Рубрикатор

Культура Ушодовсь Ине постось
Ушодовсь Ине постось

Ине постось – те Пазнэнь кемицятнень туртов покштояк покш тев, Инечинь тешкстамонтень кувака анокстамонь кой. 2018 иестэ Ине постось ушодовсь февралень 19-це чистэ ды прядови апрелень 7-це чистэ. Те ярсамопельде ды симемапельде сехте куватьс кирдемань шка. Сон моли сисем недлят ды лезды ломантненень ванськавтомс эсь рунгост, превест ды оймест. Ине постонть кувалмозо 48 чить, те шканть перть ломантне, конат кирдить постонть, топавтыть башка вешематнень-кармавтоматнень. Те шкась ашти 6 недлясто ды 1 Страстной седмицасто.

Постонть омбоце лемезэ – «Четыредесятница», седе видестэ невти ярсамопелень ды оймень кирдемань шканть. Те сисем недлят, конат эрявить сень туртов, Пазнэнь кемицясь чарькодезэ ды марязо, мезе печтясь Идицясь, зярдо майсесь минек кисэ крёстонть лангсо ды печтизе вачочинть. Прядовомадонзо мейле, апрелень 8-це чистэ, христиантнэ тешкстасызь Инечинть.

Мейсэ Ине постонть смустезэ? Сон ледстни Иисус Христосонь духовной кидензэ, зярдо сон ниленьгемень чить ютавтсь пустынясо апак ярса ды апак симе. Ине постонть духовной смустезэ – покш виень путома марто эсь ойменть ванськавтомась. Те шкастонть эряви кирдемс кежденть ды лиятнень покордамодонть. Ине постось – православиянь посттнэнь эйстэ сехте кувака. Те шкастонть весе молитватне ды Пазонтень пшкадематне явовить чумонь нолдамосо ды сэтьмелгадомасо. Те церьковань литургиянь шка. Башка смусть явови недлячитненень. Сисемтнестэ эрьвась алтави кенярксчинтень ды покш тевентень. Постонь читнестэ Пазнэнь кемицятне киртить ёжонь невтемаст, мелест-бажамост, ламосо кардыть эсь прянть. Те шкастонть полавтови ломаненть эрямозо, истя жо сонзэ питнейчитне ды койтне.

 

Кода видестэ вастомс Ине постонть

Кода видестэ ютамс Инечинтень весе кинть ды ванстомс прянть пежетьс совамодонть, апак анокста ломанентень пек стака. Эряви вадрясто чарькодемс, мезе истямо постось. Эдь те аволь ансяк ярсамопельденть кирдемась. Прявтокс ашти эсь прянть мельга ваномась ды пежетькстнэнь, асатыкстнэнь ды виев пелеманть изнямось. Тень коряс эряви кортамс священниктнень марто, ансяк сынь маштыть видестэ толковамо, мезе истямось Ине постось, ды максомо лезэв превспутомат. Эряви саемс баславамо, сестэ постоськак юты шождасто.

Пек сеедьстэ эрси истя, постонть ушодовомадонзо икеле ломантне пек ламо ярсыть ды васенце кемень читнень перть беряньстэ марить ёжост: арасть виест, велить превест, седеест човоряты. Ярсамопелень киртямонтень эряви совамс састо, постонть ушодовомадо икеле зярыя чиде икеле лоткамс ярсамо сывельде, ловсодо. Седе ламо ярсамс кашадо, ямдо ды эмежде. Сеть ломантне, кить кирдить пост середасто ды пецясто (ламот пондельникстэяк), совить постонтень шождасто.

Истя жо састо эряви постонть эйстэ лисемскак, а каявомс сеске скоромной ярсамопельтнень лангс.

Мезде ярсамс?

Сехте стакась неень шкань ломантнень туртов – отказамс эсенек эрьва чинь койтнеде, седе пек ярсамосо. Медицинасо эрьва важодицясь ёвтасы, тундонь шкасто, зярдо организмась стакалгадсь ды сонзэ эряви кемекстамс, белоконь стака ярсамопельтнеде кирдемась пек лезэв. Пазнэнь ламот кемицятне, седе сеедьстэ сеть, конат зярдояк эзть кирде пост, а кемить эсест виест лангс. Алкукс жо, те аволь пек стака. Постонь шкасто а мереви ярсамс сывельде, ловсодо, сырадо, калдо.

