Рубрикатор

Культура Мордовиясь тусь Томасонь мельс
Мордовиясь тусь Томасонь мельс

Немецень церась Томас Дикс зярдояк эзь марсе Мордовиядо. Сон эрясь Эссен а покшке ошсо, конась аволь васоло Кельн ды Дюссельдорф оштнестэ, роботась программистэкс ды вечксь путешествовамо. Томасонь эрямозо полавтовсь, зярдо сон вастызе эрзянь тейтеренть Татьяна Слугинань, конась сась роботамо Германияв Н.П.Огарев лемсэ МГУ-нь омбо масторонь келень факультетэнть прядомадо мейле. Таня эзь моле сынст ошонь тейтертнень енов, сон ульнесь панжадо седей, мизолдыця, секе тев евтнесь эсензэ вечкевикс мастордонзо ды тиринь Сабанцеле веледензэ. Тейтересь немецень кельсэ кортамсто секе тев совавтыль а чарькодевикс валт. Сынь а молильть рузонсетнень енов, эдь Томас аламодо чарькодилизе те келенть, натой, школасояк тонавтнесь эйсэнзэ зярс-бути. Таня бажась парсте тонавтнемс немецень келенть, Томас, мекевланк, снартнесь содамс седе ламо валт рузокс. Неть бажамотне сынст седеяк малавгавтызь ды зярыя шкань ютазь Татьяна полавтызе фамилиянзо Дикс лангс. Ней сынь вейсэ уш малав 16 иеть.

Од содамонть ульнесь покш мелезэ вастовомс нинзэ тетянзо-аванзо марто ды свадьбадо мейле сынь сыргасть Россияв. Немецень церанть туртов те ульнесь васенце путешествия минек масторов, конанть сон ледстни те шкас. Московсто Мордовияв сынь арсесть ардомс машинасо, сайсть арендас вейке немецень содавикс фирмань автомобиль, конась эсензэ енкссо Томасонь туртов марявсь сехте кемекс ды а каладыцякс. Россиясо жо сынст учость зярыя «сюрпризт». Машинась ардомсто зярыяксть калалесь, ардыть-ардыть – чарытне нолдавить эли лия кодамояк тамаша лиси. Сестэ уш чарькодсь Томас, Россиясь – ансяк кеме обуцянь туртов, тесэ лавшотне а цидярдыть, емить. Кода-бути, Пазонь лезкс марто, окойники пачкодсть Отяжеле енксов. Сабанцелесэ Томасонь учось эште вейке покш дивавтома – сонзэ ваномо ды мартонзо шумбракстнеме састь нинзэ малав весе роднянзо-раськензэ, шабранзо ды малавиксэнзэ. Кода эрси минек эрзянь велетнесэ – вастовомась лиссь пек кенярксовокс, стольтне пешксельть прякадо, ямдо, пидезь сывельде ды, нама, кода кортыть Сабанцелень Пумбра ульцясонть, «инзей ведте». Те «пиже гуенть» варчамсто Томас тонавтнизе омбоце эрзянь валонть – «саты». Васенцесь, нама, ульнесь «шумбрат». Эряви тешкстамс, велень эрицятнеяк «дивавтызь» Томасонь немецень келенть содамосо. Кавто стопкадо мейле сынь весе «шпрэхадсть» немецекс, лемест икелев секе тев путнесть «их хайсэ», Томасонь марто кортамсто жо пшкалесть тензэ «дас ист Томас».

«Васенце вастовомась удалась, – нейгак пейди Томас. – Минек масторсо истят покш стольть зярдояк а пурнакшныть ды а бажить инженть каванямс весемесэ, мезе ули кудосонть. Монь жо сестэ мезде ансяк эздть андо – весе эрзянь прякатнень икелень путызь, рестазь калт, сывель ям, сюлонь прякинеть, каймакт… Кодаяк ве пекес зняро а кельги. Ледстяса омбо масторонь туристэнть ланга анекдотонть, конань монень мейле евтнизе Татьяна. Мон сонзэ евтнян аламодо лиякс. «Исяк симинь эрзятнень марто. Цють эзинь куло! Течи мартост похмелия витинь. Ох-ох-ох, седе пароль исяк куломс!»

