Рубрикатор

Культура Эрить кеме ояксчисэ
Эрить кеме ояксчисэ

… Никольск ошонть ланга марсинь ламо паро валт. Тесэнь эрицятне  нолдыть суликасто ды хрустальстэ эрьва кодамо продукция. Сонзэ мельспаросо рамить аволь ансяк минек масторсо, сонзэ томбалеяк.

Алкукскак, ледстневи тень истямо тев. Кода-бути вастыя ялгам. Кевкстнян: «Кода эрямось? Кода семият?..» – «Весемесь паро. Ванды ним марто арсетяно ардомс Никольскоев хрусталень люстра, лия-мезе  мельга», – отвечась оям…

Никольскоев моньгак мелем ульнесь пачкодемс. Ансяк кодаяк эзь удала. Неть читнестэ те мелесь топавтовсь. Тень кисэ сюкпря Финнэнь-угрань раськень культурань Равчирень куншкакуронь важодицятненень, конат тесэнь Культурань кудосо ютавтызь «Этношкола» проектэнь презентациянть.

 

Тесэ вастовинек Покш Пермиева велень «Масторава» фольклоронь ансамблясо морыцятнень марто.

– Мелят минек ансамблянтень топодсть колоньгемень иеть. Ансамблясонть кавксо ломанть. А нолдтнить вейкеяк репетиция Мария Тюжина, Татьяна Карташова, Лидия Климова, Галина Титова. Минек коллективсэнть аволь ансяк пенсионеркат, улить одткак, конатнень кувалма мельспаросотано. Минь эсь ёрокчинек невтнетяно аволь ансяк минек масторсо, сонзэ томбалеяк – Эстониясо, Латвиясо. Репертуарсонок ансяк эрзянь морот. «Этношкола» проектэнь презентацияс сынек мельспаросо. Тесэ эште весть теевтяно содавиксэкс эрзятнень койтнень-кирдатнень, историянть марто, – ёвтни художественной руководителесь Л.В.Жиляева.

Выставканть ванкшномсто, косо невтневить мазыйстэ  оршазь някатне, эрьва кодат сувениртнэ, вастовинек О.В. Шиндина теицянть марто.

– Мон теевксэнь невтнеме, «Этношкола» проектэнь презентацияс сыцятнень ёжост вадрялгавтомо, сынь Карамалы эрзянь велестэ, – ёвтни  Ольга Владимировна. – Те тевсэнть важодян умок ды а янксян, мекс кундынь те тевентень. Мартон сась «Эрзяночка» тейтерь-авань ансамблясь, конань прявтсо А.С.Допкина.

«Этношкола» проектэнь презентациянть панжизе Никольск ошонь «Раздолье» ансамблясь, кона морызе Никольск оштонть  моронть.

Пурнавозтненень поздоровт ёвтась Никольскоень райононь администрациянь культурань-досугонь тевень секторонь прявтось Е.А.Оськина. Сон тешкстызе: «Районсонок эрить 31 тёжа ломань, Никольск ошсо – 21 тёжа. Ютксост – рузт, эрзят, эстонецт, литовецт, украинецт, татарт, узбекть, киргизт... Эрятано кеме ояксчисэ. Районсонть покш мель явови национальной культуратнень виевгавтомантень. Теньсэ, нама, покш таликазо Никольскоень райононь администрациянь прявтонть Людмила Валентиновна Лининань».

Е.А.Оськина ледстизе «Туризм открывает мир» книгань выставканть, конань анокстызе библиотекасо важодицясь З.Ф.Краснова, кона чачсь-кассь Од Селе эрзянь велесэ. Выставкась ёвтни Никольскоень районсо эрзянь культуранть виевгавтомадо.

Мордовиядо кинофильмань ваномадо мейле тевтнень эсь кедезэнзэ саинзе Финнэнь-угрань раськень культурань Равчирень куншкакуронь координаторось, МР-нь культурань заслуженной роботникесь Т.Т.Чекушова. Сон тешкстызе, «Этношкола» проектэнь презентациятне ютавтневить аволь ансяк республикань районтнэсэ, истя жо шабра регионтнэсэяк, те тееви сень кисэ, штобу минек раськесь аволинзе стувтне эсь тиринь келензэ, койтнень-кирдатнень.

Пурнавозтнень, школасо тонавтницятнень тердсь содамс кавто кельть, «эдь тиринсесэнть кортасть покштянк-сырькаенк, тетянк-аванк».

