь раськень драматической театрасо панжови сезонось. Ваныцятнень туртов невтеви К.Петровань «Ташто койсэ» эрзянь кельсэ спектаклясь. Путовкссонть кармить ламо морот, киштемат, невтеви покш свадьба. Парсте невтевить эрзянь фольклорось, койтне-кирдатне. Спектаклясонть ули мезе лангс ваномс. Нама, шкась кезэрень, XIX-XX-це пингесь. Кой-кона тевтне абунгавтыть. Ансяк те – весе ульнесь алкукс, те минек историясь.

Моледе ваномо, ушодксось 18:30 чассто.

 
Пивсэзь 1 миллион тоннат сюро

Кода а кецямс?! Мордовиянь агропромышленной комплекссэ важодицятне, тедедень коське кизэнть лангс апак вано, пивсэсть 1 миллион тоннат сюро. Эрьва гектарсто среднейстэ саезь 25,8 центнерт. Теде пачтясть МР-нь Велень хозяйствань ды продовольствиянь министерствань специалисттнэ.

Подробнее ...
 
На заседании Социальной платформы обсудили принятие региональных льгот

17 сентября в Государственном Собрании РМ состоялось заседание Социальной платформы Партии «ЕДИНАЯ РОССИЯ», в рамках которой депутаты Госсобрания обсудили принятие на предстоящей сессии проекта закона Республики Мордовия «О внесении изменений в статьи 2 и 9 Закона Республики Мордовия «О мерах социальной поддержки отдельных категорий населения, проживающего в Республике Мордовия». 

Подробнее ...
 
Сторонники Партии проанализируют возможности регионов в области переобучения и повышения квалификации людей предпенсионного возраста

  Региональные координационные советы сторонников Партии «Единая Россия» с 21 сентября начинают сбор и систематизацию информации относительно возможностей субъектов Российской Федерации по предоставлению различных курсов и программ, направленных на профессиональную переориентацию людей старшего поколения. Об этом сообщил сопредседатель Центрального координационного совета сторонников Партии Сергей Боярский.

Подробнее ...
 
Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...