Кемготово иес Томас сакшнось Мордовияв иезэнзэ весть-кавксть ды свал сонзэ Сабанцелесэ вастыть мельспаросо. Томас овсе а покшкавтниця, сон снартни содамс эрзянь келенть, эрзянь раськень койтнень-кирдатнень. Томас дивси, кодамо тесэ ванькс пертьпельксэсь, кодашкат виртне, паксятне ды эзгаст яксемстэ кияк а пантянзат ды а мери: «оргодть, те монь модась». Церась арси, пенсияв туемадо мейле сы Сабанцелень ванькс модасонть модамарень кастомо, мейле жо карми тейнеме эйстэст «чипсат».

 Немецень церась а яви рузтнэнь ды эрзятнень, сонзэ туртов минь весе вейке масторонь эрицят – россиянинт. Томас, нама, чарькоди, рузонь келесь явови эрзянсенть эйстэ, сонзэ туртов сынь кавонест эште а пек саевицят. Германиясояк, корты церась, пек ламо диалектт. Весень туртов школатнесэ тонавтови вейсэнь немецень кель, эйсэнзэ кортыть телевидениясо, сермадыть газетатнесэ. Ансяк масторсонть улить келень колмошка покш группат: алце, куншка ды верце модатнень диалектт. Вана, Берлинсэ седе ламо кортыть берлинэнь наречиясо, Дрездэнсэ – саксонь наречиясо, Франкфуртсо – гессенэнь, Штутгардсо – швабонь.  Гамбургонь эрицятне сеедьстэ Баварияв сыргамсто саить немецень-бавариянь валкс. Кудосо, лавкасо, ярсамо таркасо немецтне мельспаросо эли, паряк, специальна, кортнить эсест наречиясо.

Немецень кельденть эште сермадсь рузонь ине ученоесь Михаил Ломоносов: «Бавариянь сокицясь-видицясь а пек чарькодьсы мекленбургерэнсенть, брандербургонь эрицясь – швабонь. Ялатеке сынь весе немецть».

Мордовиясо эрзянь ломаненть вастомсто Томас бажи зярыя валт евтамс эрзякс. Соды ламо кудоютконь, шумбракстнемань-ильтямонь валрисьметь. Сеедьстэ тапи рузонь валтнэнь эрзянсетнень марто. Минек ютксояк истятнэде ламо, а мезть сепомс. Церась тешксты минек раськень ломантнень панжадо оймест, келя, маряви, эйсэст арась кодамояк каштанчи, манчемань мельть эли ютазь пингень историянть марто сюлмавозь апаро мельть, секскак сон тей сакшны оймсеме. Тедеде Томас арси самс Россияв эште весть, ансяк ней те путешествиясь карми сюлмавозь Футболонь коряс масторлангонь чемпионатонть марто. Германиянь командась а карми налксеме Саранскойсэ, секскак сынь Татьяна марто бажить саемс билетт Московсо ды Сочисэ ютавтовиця матчтнес. Саранскойсэ улемстэяк сон вешнесь футболонь тематиканть марто сувенирт, ансяк, тешкстызе, сындест зярс а пек ламо. Эссен ошов Мордовиясто сайсь ривезне марто магнитт ды оскасо налксиця ривезне- налкшке. Томас эште весть тешкстызе Саран ошонть мазычинзэ ды сонзэ паро инфраструктуранзо, конась ары ве рядс Европань оштнень юткс. «Арсян, тынк ошонь инжетне улить мельспаросо!» – меельцекс туемстэ мерсь Германиянь эрицясь.

Марина Девятова

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...