Рубрикатор

Культура инвалидэнь фестиваль
инвалидэнь фестиваль

Республикань Культурань кудосо ютась «Вместе мы сможем больше» инвалидэнь художественной творчествань фестиваль. Сон эрси эрьва ие. Ды ютавтыть эйсэнзэ МР-нь Культурань, национальной политикань, туризмань ды архивень тевень министерствась, Республикань раськень творчествань кудось. Васняяк эрьва районсо ванновсть морыцятне, кочкавсть паро номертнэ, мейле тердевсть Саранскоев Гала-концертэв. Тесэ морамосо, стихень ловномасо, киштемасо эсь ёрокчист невтизь республикань инвалидтнэ.

Ваныцятне весень вастсть лембестэ. Эрьвась чарькоди, кодамо аволь шожда эрямо сынь печтить. Сцена лангс лиснесть вишка эйкакшт ды покш ломанть. Кие – инвалидэнь коляскасо, кие жо лавшосто неиця эли а мариця.

Концертэнть ушодызе Темникова ёнкссто Егор Бабенко. Парсте мельганзо морась Покш Игнатбуень тейтерькась Софья Лисенкова. Сон морызе «Крылатые качели» содавикс моронть. Мельстуиця «Пеппи» киштема анокстасть Ковылкина ёнксонь Алина Семина ды «Радуга» киштемань коллективесь. Лямбирь ёнксонь Ксения Колотухина морызе «Масторавась лужакадсь» эрзянь кезэрень моронть. Парсте стихть ловность Саранскойстэ Нина Ракитина, Игорь Исайкин ды Ольга Филева. Лембестэ вастозель Чаунза ёнксонь Юрий Медов авторось-морыцясь. Фестивалень свалшкань участникесь Дмитрий Фадейкин важоди Саранскоень Культурань дворецсэ. Сон морызе Бакич Видяень «Эрзянь мастор» моронть, тензэ лездась «Ника» неень шкань киштемань народной ансамблясь.

Меельцекс МР-нь Культурань, национальной политикань, туризмань ды архивень тевень министрась А.М.Чушкин казинзе фестивалень весе участниктнень. Эйкакштненень явшесть филармонияв Од иень кенярксчив ды Някань театрав спектакляв тердемат, истя жо ламбамо казнеть.

Т.Маторкина

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...