Рубрикатор

Культура Лия ёнов а молиця промысла
Лия ёнов а молиця промысла

Теньгушева велесэ ютась «Мордовия мастеровая» этнокультурной проектэнть юрсо «Теньгушевское семицветье» промыслань, ремеслань ды народной творчествань фестиваль. Сон ульнесь васенце ды тей тердевсть ламо инжеть, кода эсенек республикасто, истя жо сонзэ томбальдеяк.

Теньгушевань райононь Культурань кудосо ды сонзэ вальмало панжовсть мазыйдеяк мазый выставкатне. Тесэ невтевсть сеть промыслатне, конатненень явить мель те районсонть, конат улить ансяк тесэ. Теньгушевась Саранскойденть аволь маласо. Секскак ламот а содыть, кода тосо эрить ломантне, мезе сынст талновты, кодат коест-кирдаст ванстовсть.

Саемга, «Теньгушевань семицветьянть». Те – сисем эрьва кодамо мазый тюссо кодазь варьгат, носкат. Маряви, эйсэст кодыть малав эрьва кудосо. Эйкакшонь искусствань школасояк тенень тонавтыть эйкакштнень. Кодазь теевкстнэнь свал ускить невтемс выставкав. Истямо мазычинть вакска а ютават. Районсонть сехте содавикс кодыцясь – Александра Васильевна Ерёмина. Сонензэ уш ламо иеть. Ялатеке а кады вечкевикс тевензэ. Те выставкасонть вакссонзо аштесь эйкакшонь искусствань школань тонавтыцясь Вера Васильевна Куликова.

Кияк ней уш а ёвты, зярдо Теньгушевань кедьчелькев ломантне кармасть сисем тюссо кодамо. Умок! Минек аватне оршильть мазый костюмт, пильгесэст свал ульнесть кумажас кодазь кувака носкат, пильгезэст тонгозь резинань калошат. Кодазь носкатне аватнень лангсо прявт пелькс! Икеле, нама, варьгатнень-носкатнень кодасть ашо ревень понасто. Понанть эрявсь ванськавтомс рудаздо, штердемс, муськемс, мейле артомс мазый тюссо – якстере, пиже, ожо. Теде мейле костямс. Варьгатнень-носкатнень лангс аватне сеедьстэ кодасть нармушкат ды лопинеть. Нармунтне – уцяскань тешкс. Ды свал эрявсь кодамс сисем тюст, кода менельсэ пиземечирькесь. Те прявт вешема. Ней, нама, суретнень весе рамсить. Кодат ансяк сельмс каявиця тюст арасть, аволь кода умонь шкатнестэ, – ёвтнесь В.В.Куликова.

Виде, варьгатне мазыйть, сельметь а саевить лангстост. Ансяк рамазь суретнестэ сынь тунь аволь лембеть. Кандтнемс сынст бути ансяк мазычинь кисэ. Эряви меремс, фестивалень эрьва инжентень макссть сувенирэнь вишка варьгине, конань эрявсь понгавтомс мештес. Пек мельстуиця арсевксэсь!

Те выставкасонть минь вастынек Е.В.Буртасовань. Елена Викторовна арты шкатулкат, матрёшкат, лазт, вишка ды покш сувенирт, тейни эрьгеть. Ламотне артозь валдо-пиже (салатовой) тюссо. Валонзо коряс, те сонзэ «фирменной» ды вечкевикс тюсозо. Кедьчелькев авантень сеедьстэ пшкалить энялдома марто: вешить матрёшкат ды лия теевкст. Эйсэст рамсить эстест ды лиянень казнекс. Буртасовань сувенирэнзэ улить Московсо, Хабаровскойсэ, Тольяттисэ ды ламо лия оштнесэ. Лезды тензэ тетязо, кона чувтосто тейни заготовкатнень. Те аванть кенжензэяк лия ёнов а молицят – сынь артозь истя, кода сувенирэнзэ!