Ванносынек, мезде мереви ярсамс:

– Фруктат ды ягодат. Сынст эйстэ мереви теемс салатт эли ярсамс свежасто. Седе покш мель явома гранатонтень, клюквантень, виноградонтень, умарентень, грушантень ды весе цитрусовойтненень;

– Эмежть. Сынст юткс кандови эрьва кодамо сортонь капстась. Сонзэ мереви рестамс эли ярсамс свежасто. Истя жо мереви ярсамс базиликте, копёрдо, петрушкадо, кинзадо, умбравдо, шпинатто, пиже чурькадо, помидордо, ламбамо порцькадо, модамарде, куярдо, кукурузадо, морковдо ды лиядо;

– Кснавось, титирясь (чечевица), бобатне, фасолесь – максыть ламо протеин, конась пек эрявикс минек организманть туртов. Ёвтазь ярсамопельтнеде мереви пидемс пюре, рагу, ям;

– Постонь шкане эряви ярсамс кашадо, конат пидезь эрьва кодамо ямкссто;

– Ине постонть шкасто калдо мереви ярсамс ансяк Эрьбань недлячистэ ды Благовещениясто. Лазаревень субутасто, конась моли Эрьбань чиденть икеле, мереви сэвемс калонь икра. Бути кортамс иневедень продуктатнеде, тесэ мельтне-арсематне явовить. Веенстнэ кортыть, сындест ярсама ансяк сеть кавто читнестэ, кода калдо. Лиятне арсить лиякс, постонь лия читнестэяк мереви ярсамс иневедень продуктатнеде;

– Ине постонь шкасто мереви симемс компотто, ярсамс варениядо. Сынст эйстэ тейнить морст, пидить кисельть. Костязь фруктатнень истя жо таргить постонь столенть лангс. Сынст истя жо кайсить кашатнес эли рестазь эмежтнень юткс. Постонть шкасто вечкевить костязь ананасось, инжирэсь, умаресь, вишнясь, грушась, сливась, абрикосось, виноградось, бананось, финикесь;

– Сетненень, кить вечкить ярсамс ламбамодо, постонь шкане мереви ярсамс сахардо, медте, раужо шоколадто (ванодо, эйсэнзэ илязо уле ловсо), козинакто, халвадо, постной зефирдэ, мармеладто.

Ине постось православиянь ломантнень туртов оймень пек стака важодема. Те  – пежетьксэнь нолдамонь ды оймень ванськавтомань шка. Кото недлянь перть молитвасо шкань ютавтомадонть, ярсамопельде ды кенярксчитнеде кирдемадонть мейле ушодови Страстной Ине недлясь.

Ярсамопельсэ эсь прянь киртямось – те Ине постонь аволь вейкине ды аволь прявт пелькс. Ков седе прявтокс ашти оймень ванськавтомась – стяконь кенярксчитнеде отказамось, покордамотнень, кежей валтнэнь стувтомась, эрямонть лангс мельтнень-вановттнэнь полавтомась.

Панго марто тушазь капста

Мезе эряви:

* капста – 1 кило;

* шампиньонт – 400 граммат;

* чиньжарамонь ой – 3 покш пенчть;

* сал, порцька, лимононь сок.

Керсемс капстанть ды панготнень, пачалгонть лангсо эждемс оенть. Васняяк рестамс панготнень, мейле каямс капстанть. Нуртямс аламошка ведь, тушамс ярсамопеленть, зярс а чевтемить эмежтне. Бути эряви, каямс эштё ведь. Пиема малав каямс порцька, сал ды лимононь сок.

Помидоронь ям

Мезе эряви:

* ведь – литра;

* керсезь помидорт – 450 граммат ды томатонь паста – 4 покш пенчть;

* консервировазь ашо фасоль – 420 граммат;

* вейке эли кавто чурькат;

* оливкань ой – 2 покш пенчть;

* чили порцька – вишка пенчень нилеце пельксэсь;

* пейчурька – 2 пейнеть;

* винань уксус – 1,2 покш пенчть;

* прованской тикшеть, сахар, сал.

Эждезь кастрюлясо 5 минутань перть рестамс чурька, каямс тов порцька, пейчурька, мейле – томатонь паста ды рестамс эштё зярыя минутат. Мейле каямат тикшетнень ды помидортнэнь, веденть ды учомс, зярдо карми лакамо. Ансяк мейле каяма фасоленть, комсь минутатнень ютазь – весе специятнень. Пидемс 10 минутат. Те шкастонть духовкасо ой ды пейчурька марто костямс кши.

Салат

Мезе эряви:

– 2 морковт, 2 помидорт, 1 куяр, 1 умарь, 1 чурька, пельлимон, покш пенч чиньжарамонь ой, копёр-петрушка.

Морковонть човамс тёркань пачк. Чурьканть, помидоронть, куяронть керсемат. Умаренть ванськавтома ды истя жо керсема. Оенть, салонть, сахаронть ды лимононь соконть эйстэ теема соус, весементь човоряма.

 

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...