Рубрикатор

Культура Мастянь ильтямот – тундонь вастомат!
Мастянь ильтямот – тундонь вастомат!

Мастясь – пек вечкевикс ды умонь кенярксчи. Эрзятне кезэрень шкасто саезь келейстэ тешкстыть Мастянь недлянть ды сонзэ ильтямонть, эли, лиякс, Тундонь вастоманть. Мастянь недлястонть весе панить тантей пачалксеть. Коень коряс, сэват пачалксе – теке нилят чипаень пелькске, сонзэ лембензэ ды валдочинзэ. Пачалксетне паневить цела недля а стяко, истя кудазораватне тердить тундонть, эдь пачалксесь молияк чипайне ёнов, конась карми седе сеедьстэ невтнеме прянзо ды пани теленть. Теде башка, те шкас ванстовсть лия койть. Вейкесь эйстэст – Мастянь нецяень пултамось. Пандопряс наряжить олгосто, тарадсто теезь ды мазый платиясо оршавтозь нецяй, сонзэ перька анокстави толпандя ды Мастянь меельце чистэнть нецяесь пултави. Од ломантне эште наряжить пиже-ожо-якстере парсейсэ чувтонь чарыть ды ульцява ютамодо мейле кирвазтезь сынст нолдасызь покш пандопрясто. Мастянь чистэнть весенень эряви киштемс-морсемс, кенярдомс, пейдемс. Нейгак кемить, кие а кенярды Мастясто, се карми майсеме-мелявтомо цела ие, секскак те чистэнть малав весе оштнесэ ды велетнесэ ютавтневить Мастянь ильтямонь –Тундонь вастомань кенярксчить.

 

Мастясь Сабанцелесэль...

Отяжеле ёнксонь Сабанцелесэ Мастянь ильтямось тедеде ютась аволь свалшкань таркасонть, аволь Культурань кудонть икеле – школань хоккеень кортонть вакссо, эдь велесэнть те чистэнть ютась эште вейке покш тев – шайба марто хоккеень турнир. Ансяк теде седе тов. Васняяк велень эрицятнень ды инжетнень киштемасо-морамосо вастызь Сабанцелень, Таразбуень, Аловелень велень аватне, конатне наряжакшность мазый, цецяв пацясо ды гайтев вайгельсэст тердсть весень киштеме гармониянть мельга. Концертэнть, сценариенть, налксематнень вейсэ анокстызь Сабанцелень эрицятне, эсь тиринь веленть кисэ мелявтыцятне: ДК-нь прявтось Ольга Кузнецова, кенярксчинь ветицясь, школань тонавтыцясь Надежда Слугина, турнирэнь организаторось Александр Тикшайкин. Кода свал, спонсорокс ульнесь «Сабанчеевское» ООО-сь ды сонзэ прявтось Д.Н.Игушкин. Велень хозяйстванть пельде школанть икеле весенень пидезель сывель ям, паневсть пачалксеть ды явшевсь пси чай. Отяжелень райпось микшнесь тантей шашлыкть ды прякат-сюкорот. Тешкстама, ломантнеде сакшность пек ламо ды аволь ансяк Сабанцелестэ,  шабра велетнестэяк. Концертэнть теемс лездасть Сабанцелень школань тонавтницятнеяк, сынь истя жо наряжакшность мазый пацясо ды невтизь Тундонь вастомань коенть. Меельцекс, эйкакштнень кенярдоматнень ды сеерематнень мельга, пултазель пандопрясо аштиця Мастянь нецяесь.

Хоккеень турнирэнть ушодомадо икеле сонзэ арсицясь Александр Тикшайкин явшесь Шнамонь конёвт М.Е.Евсевьев лемсэ МГПИ-нь физической культурань факультетэнть пельде сеть ломантненень, конатне лездасть хоккеень ветерантнэнь турнирэнть ютавтомасо. Сюкпрянь валт ёвтазельть Д.Н.Игушкиннэнь, Е.Е.Палькиннэнь, Н.Н.Пелагейкиннэнь, В.Ю.Титяпкиннэнь ды лиятненень. Те матчось арсезель а стяко. Сабанцелесэ 35 иеде теде икеле школань хоккеень ансяк строязь кортсонть васенцеде ютавтозель истямо мероприятия. Сестэ налксесть истя жо Отяжелень ды Сабанцелень командатне. Стака «тюремадонть» мейле изницякс лиссть Сабанцелень хоккеисттнэ. Ней, 35 иень ютазь, Отяжеленсетне састь каршо валонь ёвтамо.

Эенть лангс мазый, эрьва кодамо тюсонь формасо лиссть «Колос» (Отяжелень) ды «Путь Ильича» (Сабанцелень) командатне. Икелень хоккеисттнэ кадокшнызь весе тевест ды састь Мордовиянь томбальдеяк. «Путь Ильича» командань капитанокс ладязель Василий Калабаев, «Колосонть» – Николай Суняйкин.  Судицясь – школань икелень тонавтыцясь Е.Е.Палькин. Матчось ульнесь а стувтовицякс, мазыекс, адреналинэсь кортонть вакссо менельс кузсь. Болельщиктне весе вийсэст бажасть пансемс налксицятнень, кой-конатне натой вайгелесткак «сезизь». Ансяк Сабанцеленсетненень те чистэнть фортунась ды стенатне эзть лезда, кадык «сэредицятнедеяк» ульнесть кисэст колмоксть седе ламо. Счетось: 6:4. Изнясть Отяжелеть. Сынст туртов максозельть ярмаконь казне ды Кубок. Истя жо явшезельть казнеть сехте вадря налксицятненень ды сехте мазый голонть кисэ.

Турнирдэнть мейле налксицятне ды ваныцятне тердезельть Культурань кудов, косо невтезель «Движение вверх» меельце шкань сехте содавикс ды патриотичной фильмась.

…Саранскойсэль

Кода свал, сехте ламо ломанть пурнавкшность Мастянть ильтямо Саранскоень А.С.Пушкин лемсэ парконтень. Тесэ роботасть зярыя площадкат. Скоморохтне тердсть налксеме, киштеме-морамо, ютавтозельть ламо налксемат, пеедькшнемат, хороводт, пелькстамот. Парксонть питневтеме явшевсть пачалксеть ды баранкат, инжетне каванявсть ликшань кашадо ды чайде. Истя жо роботасть каванямкань палаткат ды сувенирэнь лавкат. Покш сценасонть дивавтсть эсь вайгельсэст «Умарина» ансамблянь артисттнэ. Тосо жо стявтозель сэрей столба, конань пряс поводезель атякш. Сонзэ мельга кузицятнеде пек ламольть, ансяк уцяскась мизолдсь сехте эрязантень. Тоско жо учось эсь а кенярдовтыця уцясканзо Мастянь нецяесь.

Коень коряс, Мастянть ильтямо сакшнось ошонь прявтось Пётр Тултаев. Тедеде сон эзь невте мастер-класс пачалксень панемань коряс, ярсась лиянь паневтнеде, ёвтась поздоровт ды энялдсь нолдамс пежетензэ.

Кенярксчинь афишась ульнесь пек сюпав, ансяк пертьпельксэсь эзь максо куватьс аштемс ушосо. Вармась кандсь начко лов ды пансь ломантнень лембе кудов. Телесь эште эзинзе максо праванзо Тундонтень, эдь тедеде Мастясь ютась пек рана. Ялатеке учотано Тундонть!

 

М.Девятова.

Фототне С.Чиженковонь ды Э.Ретунскоень

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...