Никольск ошсо «Этношкола» проектэнть презентациянть парсте анокстамосо ёроковтненень Т.Т.Чекушова макссь питней казнеть ды Благодарностть. Ютксост – Е.А.Оськина.

Мейле М.Е.Евсевьев лемсэ пединститутонь музыкальной образованиянь ды музыкань преподаваниянь методикань кафедрань доцентэсь, педагогикань наукань докторось, профессорось С.В.Богдашкина пурнавозтнень теинзе содавиксэкс пединститутонть марто, кодат важодить факультетт, кода тесэ эрить студенттнэ. Келя, пединститутсо важодить кавксо факультетт, сынь виевгадыть. Тосо ули аспирантура ды докторантура. Школань прядыцятнень тердсь самс тонавтнеме пединститутов.

Презентациясонть ламо ёвтнезель Мордовской госуниверситетэнть ланга. Теде башка, пурнавозтненень явшезель «Голос» университетэнь газетась.

Мейле ушодовсть мастер-класстнэ. Фольклоронть тонавтсь пединститутонь психологиянь ды дефектологиянь факультетэнь студенткась Юлия Симонова, национальной някань анокстамонть – пединститутонь 3-це курсонь студенткась Аделина Еремина, «Ткачество» – И.Д.Воронин лемсэ краеведениянь музеень неень шкань историянь отделэнь старшей научной сотрудникесь Л.И.Полянская. Сеске мертяно, сынь ютасть вадрясто, вейке-омбоцень чарькодезь. Кой-кить тонавтнесть кодамо, кой-кить – киштеме, морамо…

Кодамо кенярксчи моровтомо? Сынь гайгсть. Эрзянь, мокшонь ды рузонь моротнень эсь концертной программас совавтынзе Н.П.Огарёв лемсэ Мордовской госуниверситетэнь Национальной культурань институтонь «Вирьавакай» фольклоронь ансамблясь, конань художественной руководителесь Екатерина Модина.

Екатерина Модинань парсте содасызь аволь ансяк минек республикасо, сонзэ томбалеяк. Сон эште важоди «Мерема» фольклоронь ансамблянь прявтокс. Те ансамблясь нучк-пачк ютынзе аволь ансяк республикань велетнень, истя жо ульнесь томбале эриця эрзятнень ды мокшотнень кедьсэ: Самарань, Саратовань, Оренбургонь, Ульяновскоень областтнесэ, лиясо.

– Мон чачинь-касынь Пензань областень Сосновоборскоень райононь Вачелай эрзянь велесэ, – ёвтни Екатерина Модина. – Тиринь ёнксов сынь мельспаросо. «Вирьавакай» фольклорной ансамблясь университетсэ важоди умок. Минь покш мель явтано раськень культуранть виевгавтомантень, койтнень-кирдатнень вельмевтемантень.

– Мон мельспаросан «Этношкола» проектэнть презентациянть кувалма, – ёвтни Никольск ошонь 1 № средней школань географиянь тонавтыцясь, эрзясь А.Д.Бурашников. – Тесэльть минек школань тонавтницятне. Сынь покш мельсэ кунсолость презентациянь ютавтыцятнень. Эйстэст ламот, паряк, кочкасызь Мордовиянь вузтнэнь.

… Московсто-косто сыцятнень-инжетнень Мордовиясо ветясызь Степан Эрьзя лемсэ изобразительной искусствань музеев ине скульпторонть произведениянзо ванкшномо. Никольск ошсо истямокс ловови суликань ды хрусталень музеесь. Се, кие ютасынзе сонзэ залтнэнь, неезденть карми ледстнеме пингеде-пингес. Кенярксонтень пе арась. Люстратне, вазатне, стопкатне, церьковань кедьгетне, конат теезь хрустальстэ, мельтеме киньгак а кадыть. Музейсэнть ванстовить 15 тёжадо ламо экспонатт. Эйстэст вете тёжатне невтневить эрицятненень, ошонь инжетненень.

Пётр Зиновьев.

Пензань областень

Никольск ош

 

Новости

Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...
 
В рамках приема граждан Председатель ЕР поддержал социально значимые инициативы

Ряд социально значимых поручений дал Председатель «Единой России», премьер-министр Дмитрий Медведев в ответ на обращения, поступившие в рамках прима граждан, который прошел 30 ноября в Центральной общественной приемной Партии.

Подробнее ...