Рубрикатор

Культура Эрзянь ривезесь яки интернетэнть келес
Эрзянь ривезесь яки интернетэнть келес

Людмила Селдушева эри Рузаевкасо. Сон вишка пингстэ саезь вечки артоманть. Яксесь тонавтнеме художественной школав. Прядсь Саранскоень кооперативной институт. Неень шкане декретсэ, чачсь омбоце тейтернезэ. Ютко шкасто од авась яви мель вечкевикс тевентень – артомантень. Аволь умок Людмила кармась артомо тюжа-ожо ривезть ды путнеме интернетс. Ломантне вастызь те меленть парсте, мельспаросо. Истя Людмила панжсь интернетсэ «Лис Мордовский» куро. Ды самай тосо сонзэ героесь – ривезесь, невтеви эрьва кодамо ёндо. Те ракшанть марто арсезельть зярыя серият. Саемга, ривезесь якси Саранскоень содавикс таркатнева, снимазь театратнень, университетэнть, почтанть, стявтовиця кудотнень вакссо, снимазь Рузаевкасо, эрси Луховкасо ды Берсеневкасо. Истя жо ломантне шнызь эштё вейке сериянть – «кортыця ривезь», косо ракшась корты эрзякс. Артовксонть вакссо аштить тиринь кельсэ сёрмадовкст: «Паро валске», «Сэтьме чокшне», «Кортадо эрзякс», «Авать марто мездеяк а пелят» ды седе тов. Эряви меремс, ривезесь артозь аволь мельтеме аштицякс, сон эрьва косо лия ёжо марто: пейди, нусмакали, уды, кирякстни сокссо эли эжни батарея вакссо, эли учи вальма вакссо ловонь прамо, чии цеця марто школав. Ривезесь эсенек, Мордовиянь, сонзэ пулосо ашти раськень тешксэсь!

Мон арсинь, ривезень артыцясь эрзянь ломань. Дивазевинь, зярдо Людмила каршон мерсь, сон – рузава. Мирдезэ жо Орданьбуе ёнксонь эрзянь цёра. Сестэ кевкстия, мекс сон кармась артомо ривезтнень эрзянь сёрмадовкс марто?

Те весе лиссь апак учо. Монь талновты, мекс раськень темась интернетсэ ашти кадозь, лангс апак ливте ды тарга. Ули мезде ёвтнемс ды невтемс. Келенть а содаса, секе тев ванкшнан эрзянь валкстнэс. Ансяк сеедьстэ лиснить ильведькст. Сестэ лездыть тень паро ломантне. Сынь видестэ ютавтсызь валрисьметнень, ёвтыть, кода ды мезе сёрмадомс, пачтить эсь мелест, мезе артомс. Мон ёвтан сынст туртов сюкпрянь валт. Саемга, ламо лезкс ульнесь эрзянь гороскопонть артомсто. Ламо валтнэ а вастневить эрзянь кельсэ, конат невтить зодиаконь тешкстнэнь. Савсь арсемс од валт. Ломантне сёрмадсть тень ламо сёрмат. Мерсть, паро мелесь ды эряви сонзэ поладомс, – ёвтни Людмила.

Тейтерь-авась артсь сядодо ламо ривезть. Конёвонь ривезтне ней эрить Московсо, Ярославлясо, Новороссийскойсэ, Оренбургсо, Екатеринбургсо, Омскойсэ, Красноярскойсэ, Владивостоксо, Тольяттисэ ды омбо масторсояк – Германиясо ды Мексикасо. Тосо эрить Людань ялганзо.

Теде башка, нолдась «Привет из Мордовии» почтань открыткат. Тосо ривезесь ёвты весень туртов «Шумбрат». Открыткатне миевсть ды казевсть сеске.

Од иень открыткатнесэ ривезесь мазылгавты кузонть. Февралень 14-це чинтень, зярдо тешкстыть Вечкицятнень чинть, Людмила анокстась од открыткат, косо пачтявить вечкемадо валтнэ: «Сенень, кинь вечкса», «Вечкицянь чи марто», «Весе седейстэ», «Уцяска – улемс вейсэ вечкевикс ломань марто». Бути кинь ули мелезэ рамамс, сынь миевить Сити-парконь чаень ды кофень «Дом солнца» лавкасо. Истя жо Людмила Селдушева нолдась ривезь марто кружкат. Сынь истят мазыйть! Кружкатне кармить алкуксонь казнекс.

– Людмила, кодат мелеть-арсемат седе тов? Кодамокс несызь ривезенть сонзэ вечкицятне?

– Ривезесь карми истямо жо тюжала, ёжов, пулосонзо – раськень тешксэсь. Сон полады якамо содавикс таркатнева, кортамо эрзякс ды кецявтомо содыцянзо. Ней мон анокстан од серия, кона алтави Мордовиянь спортонтень. Нама, ривезесь учи Футболонь коряс масторлангонь чемпионатонть. Тынь несынк ривезенть-спортсменэнть.

Кодамокс энялдсть ломантне артомс ривезенть? Ульнесть лия ёнов а молиця мельть-вешемат?

– Лия ёнов а молиця образтнэ – Зодиаконь тешкстнэнь артомась. Ламо мельть ёвтасть рак тешксэнть коряс.

Тынк семиясо, тондеть башка, кияк яви мель артомантень? Кода малавиксэть ваныть «Эрзянь ривезень» артоманть лангс ды косто муят шка артомс?

– Профессиональной артыцят семиясонок арасть. Ансяк те тевенть вечксызь весе. Арттано эсенек туртов. Вишка тейтернем, конанень 1,5 ие, уш нейке вечки пацькамо конёв. Малавиксэнь а молить каршо, сынь теке комикс мельга ваныть, кодамо карми ривезесь седе тов. Артан веньперть, чить шка арась. Артомо вечкан эрьва кодамо материалсо: акварельсэ, ламо тюсонь карандашсо ды линерсэ.

Эряви меремс, Людмила ютась «Самоучитель по рисованию» интернетэнь группасо тренинг, тосо артыть аволь профессиональной артыцятне. Варчинзе виензэ живописень коряс Раськеютконь онлайн-фестивальсэ, ютась живописень коряс мастер-класст. Минь а содатано, ков пачтясы сонзэ «эрзянь ривезесь», паро улевель, бути ёжов ракшанть неевлинек школасо тонавтницятнень тетрадкаст лангсо, эйкакштнень книгасо. Сонзэ ривезесь – пейдиця, эрямонь вечкиця, паронь арсиця, вансыть артовкстнэнь ды ёжоткак витеви!

Т.Маторкина

 

Новости

Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...
 
В рамках приема граждан Председатель ЕР поддержал социально значимые инициативы

Ряд социально значимых поручений дал Председатель «Единой России», премьер-министр Дмитрий Медведев в ответ на обращения, поступившие в рамках прима граждан, который прошел 30 ноября в Центральной общественной приемной Партии.

Подробнее ...