Рубрикатор

Культура учотано вадря полавтомат
учотано вадря полавтомат

  Од иентень анокстамсто, малав эрьвась юткстонок учи кодамо-бути паро полавтомат эрямостонзо. 2018 иенть лемдить Ожо кискань – ломаненть туртов сехте кемевикс оянть.Алкукскак, кискась ломанентень зыян а канды, мекевлангт, сон бажи вейкень-вейкень чарькодемантень, а кадсы азоронзо стака шкасто ды пек ризны, бути «покш лелязо» понги апаро тевс. Эряви ансяк седейшкава вечкемс эсь лездыцянть (покровителенть), маштомс сонзэ чарькодеме ды а кадомс мельтеме.

 

Ожо кискась алты тенек вадря ие – аламодо гайтев, ды теке шкасто кенярксов, паронь арсиця, секс эряви сонзэ вастомс умонь оятнень марто. Кадык те чокшнесь карми улеме вейкетьстэ арсицятнень вастовома, юты сон моразь-киштезь, косо весе кенярдыть Од иень самонтень. Ледстинк вишка пингенк, зярдо вечкевикс кисканк марто лисилиде ушов, тосо налксилиде сасамосо, кутмориде эйсэнзэ. Од иень программась кадык карми улеме истямо жо ледстневицякс, оймень эждицякс ды кенярдовтыцякс. Тынк инжетнень ёжомарямост карми улеме кепедезь, аволь мелявтыцякс, кода тынк вечкевикс кудонь ракшатнень, кинень тынь казтядо уцяска, ламо тансть!

 

Анокстадо ламо тантей

ярсамопельть

 

Кискатне вечкить тантей ярсамопельть, сынь седейшкава порнить аволь ансяк ловажат, истя жо покш кенярксчи печтить, бути тенст максомс ламбамопельть. Тень ловозь, столь лангс путодо ламо эрьва кодамо ярсамопельть, симемапелентькак эряви кочкамс тевень содазь. Тантей винанть вакссо кадык кармить улеме эрьва кодамо сокт.

Виде, икелепелев арсинк, кодамо тюсонь вельтявкс каятадо столенть ланга. Пароль бу мазылгавтомс комнатанть сырнень тюссо ды тия-тува  пижесэ. Неть тюстнэ пек ладить вейке-вейкенень, секс ули видекс, бути истямо оршамопельсэ карматадо улеме Од иень кенярксчитнестэ.

 

 Сэтьмечи ды ладямо

 

Пек паро ды сэтьме иесь сетнень туртов, кить вечкить ды чарькодить кискат. Аладямотне эрсить сестэ, бути теньсэ чумотано минсь. Анокстынк прянк сенень, иесь карми ютамо стамбарнэ ды апак тално. Кода кемевтить китаень гороскопонь анокстыцятне, 2018 иестэ моданть лангс сы ладямо, ломантне седе шождасто кармить чарькодеме вейкест-вейкест, вейсэ витевить ламо стакачитне, прядови кризисэсь.

Пертьпельксэнть пельдеяк учови сэтьмечи. Сон а канды тенек зыянов тевть. Учотано ладямонь ды уцяскав ие зодиаконь весе знактнень туртов. Те иестэнть мереви венчамс-урьвакстомс, улемс икеле молицякс важодема таркасо, кенеремс эрьва ков.

Те иесь лезды сетненень, кить арсить менемс зыянов тонадовкстнэнь эйстэ ды ули мелест парсте важодемс. Тынк туртов кармить улеме весе условиятне – пек ламо кенярксчить учить ды сэтьмечи весемесэ. Важодеде седейшкава ды ламось тенк изняви. Сень лангс апак вано, зодиаконь весе знактнень коряс обуцятне явовить вейкест-вейкест эйстэ, кить кармить виевстэ важодеме, сетнень учи тёкшс касома.

 

Ютазь иеденть

арсемстэ

 

Кеместэ эскельдядо икелев, прядовсть пек ламос бажамонь иетне, конат ютасть якстере, кежей, тюсонть ало, ней минек учить сэтьме, мелень витиця шкат. Кодаткак ризнэмат-талномат а кармить, мельтнень-арсематнень эрявить кирдемс видестэ, аламодо оймсема кризисэнь ютазь стакачитнеде, конась ульнесь аволь ансяк мирэнь-масторонь келес ды политикасонть, истя жо ломантнень превтнесэ-седейтнесэ. Паро, сэтьмечинть, уцясканть канды тенек Кискань иесь.

Ютазь аладямотнеде ды апаротнеде мейле весе кармить бажамо улемс вейке-вейкень кисэ мелявтыцякс, паронь арсицякс. Сы иень васень ковстонть, бути эштё кадови аламошка эйсэнек Якстере Атякшонть пельде, кежесь потстонок куроксто карми туеме, маенть самс весе карматано сэтьметь ды ояксчисэ эрицят.

 Кемеде,

уцяскась вакска а юты

Кискань иесь весенень тенек кази ладямо семиятнесэ, мирденть ды нинть ютксо чарькодема, тееде семият, чачтодо эйкакшт, казеде вечкема малавиксэнк туртов.

Зодиаконь весе знактнень важодема таркасо учи верев кузема, бути тынь машттадо парсте тевенк топавтомо ды муеме виде решения. Тынь ладятадо мик сетнень марто, кить икеле ульнесть ятонк, мезе-бути ули магической Кискань тюсонть эйстэ ды сон сюлмави моданть марто.

Минь кемтяно, иесь карми паро ды лезэв весе тевтнесэ, нолдынк тевс икелень весе арсематнень ды саеде умок уш тыненк анокстазь казнетнень.

Теке шкасто, весе паронть вакссо учить вишка лымбакстнемат, конат кармить варчнеме тынк нардевчинть. Ансяк теде илядо нусмакале, ялатеке весе зодиаконь знактнень учить мелень витиця ламо тевть, бути карматадо виевстэ, видестэ ютамо икелев, стакачитнень изнязь, удалов апак вано.

Тень туртов, штобу сы иесь улевель пек парокс ды уцяскавокс, арседе, кодамо оршамопельсэ сонзэ вастомс, Кискадонть апак стувто. Илядо стувто рамамс шампанской вина, венькуншкат, сонзэ панжомадо мейле, менелев ёртынк пекстамонзо.

Столенть пурнамодо, кода уш вере ледстинек, арседе парсте. Эдь Кискась пек вечки тантейстэ ды ламо ярсамо. Анокстадо кода сывелень, истя калонь ламо тантей ярсамопельть. Бути мелят сараз эзь мереве рамамс, тедеде жо илядо пеле эйстэнзэ тантей каванямот анокстамс.

Эштё вейке лувонть топавтынк: варчинк столенть лангсо венькуншкат (12 чассто) полавтомс ярсамопеленть ды симемапеленть таркаст, уцяскась карми мартонк иень перть!

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...