Мирдть-полат Павел Александрович ды Ольга Филаретовна Матвеевтне састь Сакаева велестэ. Сынь усксть мартост кодазь варьгат ды кувака каркст. Паряк, дивазевтядо, каркстнэнь коды цёрась!

Мария Фёдоровна Кабаева эри Шокша велесэ. Сонензэ 71 ие. Выставкасо невтсь шокшань авань оршамопельть, конатнень стынзе-кодынзе сонсь: панар, шубейка, сорука, каркс, пряс понгавтовиця мазылгавтомат – пух ды кудрят. М.Ф.Кабаева эрьва ие сакшны «Шумбрат, Мордовия!» фестивалев, косо сонзэ весе содасызь.

Истя жо ламот содасызь Татьяна Ивановна Щербинкинань. Сон матрёшкань артыця. Авась ламо иень перть важоди эйкакшонь искусствань школасо, тонавты эйдинетнень матрёшкань ды лия налкшкень мазыйстэ артомо. Мастерэсь арты эрзявань ды мокшавань чачо марто матрёшкат, истя жо арты ёвксонь геройть. Зярыя иеде икеле сонзэ тердтнизь Саранскоев, Н.П.Огарёв лемсэ ИНК-нь студенттнэнь туртов ютавтсь матрёшкань артомань коряс мастер-класс. Теде башка, важодсь сонзэ теевксэнь выставкаяк.

Паро инжекс те фестивальсэнть ульнесть Орданьбуе ёнксонь Орозбие велень ломантнеяк, конат невтсть понань лембе кемтнень. Мирдть-нить Юрий Александрович ды Надежда Михайловна Аксёновтне усксть эрьва кодат кемть.

«Теньгушевское семицветье» фестивалесь панжовсь ушосо, ков пурнавсть ламо ломанть. Весень сынст каванясть пачалксе марто чайде. Лембе вал марто инжетненень пшкадсть Теньгушева ёнксонь прявтось А.П.Кузьмин, МР-нь Культурань, национальной политикань, туризмань ды архивень тевень министрась А.М. Чушкин. Сцена лангсо казезельть Теньгушева ёнксонь мастертнэ, кедьчелькев ломантне.

Теде мейле важодсь «Роль традиционных промыслов и ремесел в сохранении сельских территорий и развитии туристической привлекательности региона» лементь ало кругловой столесь. Ламот тешкстызь, сынь эзть сода ды эзть марсе Теньгушевань семицветьядонть. Те культурань брендэнтень эряви лездамс, кепедемс верев, ёвтнемс эйстэнзэ, лездамс кедьчелькев ломантненень. Паряк, эряви сёрмадомс проект, конань кисэ максыть грант. Саемга, кода тейсть Покш Березникбуень Парынзэлесэ. Тосо велень Культурань кудонть витнемга макссть грант.

– Минек республикасо ули мезе невтемс, ули мейсэ дивавтомс васолдонь инжетнень. Ансяк эрьва тевсэ эрявить превей, эсь тевень содыця ломанть, лиякс меремс, инициативнойть. Аволь эрьвантень сёрмадови грантось. Ялатеке эряви молемс икелев, арсемс. Саемга, панжомс Семицветьянь куншкакуро, нолдамс семицветьянть марто эрьва кодамо полиграфической продукция. Лия ёнкстнэсэ явить тенень покш мель. Невтемга, ули Ярославской областьсэ Мышкин ош. Те – музеень эли сувенирэнь ош! Тосо весемесь пештязь чеерь марто сюлмавозь сувенирдэ-теевкстэ, – кортась Н.П.Огарёв лемсэ МГУ-нь ИНК-нь доцентэсь Л.Д.Лёвина.

«Теньгушевское семицветье» промыслань, ремеслань ды народной творчествань фестиваленть арсить ютавтомс эрьва иестэ. Паро ули, бути сисем тюссо кодавкстнэ а стувтовить. Ансяк эрьва косо валдо ушодкстнэ учить лезкс.

 

Т.Маторкина

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...